Low Cost Bike: ఈ హీరో బైక్ రేటు కేవలం రూ.62 వేలే - బైక్ టాక్సీ కెప్టెన్లు, డైలీ వర్కర్లకు డబ్బు మిగిలిస్తుంది!
Hero HF Deluxe: ఈ బైక్ 97.2cc ఎయిర్-కూల్డ్, 4-స్ట్రోక్ సింగిల్-సిలిండర్, OHC టెక్నాలజీ ఇంజిన్తో పని చేస్తుంది. స్మూత్ ట్రాన్స్మిషన్ కోసం 4-స్పీడ్ గేర్బాక్స్ అమర్చారు.
Hero HF Deluxe Price, Mileage And Features Telugu: హీరో HF డీలక్స్, తెలుగు రాష్ట్రాల్లో అతి తక్కువ రేటు బైకుల్లో ఒకటి. తక్కువ ధర, మంచి మైలేజ్, తక్కువ నిర్వహణ ఖర్చుల కారణంగా ఈ బండి అమ్మకాలు చాలా బాగున్నాయి, గత నెల (జులై 2025) లో కూడా బెస్ట్ సెల్లర్గా నిలిచింది. ఆ నెలలో, మొత్తం 71,477 యూనిట్ల HF డీలక్స్ అమ్మకాలు జరిగాయి, గత సంవత్సరం ఇదే నెలతో పోలిస్తే ఇది 53 శాతం పెరుగుదల.
ఆంధ్ర, తెలంగాణలో ధర
హీరో HF డీలక్స్ 2025 మోడల్ ఎక్స్-షోరూమ్ ధర విజయవాడలో రూ. 62,018 నుంచి (Hero HF Deluxe ex-showroom price, Hyderabad) ప్రారంభమై, వేరియంట్ను బట్టి మారుతుంది. ఇప్పుడు కొన్ని బైకులను సెకండ్ హ్యాండ్లో కొనాలన్నా ఇంతకంటే ఎక్కువ రేటే చెబుతున్నారు.
హీరో HF డీలక్స్ బేస్ వేరియంట్ రిజిస్ట్రేషన్ కోసం దాదాపు రూ. 9,000 ఖర్చు అవుతుంది. ఇన్సూరెన్స్ కోసం దాదాపు రూ. 6000 చెల్లించాలి. ఇతర చిన్నపాటి ఖర్చులు కూడా కలుపుకుని, బెజవాడలో ఈ బండి ఆన్-రోడ్ ధర (Hero HF Deluxe on-road price, Vijayawada) దాదాపు రూ. 77,100 అవుతుంది. హైదరాబాద్లోనూ ఎక్స్-షోరూమ్ రేటు (Hero HF Deluxe ex-showroom price, Hyderabad) రూ. 62,018 నుంచి ప్రారంభమవుతుంది, దాదాపు రూ. 77,100 ఆన్-రోడ్ ధర (Hero HF Deluxe on-road price, Hyderabad) వద్ద కొనవచ్చు.
హీరో HF డీలక్స్ ఫీచర్లు
హీరో HF డీలక్స్ డిజైన్ స్టైలిష్గా, చాలా బాగుంటుంది. ఇది చాలా ఆకర్షణీయమైన & ఆధునికంగా కనిపించే బైక్. బైక్ సీటు కూడా చాలా సౌకర్యవంతంగా ఉంటుంది, ఎలాంటి అసౌకర్యం లేకుండా ఎక్కువ సేపు కూర్చుని నడిపేందుకు వీలుగా ఉంటుంది. ఈ బండి దాని తక్కువ బరువు కారణంగానూ దీనిని సులభంగా హ్యాండిల్ చేయవచ్చు. కంపెనీ, హీరో HF డీలక్స్ను కిక్ స్టార్ట్, సెల్ఫ్ స్టార్ట్ ఆప్షన్స్లో అమ్ముతోంది.
హీరో HF డీలక్స్లో మెరుగైన బ్రేకింగ్ వ్యవస్థను కంపెనీ అమర్చింది. ఈ మోటర్ సైకిల్ సస్పెన్షన్ వ్యవస్థ కూడా చాలా బాగుంది. బైక్ మెరుగైన హ్యాండ్లింగ్ కోసం డిజిటల్ మీటర్, ఇగ్నిషన్ సిస్టమ్ & ట్యూబ్లెస్ టైర్లు ఉన్నాయి.
హీరో HF డీలక్స్ ఇంజిన్
హీరో HF డీలక్స్ 97.2cc ఎయిర్-కూల్డ్, 4-స్ట్రోక్ సింగిల్-సిలిండర్, OHC టెక్నాలజీ ఇంజిన్తో పరుగులు తీస్తుంది. ఈ ఇంజిన్ 4-స్పీడ్ గేర్బాక్స్కు అనుసంధానమై ఉంది, గేర్ షిఫ్టింగ్ అనుభవం స్మూత్గా ఉంటుంది.
డబ్బును ఆదా చేసే మైలేజీ
హీరో HF డీలక్స్ అద్భుతమైన మైలేజీని ఆఫర్ చేస్తుంది. కంపెనీ లెక్క ప్రకారం, ఇది లీటరు పెట్రోలుకు దాదాపు 70 km ప్రయాణిస్తుంది. ARAI సర్టిఫై చేసిన మైలేజీ 68 kmpl. అంటే, చాలా బైకులతో పోలిస్తే ఇది బెస్ట్ మైలేజీ ఇస్తుంది, డబ్బును ఆదా చేస్తుంది.
ఈ డైలీ కమ్యూటర్ బైక్లో 9.6 లీటర్ల ఇంధన ట్యాంక్ ఉంది. ఈ ట్యాంక్ను పూర్తిగా నింపితే, చేస్తే 670 కి.మీ. వరకు నడపవచ్చు.
కంపెనీ, ఇటీవల, కొత్త ఫీచర్లతో 'హీరో HF డీలక్స్ ప్రో' ను లాంచ్ చేసింది. ఈ బైక్కు ఇంధనాన్ని ఆదా చేసే i3S టెక్నాలజీని అందించింది.
టాప్ హెడ్ లైన్స్
ట్రెండింగ్ వార్తలు
