Best Commuter Bikes: 125cc నుండి 350cc వరకు ఏ బైక్ అత్యుత్తమ విలువ కలిగి ఉంటుంది.. లిస్ట్ చూడండి

Best Daily Commuter Bikes | కొత్త బైక్ కొనడంలో మీరు కన్ఫ్యూజ్ అవుతుంటే 125cc నుంచి 350cc వరకు బైకుల మైలేజ్, మెయింటెనెన్స్ ఖర్చు, మీకు సరిపోయే అత్యుత్తమ బైక్ గురించి తెలుసుకోండి.

125cc నుండి 350cc బైక్స్

Source : Social Media

Show Quick Read

Key points generated by AI, verified by newsroom

• 125cc బైక్‌లు నగర ప్రయాణాలకు, అధిక మైలేజీకి ఉత్తమం.
• 150-200cc బైక్‌లు శక్తి, స్టైల్, మైలేజీ సమతుల్యతను అందిస్తాయి.
• అధిక సీసీ బైక్‌లు సుదూర హైవే ప్రయాణాలకు, టార్క్‌కు అనుకూలం.

Best Daily Commuter Bikes: భారత్‌లో బైక్‌లకు మొదటి నుంచీ డిమాండ్ ఉంది. దీని కారణంగా నేడు మార్కెట్లో అనేక కంపెనీల బైక్‌లు అందుబాటులో ఉన్నాయి. మీరు కూడా బైక్ కొనాలని చూస్తున్నారా.. ముందుగా ఏ బైక్ మీకు వాల్యూ ఫర్ మనీ (మీ డబ్బుకు తగ్గ విలువ) ఇస్తుందో తెలుసుకోవడం మంచిది. భారత మార్కెట్లో 125 నుంచి 350 cc వరకు బైక్‌లు ఎక్కువగా అమ్ముడవుతాయి. మీకు ఏ బైక్ మీకు బెస్ట్ అవుతుందో ఇక్కడ తెలుసుకోండి. ఈ వేర్వేరు కెపాసిటీల బైక్స్, వాటి మైలేజీ వివరాలు ఇక్కడ అందిస్తున్నాం. 

రోజువారీ ప్రయాణాలకు మైలేజ్ కోసం ఈ బైక్‌లు బెస్ట్

ఒకవేళ మీరు నగరంలోని ట్రాఫిక్ నుండి బయటపడాలన్నా, నెలవారీ పెట్రోల్ ఖర్చును ఆదా చేసుకోవాలి అనుకుంటే 125cc బైక్‌లు మీకు బెస్ట్ ఆప్షన్. ఈ సెగ్మెంట్‌లో హీరో ఎక్స్‌ట్రీమ్ 125R, టీవీఎస్ రైడర్, హోండా ఎస్పీ 125 వంటి అద్భుతమైన బైక్స్ వస్తాయి. ఈ బైక్‌ల అతిపెద్ద ప్రయోజనం ఏంటంటే, ఇవి చాలా తేలికగా ఉంటాయి. ఈ బైకులను ట్రాఫిక్‌లో హ్యాండిల్ చేయడం చాలా సులభం. ఇవి 60 నుండి 70 kmpl వరకు అద్భుతమైన మైలేజ్‌ను ఇస్తాయి. వీటి సర్వీసింగ్, స్పేర్ పార్ట్స్ ఖర్చు కూడా చాలా తక్కువగా ఉంటుంది. ఒకవేళ మీకు అద్భుతమైన మైలేజ్‌తో పాటు బడ్జెట్‌ బైక్ కావాలనుకుంటే 125 cc సెగ్మెంట్ బెస్ట్ అని చెప్పవచ్చు. 

ఈ బైక్‌లు సింపుల్ స్టైల్, మైలేజ్ 

మైలేజ్‌తో పాటు కొద్దిగా టార్క్, పికప్, స్పోర్టీ లుక్ కావాలనుకునే యువత కూడా అలాంటి బైక్ కోసమే వెతుకుతున్నట్లయితే, మీకు 150cc నుండి 200cc సెగ్మెంట్ ఖచ్చితంగా సరిపోతుంది. సాధారణంగా ఈ రేంజ్‌లో బజాజ్ పల్సర్ N160, టీవీఎస్ అపాచీ, యమహా MT-15 వంటి పాపులర్ బైక్‌లు సరిగ్గా సరిపోతాయి. 

ఈ సెగ్మెంట్ మీకు రోజువారీ సిటీ రైడింగ్‌తో పాటు వీకెండ్‌లో చిన్నపాటి లాంగ్ డ్రైవ్‌లకు వెళ్లేందుకు పూర్తి స్వేచ్ఛను ఇస్తుంది. వీటిలో మీకు 40 నుండి 50 కి.మీ/ లీటర్ వరకు పర్వాలేదు అనేలా మైలేజ్ ఉంటుంది. హై-స్పీడ్‌లో ప్రయాణించడానికి సింగిల్ లేదా డ్యూయల్ ఛానల్ ఏబీఎస్ వంటి సేఫ్టీ ఫీచర్లు కూడా లభిస్తాయి.

250cc నుంచి 350cc సెగ్మెంట్ బైక్‌లు

ఒకవేళ బైక్‌పై అడ్వెంచర్ చేయడం కనుక మీకు ఇష్టమైతే, మీరు 250 నుండి 350cc సెగ్మెంట్ బైకులు కొనడం మంచిది. రాయల్ ఎన్‌ఫీల్డ్ క్లాసిక్ 350, హంటర్ 350, హోండా CB350 వంటి బైక్‌లు ఈ కేటగిరీలో ముందు వరుసలో ఉన్నాయి. ఈ అధిక సీసీ బైకులలో అద్భుతమైన టార్క్ లభిస్తుంది. దాని కారణంగా హైవేపై గంటకు 100 కి.మీ వేగంతో వెళ్తున్నప్పుడు కూడా బైక్ ఎలాంటి వైబ్రేషన్ లేకుండా స్మూత్‌గా దూసుకుపోతుంది. 

అయితే, మిగతా బైకులతో పోల్చితే వీటి బరువు ఎక్కువగా ఉంటుంది. అందువల్ల అందరూ ఈ బైకులను మెయింటైన్ చేయలేదరు. అధిక బరువు కారణంగా భారీ ట్రాఫిక్‌లో నడపడం అంత సులభం కాదని తెలిసిందే. వీటి మైలేజ్ కూడా లీటర్ పెట్రోల్ కు 30 నుండి 35 కి.మీ మధ్య ఉంటుంది.

మరిన్ని చదవండి

క్లాసిక్ లుక్, అద్భుతమైన పవర్.. లాంగ్ రైడ్‌లకు ఈ 3 బైక్‌లో మీకు ఏది బెస్ట్

50 కిలోమీటర్ల మైలేజీ ఇచ్చే 125cc- 150cc బైక్స్ ఇవే!ధర, టెక్నాలజీ గురించి తెలుసుకోండి!