AP Governor: ఏపీ గవర్నర్ బిశ్వభూషణ్ కు మరోసారి అస్వస్థత... హైదరాబాద్ ఏఐజీ ఆసుపత్రికి తరలింపు

ఆంధ్రప్రదేశ్ గవర్నర్ బిశ్వభూషణ్ హరిచందన్ మరోసారి అస్వస్థతకు గురయ్యారు. దీంతో ఆయన్ను విజయవాడ నుంచి ప్రత్యేక విమానంలో హైదరాబాద్ కు తరలించారు.

ఏపీ గవర్నర్ బిశ్వ భూషణ్ హరిచందన్(ఫైల్ ఫొటో)

ఏపీ గవర్నర్ బిశ్వభూషణ్ హరిచందన్ మరోసారి అస్వస్థతకు గుర్యయారు. ఇటీవల కరోనా బారిన పడి కోలుకున్న ఆయన మళ్లీ అస్వస్థతకు గురవ్వడంతో హైదరాబాద్ కు తరలించారు. ఆయన్ను హైదరాబాద్‌లోని గచ్చిబౌలి ఏఐజీ ఆసుపత్రికి తరలించారు. ఈనెల 15న గవర్నర్‌కు వైద్య పరీక్షలు నిర్వహించగా కరోనా పాజిటివ్‌గా వచ్చింది. దీంతో గవర్నర్ బిశ్వభూషణ్ 17న హైదరాబాద్‌ ఏఐజీ ఆసుపత్రిలో చేరారు. ఈనెల 20, 22 తేదీల్లో ఆర్టీపీసీఆర్‌ పరీక్షల్లో నెగెటివ్‌ రావడంతో 23న ఆసుపత్రి నుంచి డిశ్ఛార్జ్ అయ్యారు. ఆదివారం సాయంత్రం మరోసారి అస్వస్థతకు గురవ్వడంతో విజయవాడ నుంచి ప్రత్యేక విమానంలో హైదరాబాద్‌ కు తరలిస్తున్నారు.

కోవిడ్ పరీక్షల్లో నెగిటివ్ ... కానీ

ఏపీ గవర్నర్ బిశ్వభూషణ్ హరిచందన్ కు నవంబర్ 17న అస్వస్థతకు గురి కావడంతో ప్రత్యేక విమానంలో హైదరాబాద్ తరలించారు. హైదరాబాద్ గచ్చిబౌలిలోని  ఏషియన్ ఇనిస్టిట్యూట్ ఆఫ్ గ్యాస్ట్రో ఎంటరాలజీ.. ఏఐజీ ఆస్పత్రిలో చికిత్స అందించారు. వైద్య పరీక్షల్లో ఆయనకు కరోనా పాజిటివ్‌గా నిర్ధారణ అయింది. ఆయన వయసు 87 ఏళ్లు. వార్ధక్యం కారణంగా ఆయనకు కొన్ని అనారోగ్య సమస్యలు ఉన్నాయని వైద్యులు తెలిపారు. ఏపీ గవర్నర్ బిశ్వభూషణ్‌ హరిచందన్‌ కు ఆసుపత్రిలో నిర్వహించిన కోవిడ్ పరీక్షల్లో నెగిటివ్ రావడంతో 23న డిశ్చార్జ్ చేశారు. 

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి