AP Corona Cases:  ఏపీలో కొత్తగా 117 కొత్త కేసులు.. ఒకరు మృతి

ఏపీలో కరోనా కేసులు నమోదవుతూనే ఉన్నాయి. కొత్తగా 117 కేసులు నమోదయ్యాయి.

ప్రతీకాత్మక చిత్రం

ఆంధ్రప్రదేశ్‌లో కరోనా కేసులు స్థిరంగా కొనసాగుతున్నాయి. 24 గంటల్లో కొత్తగా 21,360 మంది నమూనాలను పరీక్షించారు. 117 కొత్త కేసులు నమోదయ్యాయి. విశాఖలో ఒకరు మృతి చెందారు. కరోనా నుంచి నిన్న 241 మంది కోలుకున్నారు. రాష్ట్రంలో ప్రస్తుతం 2,961 యాక్టివ్‌ కేసులు ఉన్నాయని వైద్యారోగ్యశాఖ బులెటిన్‌లో తెలిపింది.

#COVIDUpdates: 15/11/2021, 10:00 AM
రాష్ట్రం లోని నమోదైన మొత్తం 20,67,200 పాజిటివ్ కేసు లకు గాను
*20,49,823 మంది డిశ్చార్జ్ కాగా
*14,416 మంది మరణించారు
* ప్రస్తుతం చికిత్స పొందుతున్నవారి సంఖ్య 2,961#APFightsCorona #COVID19Pandemic pic.twitter.com/LOdoknwBOk

— ArogyaAndhra (@ArogyaAndhra) November 15, 2021

భారత్ లో కేసులు

భారత్ లో కరోనా వ్యాప్తి అదుపులోనే ఉంది. కొత్త కేసులు మరోసారి పదివేలకు వచ్చాయి. మరోవైపు మరణాల సంఖ్యలో కూడా భారీ తగ్గుదల కనిపించింది. ఇక రికవరీ రేటు కూడా మెరుగ్గా ఉండటంతో.. క్రియాశీల కేసుల సంఖ్య క్రమంగా తగ్గుతోంది. 

కొత్తగా దేశంలో 9,15,198 కరోనా నిర్ధారణ పరీక్షలు నిర్వహించారు. 10,229 కేసులు వెలుగులోకి వచ్చాయి. అయితే ఇందులో ఒక్క కేరళ నుంచే సగానికి పైగా కేసులు నమోదయ్యాయి.  కేరళలో నిన్న 5,848 కేసులు.. 46 మరణాలు చోటుచేసుకున్నాయి.  కొన్ని రోజులుగా మరణాల సంఖ్య ఎక్కువగా నమోదవుతుండగా.. తాజాగా ఆ సంఖ్య 125కి తగ్గింది. దీంతో ఇప్పటి వరకూ ప్రాణాలు కోల్పోయిన వారి సంఖ్య 4,63,655కి చేరింది.

నిన్న 11,926 మంది కరోనాను జయించారు. ఇప్పటి వరకూ కోలుకున్న వారి సంఖ్య 3.38 కోట్లు దాటి ఆ రేటు 98.26 శాతానికి పెరిగింది. ప్రస్తుతం క్రియాశీల కేసుల సంఖ్య 1,34,096(0.39 శాతం)కు తగ్గి.. 523 రోజుల కనిష్ఠానికి చేరింది. దేశంలో ఇన్న 30,20,119 మందికి టీకాలు అందించారు. దీంతో ఇప్పటి వరకూ పంపిణీ చేసిన డోసుల సంఖ్య 1,12,34,30,478కి చేరింది.