Driving License Rules: తెలంగాణలో డ్రైవింగ్ లైసెన్స్ కొత్త రూల్స్.. ఇక 3 దశల విధానం- LLR ముందు ఎగ్జామ్, స్టెప్ బై స్టెప్ ప్రాసెస్ ఇదే

Telangana Driving License New Rules l తెలంగాణలో 3 దశల్లో డ్రైవింగ్ లైసెన్స్ జారీ చేయనున్నారు. త్వరలో ఈ విధానాన్ని రాష్ట్ర రవాణా శాఖ అమలు చేయాలని కసరత్తు చేస్తోంది.

తెలంగాణలో మారిన డ్రైవింగ్ లైసెన్స్ రూల్స్

Source : ABP Desam

హైదరాబాద్: తెలంగాణ రాష్ట్ర ప్రభుత్వం డ్రైవింగ్ లైసెన్స్‌ల జారీ ప్రక్రియలో విప్లవాత్మక మార్పులకు శ్రీకారం చుట్టింది. ప్రస్తుతం ఉన్న ఎల్‌ఎల్‌ఆర్ (LLR), పర్మనెంట్ డ్రైవింగ్ టెస్ట్ అనే రెండంచెల విధానానికి అదనంగా, రాష్ట్ర రవాణా శాఖ ఇకపై ఆన్‌లైన్ రోడ్ సేఫ్టీ అవేర్‌నెస్ మాడ్యూల్ టెస్ట్ తప్పనిసరి చేయనుంది. ఏప్రిల్ మొదటి వారం నుండి అమలులోకి రానుందని తెలుస్తోంది. 

తెలంగాణలో ప్రతి ఏడాది సుమారు 7,500 మంది రహదారి ప్రమాదాల్లో చనిపోతుండగా.. వేలాది మంది గాయాల పాలవుతున్నారు. ఈ క్రమంలో రాష్ట్ర రవాణా శాఖ సుప్రీంకోర్టు ఆదేశాల మేరకు నూతన డ్రైవింగ్ లైసెన్స్ విధానంపై కసరత్తు చేసింది. ఇది అమల్లోకి వస్తే రహదారి క్రమశిక్షణ పెరిగి ప్రాణనష్టం తగ్గుతుందని అధికారులు భావిస్తున్నారు.

డ్రైవింగ్ లైసెన్స్‌కు మూడంచెల విధానం
ఈ విధానం ప్రకారం, లెర్నర్ లైసెన్స్‌కు దరఖాస్తు చేసుకునే ముందే అభ్యర్థులు రహదారి భద్రతపై అవగాహన పరీక్షను పూర్తి చేయాలి. ఇందుకోసం రవాణా శాఖ 6 ప్రత్యేక మాడ్యూళ్లను తయారుచేసింది. ఒక్కో మాడ్యూల్ 30 నిమిషాల చొప్పున మొత్తం 3 గంటల పాటు సాగే ఈ ట్రైనింగ్, ఎగ్జామ్‌ను అభ్యర్థులు ఇంటి నుంచే పూర్తి చేయవచ్చు. కెమెరా ఉన్న కంప్యూటర్,  ల్యాప్‌టాప్ ద్వారా ఈ మాడ్యూల్ పూర్తి చేయవచ్చు. ఈ పరీక్షలో క్వాలిఫై అయి పొందే సర్టిఫికేట్ నంబర్ ఉంటేనే ఎల్‌ఎల్‌ఆర్ దరఖాస్తుకు మీరు అర్హులు అవుతారు. 

రెండో దశలో లెర్నర్ లైసెన్స్ కోసం పరివాహన్ వెబ్‌సైట్ లేదా లేదా తెలంగాణ రవాణా శాఖ వెబ్‌సైట్‌లో ఫారం 1, 1A (మెడికల్ సర్టిఫికేట్)తో ఫిల్ చేయాలి. నిర్వహించే ఆన్ లైన్ ఎగ్జామ్ పాస్ అయితే లెర్నింగ్ లైసెన్స్ జారీ చేస్తారు. మూడో దశలో పర్మినెంట్ డ్రైవింగ్ లైసెన్స్ కోసం దరఖాస్తు చేసుకోవాలి. LLR వచ్చిన 30 రోజుల తరువాత నుంచి 6 నెలల్లోపు పర్మినెంట్ లైసెన్స్ కోసం స్లాట్ బుక్ చేసి.. ఆర్టీవో ఆఫీసుకు వెళ్లి అధికారులు నిర్వహించే డ్రైవింగ్ టెస్టుకు హాజరుకావాలని అధికారులు తెలిపారు.

తెలంగాణలో 3 దశల్లో డ్రైవింగ్ లైసెన్స్.. పూర్తి ప్రక్రియ
డ్రైవింగ్ లైసెన్స్ (DL) పొందడానికి ఇప్పుడు 3 దశల ప్రక్రియ పూర్తి చేయాలి. ఏప్రిల్ 2026 నుండి ఈ విధానాన్ని తప్పనిసరిగా పాటించాలి. కొత్త డ్రైవింగ్ లైసెన్స్ దరఖాస్తు ప్రక్రియ స్టెప్ బై స్టెప్ ప్రాసెస్ ఇదే..

ఫేజ్ 1: ఆన్‌లైన్ రోడ్డు భద్రతా అవగాహన పరీక్ష రాయాలి
LLR దరఖాస్తుకు ముందు 6 మాడ్యూల్స్‌తో కూడిన 3 గంటల ఆన్‌లైన్ క్లాస్ వినాలి. తరువాత నిర్వహించే పరీక్షలో ఉత్తీర్ణత సాధించి సర్టిఫికేట్ నంబర్ పొందాలి.
    
ఫేజ్ 2: లెర్నర్ లైసెన్స్ (LLR) కోసం దరఖాస్తు చేయాలి
పరివాహన్ వెబ్‌సైట్ లేదా రాష్ట్ర రవాణాశాఖ వెబ్‌సైట్‌లో ఫారం 1, 1A (మెడికల్ సర్టిఫికేట్)తో అప్లై చేసుకోవాలి. ఆన్‌లైన్ పరీక్షలో పాస్ అయితే LLR జారీ అవుతుంది. 

ఫేజ్ 3: శాశ్వత డ్రైవింగ్ లైసెన్స్ (DL) కోసం దరఖాస్తు 
LLR వచ్చిన 30 రోజుల తర్వాత నుంచి 6 నెలల లోపు పర్మినెంట్ లైసెన్స్ కోసం స్లాట్ బుక్ చేసుకోవాలి. తరువాత ఆర్టీవో (RTO) ఆఫీసు వద్ద డ్రైవింగ్ ట్రాక్‌పై అధికారులు నిర్వహించే డ్రైవింగ్ టెస్టుకు హాజరు కావాలి. 

అర్హత, కావాల్సిన డాక్యుమెంట్స్ 
 వయస్సు: 18 ఏళ్లు నిండి ఉండాలి (గేర్ లేని టూవీలర్‌కు 16 ఏళ్లు).
డాక్యుమెంట్స్: ఆధార్ కార్డ్, అడ్రస్ ప్రూఫ్, వయసు ధృవీకరణ పత్రం, పాస్‌పోర్ట్ సైజు ఫోటోలు
50 ఏళ్లు పైబడిన వారు తప్పనిసరిగా డాక్టర్ నుండి ఫారం 1A మెడికల్ సర్టిఫికేట్ తెచ్చి సబ్మిట్ చేయాలి. 

లైసెన్స్ వ్యాలిడిటీ
ప్రైవేట్ వాహనాలకు (Non Transport) అయితే 20 ఏళ్ల వరకు లేదా 50 ఏళ్ల వయస్సు వచ్చే వరకు చెల్లుతుంది. ఆ తర్వాత ప్రతి 5 ఏళ్లకు రెన్యూవల్ చేసుకోవాల్సి ఉంటుంది. 

మరిన్ని చదవండి

హైదరాబాద్‌లో పెట్రోల్, LPG కష్టాలు! బంకుల వద్ద నో స్టాక్ బోర్డులు.. ప్రజలకు సీపీ సజ్జనార్ కీలక సూచన

లోక్‌సభ, అసెంబ్లీ స్థానాలు 50 శాతం పెంపు.. ఏ రాష్ట్రంలో ఎన్ని సీట్లు పెరుగుతాయి