Suryapet Crime News: యువతిపై చిన్నాన్న అత్యాచారం... సోదరుడు కూడా లైంగిక వేధింపులు... తట్టుకోలేక ఆత్మహత్య

భారతదేశంలో కుటుంబ వ్యవస్థ చాలా పటిష్టమైంది. బాంధవ్యాలకు కూడా అంతే ప్రాముఖ్యత ఉంది. కానీ ఆధునిక పోకగల సమాజంలో వింత చేష్టలు పెరిగిపోతున్నాయి. వావివరసలు మరిచిపోతున్నారు. నిన్న ఒకడు ఇంట్లో నుంచి బయటకు వెళ్లకపోతే అత్యాచారం చేయిస్తానని కన్న కూతుర్నే బెదిరించాడో ప్రబుద్ధుడు. నేడు మరో ఇద్దరు మృగాళ్లు కూతురు వరస యువతిపై అఘాయిత్యానికి ఒడిగట్టారు. తల్లిదండ్రులు లేని ఆ యువతికి అండగా నిలవాల్సిన బంధువులే కిరాతుకులయ్యారు. 

Also Read:  Ramya Murder: రమ్య మృతదేహం తరలింపు అడ్డగింత.. ఆస్పత్రి వద్ద ఉద్రిక్త పరిస్థితులు, ఫ్యామిలీకి నగదు చెక్కు అందించిన హోంమంత్రి

వావివరసలు మరిచి

రెండేళ్ల వయసులోనే తల్లిదండ్రులు చనిపోయి అనాథ అయిన ఆమెను పెదనాన్న, పెద్దమ్మ పెంచి పెద్ద చేశారు. తల్లిదండ్రులు లేకపోయినా బంధువులు ఉన్నారన్న మనోధైర్యంతో ఉన్న యువతిపై బంధువులే  అఘాయిత్యానికి పాల్పడ్డారు. వావివరసలు మరిచి సొంత చిన్నాన్న, పెదనాన్న కొడుకు యువతిపై లైంగిక వేధింపులకు పాల్పడుతున్నారు. ఈ బాధను తట్టుకోలేక బాధితురాలు ప్రాణం తీసుకుంది. పురుగుల మందు తాగి ఆత్మహత్యకు పాల్పడింది. ఈ ఘటన సూర్యాపేట జిల్లా నేరేడుచర్ల మండలం ఫత్తేపురంలో సోమవారం వెలుగు చూసింది.

Also Read: Guntur Girl Murder: ఆరు నెలల పరిచయం, బీటెక్ విద్యార్థిని ఆయువు తీసింది... రమ్య హత్య కేసులో షాకింగ్ నిజాలు

చిన్నాన్న, పెద్దనాన్న కుమారుడే కీచకులు

నేరేడుచర్ల ఎస్సై విజయ్‌ప్రకాశ్‌ తెలిపిన వివరాల ప్రకారం నేరేడుచర్ల మండలం ఫత్తేపురానికి చెందిన ఓ యువతి(21)కి రెండేళ్ల వయసులోనే ఆమె తల్లిదండ్రులు మరణించారు. వారికి ఇద్దరు కూతుళ్లు. ఒకరు పెదనాన్న, పెద్దమ్మలు వద్ద పెరిగారు. మరో అమ్మాయిని నల్గొండ జిల్లా కేతేపల్లి మండలంలోని ఓ గ్రామానికి చెందిన దంపతులు దత్తత తీసుకున్నారు. పెద్దమ్మ, పెదనాన్నల వద్ద ఉన్న యువతిని వాళ్లు పదో తరగతి వరకు చదివించారు. ఆ తర్వాత ఇంటి పనులు, కూలి పనులు చేయిస్తూ వేధించడం మొదలుపెట్టారు. సొంత చిన్నాన్న యువతిని బెదిరించి అత్యాచారానికి పాల్పడ్డాడు. గర్భం దాల్చటంతో ఎవరికీ తెలయకుండా గర్భస్రావం చేయించాడు.

Also Read: Is People Culprits : నడిరోడ్డుపై హత్యలు ! రక్షించని ప్రజలదే నేరమా..?

పురుగుల ముందు తాగి ఆత్మహత్య

ఆ తర్వాత పెదనాన్న కుమారుడు కూడా యువతిని లైంగికంగా వేధించడం మొదలుపెట్టాడు. దీన్ని భరించలేక ఆ యువతి శనివారం పురుగుల మందు తాగి ఆత్మహత్యకు పాల్పడింది. ఆమెను ముందు మిర్యాలగూడకు ఆసుపత్రికి తీసుకెళ్లారు. పరిస్థితి విషమించడంతో హైదరాబాద్‌కు తీసుకువచ్చారు. ఆమె చికిత్స పొందుతూ సోమవారం మృతిచెందింది. తన సోదరిని లైంగికంగా వేధించడంతోనే ఆమె ఆత్మహత్యకు పాల్పడిందని మృతురాలు సోదరి పోలీసులకు ఫిర్యాదు చేసింది. కేసు నమోదు చేసిన పోలీసులు దర్యాప్తు చేస్తున్నారు. 

Also Read: Viral Video: నారీ నారీ నడుమ మురారి...వామ్మో…నడిరోడ్డుపై ఏం జరిగిందంటే.....