Crime News: నిత్య పెళ్లికొడుకుగా మారిన కానిస్టేబుల్‌పై పోక్సో కేసు, బాలికతో పెళ్లిపై చర్యలు

Suryapet News | నిత్య పెళ్లికొడుకు మారిన కానిస్టేబుల్‌ మైనర్ బాలికను సైతం పెళ్లి చేసుకోవడంతో చర్యలు చేపట్టారు. ఉన్నతాధికారుల ఆదేశాలతో కానిస్టేబుల్‌పై పోక్సో కేసు నమోదు అయింది.

సూర్యాపేటలో కానిస్టేబుల్‌పై పోక్సో కేసు నమోదు

Source : X

POCSO Case against Constable | సూర్యాపేట: ఓ పోలీస్ కానిస్టేబుల్ నిత్య పెళ్లి కొడుకుగా మారడం సూర్యాపేట జిల్లాలో హాట్ టాపిక్ అయింది. అవకాశం దొరికితే చాలు పెళ్లి పీటలు ఎక్కుతున్నాడు. ఓ మైనర్ బాలికను సైతం కానిస్టేబుల్ వివాహం చేసుకోవడంతో అతడి కథ అడ్డం తిరిగింది. ఉన్నతాధికారుల దృష్టికి విషయం వెళ్లడంతో కానిస్టేబుల్ పై శాఖాపరమైన విచారణకు ఆదేశించారు. నడిగూడెం పోలీస్‌స్టేషన్‌లో పనిచేస్తున్న కానిస్టేబుల్‌ కృష్ణంరాజు ఇప్పటి వరకు నాలుగు పెళ్లిళ్లు చేసుకున్నాడని తేలింది. నిత్య పెళ్లికొడుకు  కృష్ణంరాజుపై సూర్యాపేట రూరల్ పోలీసులు శనివారం నాడు పోక్సో చట్టం (POCSO Act) కింద కేసు నమోదు చేశారు. 

నాలుగు పెళ్లిళ్లు చేసుకున్న కానిస్టేబుల్..
ఏడాది కిందట సూర్యాపేట మండలానికి చెందిన ఓ మైనర్ బాలికను కానిస్టేబుల్ కృష్ణంరాజు మూడవ వివాహం చేసుకున్నాడు. ఈ విషయం ఇటీవల సోషల్ మీడియాలో ఒకరు పోస్ట్ చేయడంతో బాగా వైరల్ అయింది. ఆ బాలిక ప్రస్తుతం సూర్యాపేట టౌన్‌లో నివసిస్తున్నట్టు పోలీసులు గుర్తించారు. బాలికతో పెళ్లిపై, వరుస పెళ్లిళ్ల విషయంపై సోషల్ మీడియాలో జరిగిన ప్రచారం జరగడం, సూర్యాపేట జిల్లా ఎస్పీ నరసింహ దృష్టికి రావడంతో ఆయన కృష్ణంరాజుపై విచారణకు ఆదేశించారు. మునగాల సీఐ రామకృష్ణారెడ్డిని విచారణ అధికారిగా నియమించారు. ఆయన బాలిక నివాసానికి వెళ్లి వివరాలు సేకరించారు. బాలిక తల్లి సైతం ఫిర్యాదు చేయడంతో విచారణ చేపట్టిన అనంతరం సస్పెండ్ అయిన కానిస్టేబుల్ కృష్ణంరాజుపై పోక్సో కేసు నమోదు చేసినట్లు సూర్యాపేట రూరల్ ఎస్సై బాలునాయక్‌ తెలిపారు.

డిప్యూటేషన్‌పై కలెక్టరేట్‌లో విధులు
కానిస్టేబుల్ కృష్ణంరాజుపై ఆరోపణలు రావడం ఇదే మొదటిసారి కాదు. గతంలో తిరుమలగిరి పోలీస్‌స్టేషన్‌లో విధులు నిర్వహిస్తున్న సమయంలో ఇసుక వ్యాపారుల నుంచి డబ్బులు వసూలు చేసినట్టు ఆరోపణలు రావడంతో ఉన్నతాధికారులు ఆయనను సస్పెండ్‌ చేశారు. అనంతరం ఆయనను నడిగూడెం స్టేషన్‌కు బదిలీ చేశారు. ప్రస్తుతం అతడు సూర్యాపేట కలెక్టరేట్‌లో డిప్యుటేషన్‌పై విధులు నిర్వర్తిస్తున్నాడు. మైనర్ బాలికను వివాహం చేసుకోవడం నిబంధనలకు విరుద్ధమని, దీనిపై పోక్సో చట్టం కింద కేసు నమోదు చేస్తారని భయపడి పది రోజుల కింద పరారయ్యాడు. ఈ క్రమంలో మైనర్‌ను వివాహం చేసుకున్న కానిస్టేబుల్‌పై శాఖాపరమైన చర్యలు తీసుకుంటూ పోక్సో కేసు నమోదు చేశారు.

మరిన్ని చదవండి

లంచం ఇవ్వలేదని చికిత్స చేయలేదు- 2 నెలల పసిబిడ్డ మృతి - ఆ తండ్రి ఏం చేశారో తెలుసా ?

మియాపూర్‌లో చిన్నారిని చంపేసి కుటుంబం ఆత్మహత్య- మృతులంతా కర్ణాటక వాసులుగా గుర్తింపు