Traffic Restrictions: హైదరాబాదీలు చూస్కొని వెళ్లండి - స్వాతంత్ర దినోత్సవ సందర్భంగా ఆయా ప్రాంతాల్లో ఆంక్షలు

Traffic Restrictions: స్వాతంత్ర దినోత్సవ సందర్భంగా హైదరాబాద్ లోని పలు ప్రాంతాల్లో ట్రాఫిక్ ఆంక్షలు విధించారు. ముఖ్యంగా గోల్కొండ కోట పరిసరాల్లో ట్రాఫిక్ ఆంక్షలు కొనసాగుతున్నాయి.  

హైదరాబాదీలు చూస్కొని వెళ్లండి - స్వాతంత్ర దినోత్సవ సందర్భంగా ఆయా ప్రాంతాల్లో ఆంక్షలు

Source : Traffic Diversion

Traffic Restrictions: స్వాతంత్ర దినోత్సవ వేడుకల సందర్భంగా హైదరాబాద్ లోని పలు ప్రాంతాల్లో ట్రాఫిక్ ఆంక్షలు విధించారు. గోల్కొండ పరిసరాల్లో ట్రాఫిక్ ఆంక్షలు విధించి.. రూర్ మ్యాప్ కూడా ఇచ్చారు. ఆగస్టు 15వ తేదీ రోజు మంగళవారం ఉదయం 7 గంటల నుంచి మధ్యాహ్నం 12 గంటల వరకు ట్రాఫిక్ ఆంక్షలు కొనసాగబోతున్నట్లు ట్రాఫిక్ పోలీసులు వెల్లడించారు. వేడుకలకు వచ్చేవారు రావాల్సిన మార్గాలు, పార్కింగ్ ప్రాంతాలపై రూట్ మ్యాప్ ఇచ్చారు.

స్వాతంత్ర దినోత్సవం కోసం రాణిమహల్ లాన్స్ నుంచి గోల్కొండ కోట వరకూ ఉన్న రోడ్డును మూసేశారు. వేడుకలకు హాజరయ్యే ప్రముఖులు, అధికారులకు పాసులు అందజేయనున్నారు. ముఖ్యంగా ఏ గోల్డ్, ఏ పింక్, బీ నీలం పాసులు ఇవ్వబోతున్నట్లు తెలిపారు. సికింద్రాబాద్ , బంజారాహిల్స్, మాసబ్ ట్యాంక్, మెహదీపట్నం వైపు నుంచి గోల్డ్, ఏ పింక్, ఏ నీలం పాసులు ఉన్న వారిని గోల్కొండ కోట వరకు అనుమతించనున్నారు. ఏ గోల్డ్ పాసులు ఉన్న వారు వాహనాలను పోర్టు మెయిన్ గేట్ ఎదురుగా ఉన్న ప్రధాన రహదారిపై ఫతేదర్వాజా రోడ్డు వైపు పార్కింగ్ చేయాల్సి ఉంటుంది. 

ఏ పింక్ పాసులు ఉన్న వాహనదారులు కోట ప్రధాన ద్వారం నుంచి 50 మీటర్ల దూరంలో ఉన్న గోల్కొండ బస్టాప్ వద్ద పార్కు చేయాలి. బీ పాసులు ఉన్న వాహనదారులు గోల్కొండ బస్టాప్ దగ్గర కుడి మలుపు తీసుకొని ఫుట్ బాల్ గ్రౌండ్ వద్ద పార్కింగ్ చేయాల్సి ఉంటుంది. సీ గ్రీన్ పాసులు ఉన్న వాహనదారులు గోల్కొండ కోట ప్రధాన ద్వారం నుంచి 500 మీటర్ల దూరంలో ఉన్న ఓసీ/జీహెచ్ఎంసీ ప్లే గ్రౌండ్ వద్ద వాహనాలు పార్కింగ్ చేయాలి. డీ ఎరుపు పాసులు ఉన్న వారికి ప్రియదర్శిని స్కూల్లో పార్కింగ్ సదుపాయం ఏర్పాటు చేశారు. ఇక ఈ నలుపు పాసులు ఉన్న వారు ఫతేదర్వాజా వైపు వెళ్లి హుడా పార్కు వద్ద పార్కింగ్ చేయాల్సి ఉంటుంది. షేక్ పేట, టోలీచౌకీ నుంచి వచ్చే సాధారణ ప్రజలు వాహనాలను సెవెన్ టూంబ్స్ లోపల పార్కింగ్ కు అనుమతి ఇచ్చారు.