Husky Dogs: ఖరీదైన హస్కీ కుక్కల్ని పెంచి రోడ్డున వదిలేశారు - కాపాడిన స్వచ్చంద సంస్థలు - ఎవరి పని?
dogs abandoned: అత్యంత ఖరీదైన సైబీరియన్ హస్కీ జాతికి చెందిన 40 కుక్కలను గుర్తుతెలియని వ్యక్తులు ఒక ట్రక్కులో తీసుకువచ్చి నిర్మానుష్య ప్రాంతంలో వదిలేశారు. వాటిని స్వచ్చంద సంస్థ సభ్యులు కాపాడారు.
Expensive husky dogs abandoned: నగర శివార్లలోని శంకర్ పల్లి-పటాన్చెరు రహదారిపై అత్యంత దారుణమైన జంతు హింస వెలుగుచూసింది. మంచు ప్రదేశాల్లో పెరిగే అత్యంత ఖరీదైన సైబీరియన్ హస్కీ జాతికి చెందిన సుమారు 40 కుక్కలను గుర్తుతెలియని వ్యక్తులు ఒక ట్రక్కులో తీసుకువచ్చి నిర్మానుష్య ప్రాంతంలో వదిలేశారు. తీవ్రమైన ఎండలు, ఆహారం, నీరు లేక ఆ మూగజీవాలు అల్లాడిపోయాయి. ఈ విషయం తెలిసిన స్వచ్చంద సంస్థల సభ్యులు తక్షణమే రంగంలోకి దిగి రెస్క్యూ ఆపరేషన్ చేపట్టారు. అయితే రెస్క్యూ టీమ్ అక్కడికి చేరుకునే సమయానికే పరిస్థితి హృదయ విదారకంగా మారింది. అప్పటికే ఒక కుక్క ప్రాణాలు కోల్పోగా, మరికొన్ని కుక్కలు ఎండ వేడిని తట్టుకోలేక సమీపంలోని అటవీ ప్రాంతంలోకి పరుగులు తీశాయి. కొంతమంది దారి వెంట వెళ్లేవారు మరికొన్ని కుక్కలను వెంట తీసుకెళ్లినట్లు సమాచారం.
నిజానికి హస్కీలు చల్లని వాతావరణంలో మాత్రమే జీవించగలవు. వాటిని పెంచుకునేవారు ఏసీ రూముల్లో ఉంచి చూసుకుంటారు. అయితే వీటిని ఇలా రోడ్డుపై వదిలేయడంతో మండుతున్న ఎండలు వాటి ప్రాణాలకు ముప్పుగా మారాయి. రెస్క్యూ టీమ్ పట్టుకోగలిగిన ఆరు కుక్కలను సురక్షితంగా రక్షించి, తమ షెల్టర్ హోమ్ కు తరలించి వైద్యం అందిస్తున్నారు. అడవిలోకి వెళ్లిన మిగిలిన కుక్కల కోసం గాలింపు చర్యలు కొనసాగుతున్నాయి. అసలు ఇన్ని కుక్కలను ఒకేసారి ఎవరు, ఎందుకు వదిలేశారనే కోణంలో విచారణ జరుగుతోంది.
నిజానికి సైబీరియన్ హస్కీలు అంటే మార్కెట్లో వేల రూపాయల ఖరీదు చేసే జాతి. ఇంత భారీ సంఖ్యలో, సుమారు 40 కుక్కలను రోడ్డుపై వదిలేశారంటే దీని వెనుక ఏదైనా ఇల్లీగల్ బ్రీడింగ్ సెంటర్ ఉండే అవకాశం ఎక్కువగా కనిపిస్తోంది. లాభాల కోసం కుక్కలను మిషన్లలా వాడేసి, అవి వయసు పైబడటమో లేదా అనారోగ్యానికి గురికావడమో జరిగితే, వాటి పోషణ భారం అనిపించి ఇలా నిర్దాక్షిణ్యంగా రోడ్డు పాలు చేసి ఉండవచ్చునని అనుమానిస్తున్నారు. ఏదైనా బ్రీడింగ్ యూనిట్ ప్రభుత్వం పట్టుకుంటుందనే భయంతో రాత్రికి రాత్రే ఇలా ట్రక్కులో తెచ్చి పారేసి ఉంటారని జంతు ప్రేమికులు అనుమానిస్తున్నారు.
ఈ కుక్కల మెయింటెనెన్స్ చాలా ఖరీదైన వ్యవహారం. వీటికి ఏసీ వాతావరణం, ఖరీదైన ఆహారం అవసరం. ప్రస్తుత వేసవిలో ఏసీ ఖర్చులు, పెరుగుతున్న నిర్వహణ భారమై భరించలేక యజమానులు చేతులెత్తేసి ఉండవచ్చు. అయితే, విక్రయించడానికి ప్రయత్నిస్తే దొరికిపోతామనే భయంతోనో, లేక చట్టపరమైన చిక్కులు వస్తాయనో ఇలా గాలికి వదిలేసి ఉంటారని భావిస్తున్నారు.
Before You Go
Viral Video of a Man Wearing Leaf Helmet | ఎండ దెబ్బకి ఇతడేం చేశాడో చూడండి!
టాప్ హెడ్ లైన్స్
ట్రెండింగ్ వార్తలు
