Whatsapp: వాట్సాప్ నుంచి మూడు సరికొత్త ఫీచర్లు.. ఇకపై ఫోటోలు, వాయిస్ తో మాట్లాడొచ్చు

వాట్సప్‌ 3 సరికొత్త ఫీచర్లను తీసుకొచ్చింది. ఏఐ సంభాషణల్ని మరింత మెరుగుపరిచేలా రియల్‌ టైమ్‌ కన్వర్జేషన్‌ సదుపాయాన్ని తీసుకొచ్చింది.  మెటా ఏఐలో ఫొటోలను ఎడిట్​ చేసి పంపేలా ఫీచర్లను సైతం జోడించింది.

ప్రతీకాత్మక చిత్రం

Whatsapp New Features: ఫేస్‌బుక్ మాతృ సంస్థ మెటా ఆర్టిఫిషియల్‌ ఇంటెలిజెన్స్‌ గురించి ప్రత్యేకంగా చెప్పనక్కర్లేదు. ప్రస్తుతం టెక్​ యుగంలో దూసుకెళ్తోంది. ఎప్పటికప్పుడు సరికొత్త ఫీచర్లతో ముందుకొస్తూ యూజర్లను ఆకర్షిస్తోంది. ఇప్పటికే తమకు సంబంధించిన అన్నీ సోషల్ మీడియా ప్లాట్​ఫామ్స్​లో మెటా ఏఐ పేరుతో సేవలను అందిస్తోంది. 

తాజాగా ప్రముఖ మెసేజింగ్‌ యాప్‌ వాట్సప్‌లోనూ మూడు సరికొత్త ఫీచర్లను తీసుకొచ్చింది. ఏఐ సంభాషణల్ని(చాట్​బాట్​) మరింత మెరుగుపరిచేలా రియల్‌ టైమ్‌ కన్వర్జేషన్‌ సదుపాయాన్ని తీసుకొచ్చింది.  దీంతో పాటే మెటా ఏఐలో ఫొటోలను నచ్చినట్లుగా ఎడిట్​ చేసి పంపేలా ఫీచర్లను జోడించింది. దీని ద్వారా యూజర్స్​ తమ ఐడీయాస్​ను మరింత​ ఎక్స్​ప్లోర్​ చేసి తమ చాట్స్​ను మరింత మెరుగుపరిచేలా, కొత్త విషయాలను చెప్పేలా ఉంటుందని సదరు మాతృ సంస్థ తెలిపింది.  మరి ఇంతకీ మెటా తీసుకొచ్చిన ఆ మూడు ఫీచర్లు ఏంటి? వాటి వల్ల ఉపయోగం ఏంటి? విశేషాలను తెలుసుకుందాం. 

1.టాక్​ టు మి ఫీచర్​(రియల్‌ టైమ్‌ సంభాషణలు)
మెటా ఏఐతో మన సొంత వాయిస్‌తోనే రియల్‌ టైమ్‌ సంభాషణలు చేయొచ్చు.  ఏవైనా ప్రశ్నలు అడిగితే దానికి సంబంధిత విషయం గురించి స్పష్టంగా వివరించడం దీని ప్రత్యేకత. మూడ్‌కు తగ్గట్లు జోక్స్​ను కూడా వేస్తుంది. ఇంకా చెప్పాలంటే ఈ అడ్వాన్స్‌డ్‌ వెర్షన్‌  అత్యంత వేగంగా సమాధానాలు ఇస్తుంది. 

ఇంకా మెటా ఏఐ వాయిస్‌ను కూడా మార్చుకునే అవకాశం ఇందులో ఉంది. త్వరలోనే ఇది అందుబాటులోకి రానుంది.  అక్వాఫినా, డేమ్ జుడి డెంచ్​, క్రిస్టెన్ బెల్, కీగన్-మైఖేల్ కీ జాన్ సెనా  వంటి ప్రముఖ వ్యక్తుల వాయిస్‌ను కూడా సెట్ చేసుకునే వెసులుబాటును కల్పించింది. 

2. లుక్​ యట్​ దిస్​(ఫొటోతో ప్రశ్నలు వేయొచ్చు)
సాధారణంగా  ఏదైనా సందేహం వస్తే మెటా ఏఐ చాట్​ను క్లిక్ చేసి టెక్ట్స్​ టైప్ చేసి అడుగుతాం. లేదంటే వాయిస్ కమాండ్ పంపిస్తాం.  అయితే కొత్తగా తీసుకొచ్చిన ఈ ఫీచర్​తో ఫొటోతోను సమాధానం చెప్తుంది.  ఉదాహరణకు కొన్ని సందర్భాల్లో మనకు తెలియని భాషలో పదాలు ఉండొచ్చు, లేదంటే ఫొటో ఉండొచ్చు.  అలాంటి సందర్భాల్లో ఆ పదాలు లేదా ఫొటోను పంపించి దాని అర్థం ఏంటని అడిగితే, వెంటనే దానికి సంబంధించిన  పూర్తి సమాచారాన్ని ఇట్టే అందిస్తుంది.

3. ఎడిట్ మై ఫొటో (ఫొటోస్ ఎడిట్ సదుపాయం)
పైన ఉన్న రెండు ఫీచర్లు ఫ్రీ వెర్షన్​ చాట్​జీపీటిలోనూ అందుబాటులో ఉంటాయి. అయితే మెటా తీసుకొచ్చిన కొత్త ఫీచర్లలో ఫొటోలను ఎడిట్ చేసుకునే ఆప్షన్ కూడా ఉంది. దీనివల్ల వాట్సాప్​ యూజర్స్​ కేవలం ఫొటోలను షేర్​ చేసుకోవడే కాదు ఎడిట్​ కూడా చేసుకోవచ్చు.  ఈ ఫీచర్​తో చాట్​ బాట్​కు ఫొటోలను ఎడిట్‌ చేసి మనకు నచ్చినట్లుగా మార్చమని చెప్పొచ్చు. 
మనం ఏదైనా ఫొటోను పంపి అందులోని కలర్స్, లేదా ఇంకేమైనా మార్చమని కమాండ్ ఇస్తే  అది వెంటనే మార్చి పంపుతుంది. ఇంకా బ్యాక్‌గ్రౌండ్‌లోని వ్యక్తులను తొలగించాలన్నా క్లియర్ చేసి సెండ్ చేస్తుంది. ఈ ఫీచర్ వల్ల ఇకపై ఫొటో ఎడిటింగ్ కోసం ఇతర ప్లాట్​ఫామ్స్​ను వినియోగించాల్సిన అవసరం ఉండదు.  ప్రస్తుతానికి ఈ ఫీచర్‌ రోలవుట్‌ అవుతోంది. ​దశలో ఉంది. త్వరలోనే దీన్ని అందరికీ అందుబాటులోకి తీసుకురానున్నారు.