Ind vs Zim Highlights : జింబాబ్వేను 72 పరుగుల తేడాతో ఓడించిన టీమిండియా! సెమీస్‌ ఆశలు సజీవం!

Ind vs Zim Highlights: జింబాబ్వేను 72 పరుగుల తేడాతో భారత్ ఓడించింది. ఈ విజయంతో, టీం ఇండియా తన సెమీఫైనల్ ఆశలను సజీవంగా ఉంచుకుంది. బ్రియాన్ బెన్నెట్ 97 పరుగులు చేశాడు.

జింబాబ్వేను 72 పరుగుల తేడాతో ఓడించిన టీమిండియా! సెమీస్‌ ఆశలు సజీవం!

Source : Social Media

Ind vs Zim Highlights: జింబాబ్వేను 72 పరుగుల తేడాతో ఓడించిన భారత్‌ తన సెమీఫైనల్ ఆశలను సజీవంగా ఉంచుకుంది. చెన్నైలోని MA చిదంబరం స్టేడియంలో జరిగిన ఈ మ్యాచ్‌లో మొదట బ్యాటింగ్ చేసిన భారత్‌ 256 పరుగుల చారిత్రాత్మక స్కోరును నమోదు చేసింది. ప్రతిస్పందనగా, జింబాబ్వే 184 పరుగులు మాత్రమే చేయగలిగింది. బ్రియాన్ బెన్నెట్ 97 పరుగులు చేశాడు. కానీ తన జట్టును విజయపథంలో నడిపించలేకపోయాడు.

ఈ మ్యాచ్‌లో, జింబాబ్వే టాస్ గెలిచి, టీమ్ ఇండియాను ముందుగా బ్యాటింగ్‌కు ఆహ్వానించింది. ఈసారి ప్లేయింగ్ ఎలెవన్‌లోకి వచ్చిన సంజు శాంసన్ 24 పరుగులకే ఔటయ్యాడు. కంటిన్యూగా విఫలమైన అభిషేక్ శర్మ చివరకు 55 పరుగులతో అర్ధ సెంచరీతో మంచి ప్రదర్శన చేశాడు. హార్దిక్ పాండ్యా కూడా 50 పరుగులు చేశాడు, తిలక్ వర్మ కూడా 44 పరుగుల మెరుపు ఇన్నింగ్స్ ఆడాడు. దీంతో భారత్‌ 2026 T20 ప్రపంచ కప్‌లో అత్యధిక స్కోరు, T20 ప్రపంచ కప్ చరిత్రలో రెండో అత్యధిక స్కోరును నమోదు చేసింది.

టీం ఇండియా సెమీఫైనల్లో ఉందా?

జింబాబ్వేపై ఈ 72 పరుగుల విజయం భారత్‌ సెమీఫైనల్ బెర్తును ఖరారు చేయలేదు, కానీ అది కిచ్చితంగా వారి సెమీఫైనల్ మార్గాన్ని కొంత సులభతరం చేసింది. 257 పరుగుల రికార్డు లక్ష్యాన్ని ఛేదించే క్రమంలో, బ్రియాన్ బెన్నెట్ పోరాట స్ఫూర్తిని ప్రదర్శించాడు. 97 పరుగుల శక్తివంతమైన ఇన్నింగ్స్ ఆడాడు. బెన్నెట్ ప్రారంభం నుంచి ఆఖరి వరకు క్రీజులోనే ఉన్నాడు. అతని ఇన్నింగ్స్‌లో ఎనిమిది ఫోర్లు, ఆరు సిక్సర్లు ఉన్నాయి.

జింబాబ్వే ఇప్పుడు ప్రపంచ కప్ నుంచి నిష్క్రమించింది. బౌలింగ్ విభాగంలో భారత్‌ తరపున అర్ష్‌దీప్ సింగ్ అత్యధిక వికెట్లు పడగొట్టాడు, మూడు వికెట్లు తీసుకున్నాడు. వరుణ్ చక్రవర్తి, శివం దూబే, అక్షర్ పటేల్ తలా ఒక వికెట్ తీశారు.