Vivo V23e 5G: 44 మెగాపిక్సెల్ సెల్ఫీ కెమెరాతో వివో కొత్త ఫోన్.. ధర కూడా లీక్.. లాంచ్ ఎప్పుడంటే?
ప్రముఖ స్మార్ట్ ఫోన్ బ్రాండ్ వివో త్వరలో వీ23ఈ 5జీ లాంచ్ అయ్యే అవకాశం ఉంది. దీని ధర కూడా ఆన్‌లైన్‌లో లీకైంది.
వివో వీ23ఈ 5జీ స్మార్ట్ ఫోన్ ధర మనదేశంలో లీకైంది. వివో వీ23 5జీ, వివో వీ23 ప్రో 5జీ స్మార్ట్ ఫోన్లు లాంచ్ అయిన రెండు నెలలకు ఈ ఫోన్ లాంచ్ కానుంది. వివో వీ23ఈ 5జీ థాయ్‌ల్యాండ్‌లో ఇప్పటికే లాంచ్ అయింది. ఈ స్మార్ట్ ఫోన్‌లో వెనకవైపు మూడు కెమెరాలు అందించారు.
వివో వీ23ఈ 5జీ ధర
ఈ ఫోన్ ధర రూ.25 వేల నుంచి రూ.30 వేల మధ్యలో ఉండే అవకాశం ఉంది. 91మొబైల్స్ కథనం ప్రకారం ఈ ఫోన్ ఫిబ్రవరి ప్రారంభంలో లాంచ్ అయ్యే అవకాశం ఉంది. వివో వీ23 5జీ, వివో వీ23 ప్రో 5జీ మనదేశంలో జనవరి 5వ తేదీన లాంచ్ కానున్నాయి. మూన్‌లైట్ షాడో, సన్‌షైన్ కోస్ట్ రంగుల్లో ఈ ఫోన్ లాంచ్ కానుందని వార్తలు వస్తున్నాయి.
వివో వీ23ఈ 5జీ స్పెసిఫికేషన్లు
ఆండ్రాయిడ్ 11 ఆధారిత ఫన్‌టచ్ ఓఎస్ 12 ఆపరేటింగ్ సిస్టంపై ఈ ఫోన్ పనిచేయనుంది. ఇందులో 6.44 అంగుళాల ఫుల్ హెచ్‌డీ+ అమోఎల్ఈడీ డిస్‌ప్లేను అందించనున్నారు. దీని డిస్‌ప్లే యాస్పెక్ట్ రేషియో 20:9గా ఉంది. 8 జీబీ ర్యామ్, 128 జీబీ స్టోరేజ్ ఇందులో అందుబాటులో ఉండనున్నాయి. స్టోరేజ్‌ను మైక్రో ఎస్‌డీ కార్డు ద్వారా ఇంకా పెంచుకునే అవకాశం ఉంది.
దీని బ్యాటరీ సామర్థ్యం 4050 ఎంఏహెచ్‌గా ఉండనుంది. 44W ఫాస్ట్ చార్జింగ్‌ను ఈ స్మార్ట్ ఫోన్ సపోర్ట్ చేయనుంది. ఆక్టాకోర్ మీడియాటెక్ డైమెన్సిటీ 810 ప్రాసెసర్‌పై ఈ ఫోన్ పనిచేయనుంది. సెక్యూరిటీ కోసం ఇన్‌డిస్‌ప్లే ఫింగర్ ప్రింట్ సెన్సార్‌ను ఇందులో అందించనున్నారు.
ఇక కెమెరాల విషయానికి వస్తే.. ఇందులో వెనకవైపు మూడు కెమెరాలు ఉండనున్నాయి. వీటిలో ప్రధాన కెమెరా సామర్థ్యం 50 మెగాపిక్సెల్‌గా ఉండనుండగా, దీంతోపాటు 8 మెగాపిక్సెల్ అల్ట్రావైడ్ యాంగిల్ లెన్స్, 2 మెగాపిక్సెల్ మాక్రో షూటర్ కూడా ఇందులో ఉండనున్నాయి. సెల్ఫీలు, వీడియో కాల్స్ కోసం ముందువైపు 44 మెగాపిక్సెల్ కెమెరాను అందించనున్నారు.
5జీ, 4జీ ఎల్టీఈ, వైఫై, బ్లూటూత్ వీ5.1, జీపీఎస్/ఏ-జీపీఎస్, యూఎస్‌బీ టైప్-సీ పోర్టు వంటి కనెక్టివిటీ ఫీచర్లు కూడా ఇందులో వివో అందించనుంది. దీని బరువు 172 గ్రాములుగా ఉండనుంది.
Also Read: Tecno Camon 18: ముందు, వెనక 48 మెగాపిక్సెల్ కెమెరాలు.. ధర రూ.15 వేలలోపే.. వైర్‌లెస్ ఇయర్‌బడ్స్ ఫ్రీ!
Also Read: Honor 60: 108 మెగాపిక్సెల్ కెమెరాతో హానర్ కొత్త ఫోన్.. వ్లాగర్ల కోసం ప్రత్యేక ఫీచర్ కూడా!
Also Read: Lost Aadhar Card: ఆధార్ కార్డు పోయిందా.. స్మార్ట్ ఫోన్‌లో ఇలా చేస్తే చాలు.. కొత్త ఆధార్ ఇంటికి!
Also Read: Moto G51 5G: అత్యంత చవకైన మోటో 5జీ ఫోన్ వచ్చేస్తుంది.. మరో వారంలో లాంచ్.. ధర ఎంతంటే?
Also Read: Redmi New Phone: రెడ్‌మీ కొత్త ఫోన్ వచ్చేసింది.. 8 జీబీ ర్యామ్.. ధర ఎంతంటే?
ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి
టాప్ హెడ్ లైన్స్
ట్రెండింగ్ వార్తలు
