Tecno Spark 8 Pro: 6.8 అంగుళాల డిస్‌ప్లే ఉన్న ఫోన్ రూ.11 వేలలోపే.. ఫీచర్లు ఎలా ఉన్నాయంటే?

ప్రముఖ స్మార్ట్ ఫోన్ బ్రాండ్ టెక్నో మనదేశంలో స్పార్క్ 8 ప్రో స్మార్ట్ ఫోన్ లాంచ్ అయింది.

టెక్నో స్పార్క్ 8 స్మార్ట్ ఫోన్ మనదేశంలో లాంచ్ అయింది.

టెక్నో స్పార్క్ 8 ప్రో స్మార్ట్ ఫోన్ మనదేశంలో లాంచ్ అయింది. ఇందులో 6.8 అంగుళాల భారీ డిస్‌ప్లేను అందించారు. దీంతోపాటు మీడియాటెక్ హీలియో జీ85 ప్రాసెసర్ కూడా ఇందులో ఉంది. ఫోన్ వెనకవైపు మూడు కెమెరాలు అందించారు.

టెక్నో స్పార్క్ 8 ప్రో ధర
ఇందులో కేవలం ఒక్క వేరియంట్ మాత్రమే లాంచ్ అయింది. 4 జీబీ ర్యామ్, 64 జీబీ స్టోరేజ్‌తో వచ్చిన ఈ వేరియంట్ ధరను రూ.10,599గా నిర్ణయించారు. కొమొడొ బీచ్, టర్కోయిస్ శాన్, విన్సోర్ వయొలెట్, ఇంటర్‌స్టెల్లార్ బ్లాక్ రంగుల్లో ఈ ఫోన్ కొనుగోలు చేయవచ్చు. జనవరి 4వ తేదీన అమెజాన్‌లో దీని సేల్ ప్రారంభం కానుంది.

టెక్నో స్పార్క్ 8 ప్రో స్పెసిఫికేషన్లు
ఇందులో 6.8 అంగుళాల ఫుల్ హెచ్‌డీ+ డిస్‌ప్లేను అందించారు. దీని స్క్రీన్ రిజల్యూషన్ 1080 × 2460 పిక్సెల్స్‌గా ఉంది. ఫోన్ ముందువైపు పంచ్ హోల్ నాచ్‌ను అందించారు. 12 ఎన్ఎం ఫ్యాబ్రికేషన్ ప్రాసెస్‌పై ఈ ప్రాసెసర్‌ను రూపొందించారు.

మీడియాటెక్ హీలియో జీ85 ప్రాసెసర్‌పై ఈ ఫోన్ పనిచేయనుంది. 4 జీబీ ర్యామ్, 64 జీబీ స్టోరేజ్‌ను ఇందులో అందించారు. స్టోరేజ్‌ను మైక్రో ఎస్‌డీ కార్డు ద్వారా పెంచుకునే అవకాశం ఉంది. దీని బ్యాటరీ సామర్థ్యం 5000 ఎంఏహెచ్‌గా ఉంది. 33W ఫాస్ట్ చార్జింగ్‌ను ఇది సపోర్ట్ చేయనుంది.

ఇక కెమెరాల విషయానికి వస్తే.. ఇందులో వెనకవైపు మూడు కెమెరాలు ఉన్నాయి. వీటిలో ప్రధాన కెమెరా సామర్థ్యం 48 మెగాపిక్సెల్ కాగా, దీంతోపాటు 2 మెగాపిక్సెల్ డెప్త్ లెన్స్, ఏఐ లెన్స్ కూడా ఉన్నాయి. సెల్ఫీలు, వీడియో కాల్స్ కోసం ముందువైపు 8 మెగాపిక్సెల్ కెమెరాను అందించారు.

ఇందులో చార్జింగ్ కోసం యూఎస్‌బీ టైప్-సీ పోర్టు ఉంది. ఆండ్రాయిడ్ 11 ఆధారిత హైఓఎస్ వీ7.6 ఆపరేటింగ్ సిస్టంను ఇందులో అందించారు. 4జీ ఎల్టీఈ, వైఫై, బ్లూటూత్, జీపీఎస్, 3.5 ఎంఎం ఆడియో జాక్ కూడా ఇందులో ఉంది.

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి