Samsung Galaxy S21 FE: శాంసంగ్ కొత్త ఫ్లాగ్‌షిప్ లాంచ్ వివరాలు లీక్.. అదిరిపోయే ఫోన్ వచ్చేది ఆరోజే!
ప్రముఖ స్మార్ట్ ఫోన్ బ్రాండ్ శాంసంగ్ మనదేశంలో గెలాక్సీ ఎస్21ఎఫ్ఈని లాంచ్ చేయనున్నట్లు తెలుస్తోంది. అది 2022 జనవరిలో లాంచ్ కానుంది.
శాంసంగ్ గెలాక్సీ ఎస్21 ఎఫ్ఈ స్మార్ట్ ఫోన్ మనదేశంలో గ్లోబల్ లాంచ్ అయ్యే రోజే ఎంట్రీ ఇచ్చే అవకాశం ఉందని తెలుస్తోంది. 2020 అక్టోబర్‌లో లాంచ్ అయిన శాంసంగ్ గెలాక్సీ ఎస్20 ఎఫ్ఈకి తర్వాతి వెర్షన్‌గా ఈ ఫోన్ లాంచ్ కానుంది. 2022లో జరగనున్న సీఈఎస్ సదస్సులో వీటిని లాంచ్ చేసే అవకాశం ఉంది. మనదేశంలో కూడా అప్పుడే లాంచ్ కానుందని తెలుస్తోంది. ఈ స్మార్ట్ ఫోన్ నాలుగు కలర్ ఆప్షన్లలో లాంచ్ కానుంది.
సీఈఎస్ 2022లో ఈ స్మార్ట్ ఫోన్ లాంచ్ కానుందని గతంలోనే వార్తలు వచ్చాయి. అంటే జనవరిలో ఈ ఫోన్ ప్రపంచ మార్కెట్లో ఎంట్రీ ఇవ్వనుందన్న మాట. దీని ముందు వెర్షన్ 2020 అక్టోబర్‌లో జరిగిన గెలాక్సీ అన్‌ప్యాక్డ్ ఈవెంట్‌లో లాంచ్ అయింది. గ్లోబల్ చిప్ షార్టేజ్ కారణంగా దీని సేల్ కూడా మొదట్లో లిమిటెడ్‌గానే జరిగింది.
గతంలో వచ్చిన కథనాల ప్రకారం.. శాంసంగ్ గెలాక్సీ ఎస్20 ఎఫ్ఈ తరహాలోనే ఎస్21 ఎఫ్ఈ డిజైన్ కూడా ఉండనుంది. బ్లాక్, గ్రీన్, పింక్, వైట్ కలర్ ఆప్షన్లలో ఈ ఫోన్ కొనుగోలు చేయవచ్చు. దీంతోపాటు వైట్, క్రీమ్, లావెండర్ కలర్ ఆప్షన్లలో కూడా ఈ ఫోన్ లాంచ్ అయ్యే అవకాశం ఉంది.
శాంసంగ్ గెలాక్సీ ఎస్21 ఎఫ్ఈ స్పెసిఫికేషన్లు(అంచనా)
ఇందులో క్వాల్‌కాం స్నాప్‌డ్రాగన్ 888 లేదా ఎక్సినోస్ 2100 ప్రాసెసర్‌ను అందించే అవకాశం ఉంది. మనదేశంలో వినియోగదారులు మాత్రం ఎక్సినోస్ 2100 ప్రాసెసర్ ఉన్న స్మార్ట్ ఫోన్‌ను పొందే అవకాశం ఉంది. దీనికి సంబంధించిన లైవ్ ఇమేజెస్ ట్వీటర్‌లో తెగ షేర్ అవుతున్నాయి. ప్లాస్టిక్ బిల్డ్‌తో రివర్స్ వైర్‌లెస్ చార్జింగ్‌తో ఈ ఫోన్ లాంచ్ అయ్యే అవకాశం ఉంది.
ఇప్పటివరకు వస్తున్న వార్తల ప్రకారం.. ఇందులో 6.4 అంగుళాల ఫుల్ హెచ్‌డీ+ అమోఎల్ఈడీ డిస్‌ప్లేను అందించే అవకాశం ఉంది. దీని స్క్రీన్ రిఫ్రెష్ రేట్ 120 హెర్ట్జ్‌గా ఉండనుంది. వైఫై 6, 5జీ, బ్లూటూత్ 5.1 కనెక్టివిటీ కూడా ఇందులో ఉండనున్నాయి. 12 జీబీ వరకు ర్యామ్, 256 జీబీ వరకు స్టోరేజ్ ఇందులో ఉండనున్నాయి. ఇందులో వెనకవైపు మూడు కెమెరాలు ఉండే అవకాశం ఉంది. వీటిలో ప్రధాన కెమెరా సామర్థ్యం 64 మెగాపిక్సెల్‌గా ఉండనుంది. 32 మెగాపిక్సెల్ సెల్ఫీ కెమెరా కూడా ఇందులో ఉండే అవకాశం ఉంది.
Also Read: Honor 60: 108 మెగాపిక్సెల్ కెమెరాతో హానర్ కొత్త ఫోన్.. వ్లాగర్ల కోసం ప్రత్యేక ఫీచర్ కూడా!
Also Read: Lost Aadhar Card: ఆధార్ కార్డు పోయిందా.. స్మార్ట్ ఫోన్‌లో ఇలా చేస్తే చాలు.. కొత్త ఆధార్ ఇంటికి!
Also Read: Moto G51 5G: అత్యంత చవకైన మోటో 5జీ ఫోన్ వచ్చేస్తుంది.. మరో వారంలో లాంచ్.. ధర ఎంతంటే?
Also Read: Redmi New Phone: రెడ్‌మీ కొత్త ఫోన్ వచ్చేసింది.. 8 జీబీ ర్యామ్.. ధర ఎంతంటే?
Also Read: Lava AGNI 5G: స్వదేశీ 5జీ ఫోన్ వచ్చేసింది.. ఇలా కొంటే రూ.2,000 తగ్గింపు!
ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి
టాప్ హెడ్ లైన్స్
ట్రెండింగ్ వార్తలు
