Realme 12X: రూ.16 వేలలోపే 24 జీబీ ర్యామ్ - రియల్‌మీ 12ఎక్స్ వచ్చేసింది!
Realme New Phone: ప్రముఖ స్మార్ట్ ఫోన్ బ్రాండ్ రియల్‌మీ తన కొత్త ఫోన్ మార్కెట్లో లాంచ్ అయింది. అదే రియల్‌మీ 12ఎక్స్.
Realme 12X Launched: రియల్‌మీ 12ఎక్స్ స్మార్ట్ ఫోన్ చైనాలో లాంచ్ అయింది. ఆండ్రాయిడ్ 14 ఆధారిత రియల్‌మీ యూఐ 5.0 ఆపరేటింగ్ సిస్టంపై ఈ ఫోన్ పని చేయనుంది. ఫోన్ వెనకవైపు 50 మెగాపిక్సెల్ కెమెరా అందించారు. 120 హెర్ట్జ్ స్క్రీన్ రిఫ్రెష్ రేట్ ఉన్న ఎల్సీడీ డిస్‌ప్లే ఈ ఫోన్‌లో ఉంది. మీడియాటెక్ డైమెన్సిటీ 6100 ప్లస్ ప్రాసెసర్‌పై రియల్‌మీ 12ఎక్స్ రన్ కానుంది. 12 జీబీ వరకు ర్యామ్ అందుబాటులో ఉంది. డైనమిక్ ర్యామ్ టెక్నాలజీ ద్వారా ర్యామ్‌ను మరింత పెంచుకోవచ్చు. దీని బ్యాటరీ సామర్థ్యం 5000 ఎంఏహెచ్ కాగా, 15W వైర్డ్ ఛార్జింగ్‌ను సపోర్ట్ చేయనుంది.
రియల్‌మీ 12ఎక్స్ ధర (Realme 12X Price)
ఇందులో రెండు వేరియంట్లు మార్కెట్లోకి ఎంట్రీ ఇచ్చాయి. వీటిలో ప్రారంభ వేరియంట్ అయిన 12 జీబీ ర్యామ్ + 256 జీబీ స్టోరేజ్ వేరియంట్ ధర 1,399 యువాన్లుగా (మనదేశంలో సుమారు రూ.16,000) ఉంది. 12 జీబీ ర్యామ్ + 512 జీబీ స్టోరేజ్ వేరియంట్ ధర 1,599 యువాన్లుగా (సుమారు రూ.18,000) నిర్ణయించారు. బ్లాక్, బ్లూ బర్డ్ కలర్ ఆప్షన్లలో దీన్ని కొనుగోలు చేయవచ్చు. రియల్‌మీ 12 5జీ, రియల్‌మీ 12 ప్లస్ 5జీ స్మార్ట్ ఫోన్లు ఇటీవలే మనదేశంలో లాంచ్ అయ్యాయి. కాబట్టి రియల్‌మీ 12ఎక్స్ కూడా మనదేశంలో త్వరలో అందుబాటులోకి వచ్చే అవకాశం ఉంది.
రియల్‌మీ 12ఎక్స్ స్పెసిఫికేషన్లు (Realme 12X Specifications)
ఆండ్రాయిడ్ 14 ఆధారిత రియల్‌మీ యూఐ 5.0 ఆపరేటింగ్ సిస్టంపై రియల్‌మీ 12ఎక్స్ రన్ కానుంది. ఇందులో 6.67 అంగుళాల ఫుల్ హెచ్‌డీ+ ఎల్సీడీ డిస్‌ప్లే అందుబాటులో ఉంది. దీని పీక్ బ్రైట్‌నెస్ 625 నిట్స్ కాగా, స్క్రీన్ రిఫ్రెష్ రేట్ 120 హెర్ట్జ్‌గా ఉంది. ఆక్టాకోర్ 6 ఎన్ఎం మీడియాటెక్ డైమెన్సిటీ 6100 ప్లస్ ప్రాసెసర్‌పై ఈ ఫోన్ పని చేయనుంది. 12 జీబీ వరకు ర్యామ్ ఇందులో అందుబాటులో ఉంది. డైనమిక్ ర్యామ్ ఫీచర్ ద్వారా దీన్ని 24 జీబీ వరకు పెంచుకోవచ్చు.
ఇక కెమెరాల విషయానికి వస్తే... ఫోన్ వెనకవైపు రెండు కెమెరాలు అందుబాటులో ఉన్నాయి. వీటిలో ప్రధాన కెమెరా సామర్థ్యం 50 మెగాపిక్సెల్ కాగా, దీంతోపాటు 8 మెగాపిక్సెల్ సెల్ఫీ కెమెరా కూడా ఉంది. 512 జీబీ వరకు స్టోరేజ్ ఈ ఫోన్‌లో ఉంది. 5జీ, వైఫై, బ్లూటూత్, జీపీఎస్, యూఎస్‌బీ టైప్-సీ పోర్టు కూడా ఉన్నాయి. ఫింగర్ ప్రింట్ సెన్సార్‌ను ఫోన్ పక్కభాగంలో అందించారు. ఐపీ54 డస్ట్ అండ్ స్ప్లాష్ రెసిస్టెన్స్ ఫీచర్ కూడా ఈ ఫోన్‌లో చూడవచ్చు. 15W ఫాస్ట్ ఛార్జింగ్‌ను సపోర్ట్ చేసే 5000 ఎంఏహెచ్ బ్యాటరీని అందించారు. దీని మందం 0.78 సెంటీమీటర్లుగా ఉంది.
మరోవైపు రియల్‌మీ జీటీ నియో 6 ఎస్ఈ స్మార్ట్ ఫోన్ చైనాలో లాంచ్ కానుందని తెలుస్తోంది. ఈ మొబైల్ లాంచ్‌ను కంపెనీ టీజ్ చేసింది. ఆక్టాకోర్ క్వాల్‌కాం స్నాప్‌డ్రాగన్ 7 సిరీస్ ప్రాసెసర్‌పై రియల్‌మీ జీటీ నియో 6 ఎస్ఈ పని చేయనుంది. రియల్‌మీ జీటీ నియో 6లో క్వాల్‌కాం స్నాప్‌డ్రాగన్ 8ఎస్ జెన్ 3 ప్రాసెసర్‌పై రన్ కానుందని తెలుస్తోంది.
Also Read: నోకియా ఫోన్లు ఇక కనిపించవా? - కంపెనీ కొత్త ప్రకటనకు అర్థం ఏంటి?
టాప్ హెడ్ లైన్స్
ట్రెండింగ్ వార్తలు
