Vivo V25 5G: సెల్ఫీ కింగ్ ఇదే - 50 మెగాపిక్సెల్ ఫ్రంట్‌కెమెరాతో వివో కొత్త ఫోన్!

ప్రముఖ స్మార్ట్ ఫోన్ బ్రాండ్ వివో తన కొత్త ఫోన్‌ను మనదేశంలో లాంచ్ చేసింది. అదే వివో వీ25 5జీ.

వివో వీ25 5జీ స్మార్ట్ ఫోన్ లాంచ్ అయింది.

వివో వీ25 5జీ స్మార్ట్ ఫోన్ మనదేశంలో లాంచ్ అయింది. ఈ స్మార్ట్ ఫోన్‌లో 64 మెగాపిక్సెల్ ఓఐఎస్ నైట్ కెమెరాను అందించారు. దీని వెనకవైపు ఫ్లోరైట్ ఏజీ బ్యాక్ ప్యానెల్ ఉంది. ముందువైపు 50 మెగాపిక్సెల్ ఐ ఏఎఫ్ సెల్ఫీ కెమెరాను అందించారు. 6.44 అంగుళాల ఫుల్ హెచ్‌డీ+ అమోఎల్ఈడీ డిస్‌ప్లే ఈ స్మార్ట్ ఫోన్‌లో ఉంది.

వివో వీ25 5జీ ధర
వివో వీ25 5జీ రెండు వేరియంట్లు అందుబాటులో ఉన్నాయి. వీటిలో ప్రారంభ వేరియంట్ అయిన 8 జీబీ ర్యామ్ + 128 జీబీ స్టోరేజ్ వేరియంట్ ధరను రూ.27,999గా నిర్ణయించారు. ఇక హైఎండ్ వేరియంట్ అయిన 12 జీబీ ర్యామ్ + 256 జీబీ స్టోరేజ్ వేరియంట్ ధర రూ.31,999గా ఉంది. సెప్టెంబర్ 20వ తేదీ నుంచి వివో వీ15 5జీ సేల్ ప్రారంభం కానుంది. ఫ్లిప్‌కార్ట్, వివో ఇండియా ఈ-స్టోర్‌ల్లో దీన్ని కొనుగోలు చేయవచ్చు. హెచ్‌డీఎఫ్‌సీ, ఐసీఐసీఐ, ఎస్‌బీఐ బ్యాంకు క్రెడిట్, డెబిట్ కార్డుల ద్వారా కొనుగోలు చేస్తే రూ.2,500 క్యాష్ బ్యాక్ లభించనుంది. దీంతోపాటు రూ.2,000 వరకు ఎక్స్‌చేంజ్ బోనస్ కూడా అందించనున్నారు.

వివో వీ25 5జీ స్పెసిఫికేషన్లు
వివో వీ25 5జీలో ఆండ్రాయిడ్ 12 ఆధారిత ఫన్‌టచ్ ఓఎస్ 12 ఆపరేటింగ్ సిస్టంను అందించారు. 6.44 అంగుళాల ఫుల్ హెచ్‌డీ+ అమోఎల్ఈడీ డిస్‌ప్లే ఇందులో ఉండనుంది. దీని స్క్రీన్ రిజల్యూషన్ 1,080x2,404 పిక్సెల్స్‌గానూ, రిఫ్రెష్ రేట్ 90 హెర్ట్జ్‌గానూ ఉంది.

12 జీబీ వరకు ర్యామ్, 256 జీబీ వరకు స్టోరేజ్ ఇందులో ఉన్నాయి. దీని బ్యాటరీ సామర్థ్యం 4500 ఎంఏహెచ్ కాగా, 44W ఫాస్ట్ చార్జింగ్‌ను సపోర్ట్ చేయనుంది. మీడియాటెక్ డైమెన్సిటీ 900 ప్రాసెసర్‌పై ఈ ఫోన్ పనిచేయనుంది. సూర్యకాంతి లేదా అల్ట్రా వయొలెట్ కిరణాలు పడినప్పుడు బ్యాక్ ప్యానెల్ రంగు మారనుంది.

ఇక కెమెరాల విషయానికి వస్తే... ఫోన్ వెనకవైపు మూడు కెమెరాలు ఉన్నాయి. వీటిలో ప్రధాన కెమెరా సామర్థ్యం 64 మెగాపిక్సెల్ కాగా, దీంతోపాటు 8 మెగాపిక్సెల్ అల్ట్రా వైడ్ యాంగిల్ లెన్స్, 2 మెగాపిక్సెల్ మాక్రో లెన్స్ కూడా అందించారు. సెల్ఫీలు, వీడియో కాల్స్ కోసం ముందువైపు 50 మెగాపిక్సెల్ కెమెరా ఉంది.

డ్యూయల్ బ్యాండ్ వైఫై, బ్లూటూత్ వీ5.2, జీపీఎస్, యూఎస్‌బీ టైప్-సీ పోర్టు వంటి కనెక్టివిటీ ఫీచర్లు ఇందులో అందించారు. యాక్సెలరో మీటర్, యాంబియంట్ లైట్ సెన్సార్, ప్రాక్సిమిటీ సెన్సార్, ఈ-కంపాస్, గైరోస్కోప్‌లు కూడా ఉన్నాయి. దీని మందం 0.78 సెంటీమీటర్లు కాగా... బరువు 186 గ్రాములుగా ఉంది.