Moto G72: రూ.15 వేలలోపే 108 మెగాపిక్సెల్ ఫోన్ - అదిరిపోయే కెమెరా మొబైల్ లాంచ్ చేసిన మోటో!

మోటొరోలా కొత్త ఫోన్ జీ72 మనదేశంలో లాంచ్ అయింది. ప్రారంభ సేల్‌లో దీన్ని రూ.14,999కే విక్రయించనున్నారు.

మోటో జీ72 స్మార్ట్ ఫోన్ మనదేశంలో లాంచ్ అయింది.

మోటో జీ72 స్మార్ట్ ఫోన్ మనదేశంలో లాంచ్ అయింది. కంపెనీ లేటెస్ట్ జీ-సిరీస్‌లో లాంచ్ అయిన ఫోన్ ఇదే. ఇందులో మీడియాటెక్ హీలియో జీ99 ప్రాసెసర్‌ను అందించారు. ఈ ఫోన్‌లో 6.6 అంగుళాల పీఓఎల్ఈడీ డిస్‌ప్లే కూడా ఉంది. ఫోన్ వెనకవైపు 108 మెగాపిక్సెల్ కెమెరా ద్వారా మంచి ఫొటోలు తీసుకోవచ్చు.

మోటో జీ72 ధర
ఇందులో కేవలం ఒక్క వేరియంట్ మాత్రమే లాంచ్ అయింది. 6 జీబీ ర్యామ్ + 128 జీబీ స్టోరేజ్‌తో వచ్చిన ఈ వేరియంట్ ధరను రూ.18,999గా నిర్ణయించారు. మీటియోరైట్ గ్రే, పోలార్ బ్లూ కలర్ ఆప్షన్లలో ఈ ఫోన్ కొనుగోలు చేయవచ్చు. అక్టోబర్ 12వ తేదీన మధ్యాహ్నం 12 గంటలకు ఫ్లిప్‌కార్ట్‌లో ఈ ఫోన్ సేల్ ప్రారంభం కానుంది. ప్రారంభ ఆఫర్ కింద దీన్ని రూ.14,999కే కొనుగోలు చేయవచ్చు.

మోటో జీ72 స్పెసిఫికేషన్లు, ఫీచర్లు
ఆండ్రాయిడ్ 12 ఆపరేటింగ్ సిస్టంపై ఈ ఫోన్ పని చేయనుంది. ఇందులో 6.6 అంగుళాల పీఓఎల్ఈడీ డిస్‌ప్లేను అందించారు. దీని స్క్రీన్ రిఫ్రెష్ రేట్ 120 హెర్ట్జ్ కాగా, టచ్ శాంప్లింగ్ రేట్ 576 హెర్ట్జ్‌గా ఉంది. 6 జీబీ ర్యామ్, 128 జీబీ స్టోరేజ్ ఇందులో అందించారు. స్టోరేజ్‌ను మైక్రో ఎస్‌డీ కార్డు ద్వారా పెంచుకునే అవకాశం ఉంది.

ఇక కెమెరాల విషయానికి వస్తే... ఫోన్ వెనకవైపు మూడు కెమెరాలు ఉన్నాయి. వీటిలో ప్రధాన కెమెరా సామర్థ్యం 108 మెగాపిక్సెల్ కాగా, దీంతోపాటు 8 మెగాపిక్సెల్ అల్ట్రా వైడ్ యాంగిల్ లెన్స్, డెప్త్ కెమెరా కూడా అందించారు. సెల్ఫీలు, వీడియో కాల్స్ కోసం ముందువైపు 16 మెగాపిక్సెల్ కెమెరా ఉంది.

దీని బ్యాటరీ సామర్థ్యం 5000 ఎంఏహెచ్ కాగా, 30W టర్బోపవర్ ఫాస్ట్ చార్జింగ్‌ను ఈ ఫోన్ సపోర్ట్ చేయనుంది. మీడియాటెక్ హీలియో జీ99 ప్రాసెసర్‌పై మోటో జీ72 పనిచేయనుంది. 4జీ ఎల్టీఈ, వైఫై, బ్లూటూత్ వీ5.1, జీపీఎస్ వంటి కనెక్టివిటీ ఫీచర్లు, యాక్సెలరో మీటర్, ప్రాక్సిమిటీ సెన్సార్, లైట్ సెన్సార్, కంపాస్, అండర్ డిస్‌ప్లే ఫింగర్ సెన్సార్లు కూడా ఇందులో అందించారు.దీని మందం 0.79 సెంటీమీటర్లు కాగా, బరువు 166 గ్రాములుగా ఉంది.

 

 

 

 

 

View this post on Instagram

 

 

 

 

 

 

 

 

 

 

 

A post shared by Motorola India (@motorolain)