Lava Blaze 5G: లావా బ్లేజ్ 5జీలో కొత్త వేరియంట్ - 8 జీబీ ర్యామ్‌తో - రూ.13 వేలలోపే!
లావా బ్లేజ్ 5జీ స్మార్ట్ ఫోన్‌లో 8 జీబీ ర్యామ్ వేరియంట్ మనదేశంలో లాంచ్ అయింది.
భారతీయ స్మార్ట్ ఫోన్ బ్రాండ్ లావా తన బ్లేజ్ 5జీ స్మార్ట్ ఫోన్‌లో 8 జీబీ ర్యామ్ వేరియంట్ లాంచ్ చేసింది. ఇందులో ఫోన్ వెనకవైపు మూడు కెమెరాలు ఉన్నాయి. మీడియాటెక్ డైమెన్సిటీ 700 ప్రాసెసర్‌పై ఈ ఫోన్ పని చేయనుంది. ఆండ్రాయిడ్ 12 ఆపరేటింగ్ సిస్టం కూడా లావా బ్లేజ్ 5జీలో ఉంది.
లావా బ్లేజ్ 5జీ ధర
ఈ 8 జీబీ ర్యామ్ + 128 జీబీ స్టోరేజ్ వేరియంట్ ధర రూ.12,999గా నిర్ణయించారు. ఈ స్మార్ట్ ఫోన్‌లోనే 4 జీబీ ర్యామ్ ధర రూ.10,999గానూ, 6 జీబీ ర్యామ్ ధర రూ.11,999గానూ ఉంది. గ్లాస్ గ్రీన్, గ్లాస్ బ్లూ కలర్ ఆప్షన్లలో ఈ ఫోన్ కొనుగోలు చేయవచ్చు.
లావా బ్లేజ్ 5జీ స్పెసిఫికేషన్లు, ఫీచర్లు
ఆండ్రాయిడ్ 12 ఆపరేటింగ్ సిస్టంపై లావా బ్లేజ్ 5జీ పనిచేయనుంది. ఇందులో 6.51 అంగుళాల హెచ్‌డీ+ ఐపీఎస్ డిస్‌ప్లేను కంపెనీ అందించింది. ఈ స్మార్ట్ ఫోన్ స్క్రీన్ రిఫ్రెష్ రేట్ 90 హెర్ట్జ్‌గా ఉంది. వైడ్‌వైన్ ఎల్1 సపోర్ట్ కూడా ఇందులో అందించారు. 4 జీబీ ర్యామ్‌ను కూడా ఇందులో అందించారు. వర్చువల్ ర్యామ్ ఆప్షన్ ద్వారా మరో 8 జీబీని స్టోరేజ్ నుంచి తీసుకుని ర్యామ్‌గా మార్చుకోవచ్చు.
ఇక కెమెరాల విషయానికి వస్తే... ఈ స్మార్ట్ ఫోన్ వెనకవైపు మూడు కెమెరాలు ఉన్నాయి. ఇందులో ప్రధాన కెమెరా సామర్థ్యం 50 మెగాపిక్సెల్ కాగా, దీంతోపాటు రెండు ఏఐ లెన్స్ కూడా లావా బ్లేజ్ 5జీలో అందించారు. సెల్ఫీలు, వీడియో కాల్స్ కోసం ముందువైపు 8 మెగాపిక్సెల్ కెమెరా కూడా అందుబాటులో ఉంది.
128 జీబీ వరకు స్టోరేజ్ లావా బ్లేజ్ 5జీలో ఉండనుంది. ఫింగర్ ప్రింట్ సెన్సార్‌ను కూడా ఫోన్ పక్కభాగంలో అందించారు. దీని బ్యాటరీ సామర్థ్యం 5000 ఎంఏహెచ్ కాగా, ఫాస్ట్ చార్జింగ్‌ను ఈ స్మార్ట్ ఫోన్ సపోర్ట్ చేయనుంది. లావా బ్లేజ్ 5జీ ఫీచర్లు ఇటీవలే లాంచ్ అయిన లావా బ్లేజ్ ప్రో తరహాలో ఉన్నాయి.
లావా బ్లేజ్ ప్రో ఫీచర్లను ఒకసారి చూస్తే... ఆండ్రాయిడ్ 12 ఆపరేటింగ్ సిస్టంపైనే ఈ ఫోన్ కూడా పనిచేయనుంది. ఇందులో 6.5 అంగుళాల 2.5డీ కర్వ్‌డ్ ఐపీఎస్ హెచ్‌డీ+ రిజల్యూషన్ ఉన్న డిస్‌ప్లేను అందించారు. దీని స్క్రీన్ రిఫ్రెష్ రేట్ 90 హెర్ట్జ్ కాగా, యాస్పెక్ట్ రేషియో 20:9గా ఉంది. వాటర్ డ్రాప్ తరహా నాచ్‌ను ఈ ఫోన్‌లో అందించారు. ఆక్టాకోర్ మీడియాటెక్ హీలియో జీ37 ప్రాసెసర్‌పై ఈ ఫోన్ పనిచేయనుంది. 4 జీబీ ర్యామ్, 64 జీబీ స్టోరేజ్ ఉండనుంది.
ఇక కెమెరాల విషయానికి వస్తే... ఫోన్ వెనకవైపు మూడు కెమెరాలు ఉన్నాయి. వీటిలో ప్రధాన కెమెరా సామర్థ్యం 50 మెగాపిక్సెల్ కాగా, దీంతోపాటు మాక్రో, పొర్‌ట్రెయిట్ సెన్సార్లు కూడా అందించారు. సెల్ఫీలు, వీడియో కాల్స్ కోసం ముందువైపు 8 మెగాపిక్సెల్ సెల్ఫీ కెమెరా ఉంది.
5000 ఎంఏహెచ్ సామర్థ్యమున్న బ్యాటరీని ఇందులో అందించారు. 4జీ ఎల్టీఈ, బ్లూటూత్ వీ5.0, వైఫై, ఓటీజీ, 3.5 ఎంఎం హెడ్‌ఫోన్ జాక్, జీపీఎస్ సపోర్ట్ ఇందులో ఉన్నాయి. ఫింగర్ ప్రింట్ సెన్సార్‌ను ఫోన్ పక్కభాగంలో అందించారు. ఫేస్ అన్‌లాక్ ఫీచర్‌ను కూడా ఈ ఫోన్ సపోర్ట్ చేయనుంది.
Read Also: ఐఫోన్ లవర్స్‌ కు బ్యాడ్‌న్యూస్ - 15 ప్రో సిరీస్ ధరలు భారీగా పెంపు - రూ.2 లక్షలు దాటించేస్తారా?
ముఖ్యమైన, మరిన్ని ఆసక్తికర కథనాల కోసం ‘టెలిగ్రామ్’లో ‘ఏబీపీ దేశం’లో జాయిన్ అవ్వండి.
Join Us on Telegram: https://t.me/abpdesamofficial
టాప్ హెడ్ లైన్స్
ట్రెండింగ్ వార్తలు
