Coolpad Cool 20s 5G: రూ.11 వేలలోనే కొత్త 5జీ ఫోన్ - ఫీచర్లు ఎలా ఉన్నాయో చూశారా?

ప్రముఖ స్మార్ట్ ఫోన్ బ్రాండ్ కూల్‌ప్యాడ్ తన కొత్త ఫోన్ లాంచ్ చేసింది. అదే కూల్‌ప్యాడ్ కూల్ 20ఎస్ 5జీ.

కూల్‌ప్యాడ్ కూల్ 20ఎస్ 5జీ స్మార్ట్ ఫోన్ లాంచ్ అయింది.

కూల్‌ప్యాడ్ కూల్ 20ఎస్ 5జీ స్మార్ట్ ఫోన్ చైనాలో లాంచ్ అయింది. కూల్‌ప్యాడ్ కూల్ 20 సిరీస్‌లో ఈ ఫోన్ లాంచ్ అయింది. ఈ సిరీస్‌లో కూల్ 20, కూల్ 20 ప్రో స్మార్ట్ ఫోన్లు ఉన్నాయి. ఇది ఒక చవకైన 5జీ ఫోన్. మీడియాటెక్ డైమెన్సిటీ 700 ప్రాసెసర్‌పై ఈ ఫోన్ పనిచేయనుంది.

కూల్‌ప్యాడ్ కూల్ 20ఎస్ 5జీ ధర
కూల్‌ప్యాడ్ కూల్ 20ఎస్ 5జీ ధర చైనాలో 999 యువాన్ల (సుమారు రూ.11,500) నుంచి ప్రారంభం కానుంది. దీనికి సంబంధించిన సేల్ జూన్ 17వ తేదీ నుంచి జరగనుంది. 4 జీబీ ర్యామ్, 6 జీబీ ర్యామ్, 8 జీబీ ర్యామ్ ఆప్షన్లు ఇందులో ఉండనున్నాయి. అజూర్ బ్లూ, ఫైర్‌ఫ్లై బ్లాక్ మూన్, షాడో వైట్ రంగుల్లో ఈ ఫోన్ లాంచ్ అయింది. కూల్‌ప్యాడ్ బ్రాండ్ మనదేశంలో ఒకప్పుడు చాలా ఫేమస్ కాబట్టి ఈ ఫోన్ కూడా మనదేశంలో త్వరలో లాంచ్ అయ్యే అవకాశం ఉంది.

కూల్‌ప్యాడ్ కూల్ 20ఎస్ 5జీ స్పెసిఫికేషన్లు, ఫీచర్లు
ఆండ్రాయిడ్ 11 ఆధారిత కూల్ ఓఎస్ 20 ఆపరేటింగ్ సిస్టంపై కూల్‌ప్యాడ్ కూల్ 20ఎస్ 5జీ పనిచేయనుంది. 6.58 అంగుళాల ఫుల్ హెచ్‌డీ+ డిస్ ప్లేను ఇందులో అందించారు. దీని స్క్రీన్ రిఫ్రెష్ రేట్ 90 హెర్ట్జ్‌గానూ, స్క్రీన్ టు బాడీ రేషియో 91.2 శాతంగానూ ఉంది. ఆక్టాకోర్ మీడియాటెక్ డైమెన్సిటీ 700 ప్రాసెసర్‌పై ఈ స్మార్ట్ ఫోన్ పనిచేయనుంది.

ఇక కెమెరాల విషయానికి వస్తే.. దీని వెనకవైపు రెండు కెమెరాలు ఉన్నాయి. వీటిలో ప్రధాన కెమెరాగా 48 మెగాపిక్సెల్ సెన్సార్‌ను, దీంతోపాటు 2 మెగాపిక్సెల్ మాక్రో సెన్సార్ కూడా అందించారు. సెల్ఫీలు, వీడియో కాల్స్ కోసం ముందువైపు 8 మెగాపిక్సెల్ కెమెరా ఉంది.

దీని బ్యాటరీ సామర్థ్యం 4500 ఎంఏహెచ్‌గా ఉంది. 18W ఫాస్ట్ చార్జింగ్‌ను ఈ ఫోన్ సపోర్ట్ చేయనుంది. 5జీ, డ్యూయల్ బ్యాండ్ వైఫై, బ్లూటూత్ 5.1, డ్యూయల్ స్టీరియో స్పీకర్లు, యూఎస్‌బీ టైప్-సీ పోర్టు కూడా ఇందులో అందించారు. ఈ స్మార్ట్ ఫోన్ మందం 0.83 సెంటీమీటర్లుగానూ, బరువు 180 గ్రాములుగానూ ఉంది.