GoPro Hero 12 Black: వ్లాగర్లకు గుడ్ న్యూస్ - గోప్రో హీరో బ్లాక్ 12 వచ్చేసింది - 11 కంటే రెట్టింపు బ్యాటరీతో!

గోప్రో హీరో 12 బ్లాక్ యాక్షన్ కెమెరా మనదేశంలో లాంచ్ అయింది. దీని ధర రూ.45 వేల నుంచి ప్రారంభం కానుంది.

గోప్రో హీరో 12 బ్లాక్ మార్కెట్లో లాంచ్ అయింది.

Source : @GoPro X/Twitter

గోప్రో హీరో 12 బ్లాక్ మనదేశంలో లాంచ్ అయింది. దీనికి ముందు వెర్షన్‌తో కంపేర్ చేస్తే చాలా మార్పులు చేసింది. ఈ కొత్త యాక్షన్ కెమెరాలో కంపెనీ జీపీ2 ప్రాసెసర్‌ను అందించింది. అలాగే ముందు వెర్షన్ తరహాలోనే పెద్ద 8:7 సెన్సార్‌ను ఇందులో చూడవచ్చు. మరోవైపు కొత్త ఫీచర్లు కూడా గో ప్రో హీరో 12 బ్లాక్‌లో అందుబాటులోకి రానున్నాయి. బాక్స్‌‌లో ఎండ్యురో బ్యాటరీని కూడా అందించారు. దీని ద్వారా ప్రస్తుతం లాంచ్ అయిన మోడల్ రెట్టింపు బ్యాటరీ బ్యాకప్ అందించనుంది.

గోప్రో హీరో 12 బ్లాక్ ధర
ఇందులో స్టాండర్డ్ వేరియంట్ ధర రూ.45,000గా నిర్ణయించారు. దీంతోపాటు క్రియేటర్స్ ఎడిషన్ కూడా మార్కెట్లోకి వచ్చింది. దీన్ని కొనాలనుకుంటే రూ.65,000 ఖర్చు పెట్టాల్సిందే. క్రియేటర్ ఎడిషన్‌లో మీడియా మోడ్, లైట్ మోడ్, వోల్టా గ్రిప్ కూడా రానున్నాయి. ఇక ఇందులో కేవలం బ్లాక్ కలర్ మోడల్ మాత్రమే అందుబాటులో ఉంది.

దీనికి సంబంధించిన సేల్ ప్రముఖ ఆన్‌లైన్‌, ఆఫ్‌లైన్ రిటైలర్ల వద్ద సెప్టెంబర్ 13వ తేదీ నుంచి ప్రారంభం కానున్నాయి. ప్రీ-ఆర్డర్లు ఇప్పటికే స్టార్ట్ అయ్యాయి. ప్రస్తుతం గో ప్రో హీరో 11 బ్లాక్ ధరను మనదేశంలో తగ్గించారు. ఇది రూ.40,999కే అందుబాటులో ఉంది.

గోప్రో హీరో 12 స్పెసిఫికేషన్లు, ఫీచర్లు
గోప్రో హీరో 12 చూడటానికి ముందు వెర్షన్ తరహాలోనే ఉంది. కానీ కొన్ని మార్పులు చేశారు. 5.3కే, 4కే రిజల్యూషన్‌లో షూట్ చేసిన వీడియోలకు హెచ్‌డీఆర్ సపోర్ట్‌ను కంపెనీ తీసుకువచ్చింది. ఇందులో కొత్త వర్టికల్ క్యాప్చర్ మోడ్ కూడా తీసుకువచ్చింది. దీంతో 9:16 యాస్పెక్ట్ రేషియోలో వీడియోలు రికార్డు చేయవచ్చు. టైమ్‌రాప్, టైమ్‌ల్యాప్స్, నైట్ ఎఫెక్ట్స్, నైట్ ల్యాప్స్ వంటి ఫీచర్లు కూడా 8:7 మోడ్‌లో అందుబాటులో ఉన్నాయి.

ఆటోబూస్ట్ ఉన్న హైపర్‌స్మూత్ 6.0 ఫీచర్ కూడా ఇందులో ఉంది. దీని ద్వారా మరింత స్టెబిలైజేషన్ లభించనుంది. అలాగే నాలుగు రెట్లు ఎక్కువ డేటాను అందించనుందని కంపెనీ తెలిపింది. ఒకవేళ మీరు గోప్రోలో ఫొటోలు దిగాలనుకుంటే ఇంటర్వల్ ఫొటో అనే ఫీచర్ కూడా అందించారు. దీని ద్వారా 0.5 సెకన్ల నుంచి 120 సెకన్ల వరకు టైమర్‌తో ఫొటోలు తీసుకోవచ్చు.

దీంతోపాటు వైర్‌లెస్ ఆడియో రికార్డింగ్ ఫీచర్‌ను కూడా కంపెనీ అందుబాటులోకి తీసుకువస్తుంది. వినియోగదారులు తమ బ్లూటూత్ ఇయర్‌ఫోన్స్‌ను కనెక్ట్ చేసుకుని ఆడియో రికార్డు చేసుకోవచ్చు. దీంతోపాటు వాయిస్ కమాండ్లను కూడా వైర్‌లెస్‌గా వినవచ్చు. గోప్రో హీరో 12 బ్లాక్‌కు ఒకేసారి నాలుగు బ్లూటూత్ డివైస్‌లు కనెక్ట్ చేయవచ్చు.

ఈ కొత్త గోప్రో హీరో 12 బ్లాక్‌లో జీపీ2 ప్రాసెసర్‌ను అందించారు. 8:7 యాస్పెక్ట్ రేషియో ఉన్న 1/1.9 అంగుళాల సెన్సార్ కూడా ఉంది. ఈ కెమెరాకు 2.27 అంగుళాల టచ్ డిస్‌ప్లేను అటాచ్ చేశారు. అలాగే వెనకవైపు టచ్ ఫీచర్ లేని 1.4 అంగుళాల ఫీచర్ ఉంది. కేస్ లేకుండానే 10 మీటర్లు లేదా 33 అడుగుల లోతు వరకు వాటర్ ప్రూఫ్ రేటింగ్‌ను ఈ డివైస్ పొందింది. ఈ యాక్షన్ కెమెరాలో 1720 ఎంఏహెచ్ ఎండ్యురో బ్యాటరీని అందించారు. ప్రస్తుతం ఉన్న మోడల్ కంటే రెండు రెట్లు ఎక్కువ బ్యాటరీ బ్యాకప్‌ను అందించనున్నట్లు కంపెనీ ప్రకటించింది.

ముఖ్యమైన, మరిన్ని ఆసక్తికర కథనాల కోసం ‘టెలిగ్రామ్’లో ‘ఏబీపీ దేశం’లో జాయిన్ అవ్వండి.
Join Us on Telegram: https://t.me/abpdesamofficial