Google Year in Search 2021: ఐపీఎల్ నుంచి ఆర్యన్ ఖాన్ దాకా.. భారతీయులు గూగుల్‌ చేసిన టాప్-10 విషయాలు ఇవే!

భారతీయ ప్రజలు ఈ సంవత్సరం గూగుల్‌లో ఎక్కువ దేని గురించి సెర్చ్ చేశారో తెలుసా?

2021లో భారతీయలు ఎక్కువగా గూగుల్ చేసిన విషయాలు ఇవే..

మనదేశ ప్రజలు 2021లో వేటి గురించి ఎక్కువ సెర్చ్ చేశారో గూగుల్ తెలిపింది. ఇయర్ ఇన్ సెర్చ్ పేరుతో ఈ ఫలితాలను గూగుల్ విడుదల చేసింది. ఈ సంవత్సరం అన్నిటికంటే క్రికెట్ కోసం ఎక్కువ ప్రజలు వెతికేశారు. దీంతో దీంతోపాటు కోవిడ్‌కు సంబంధించిన కోవిన్ యాప్ కూడా సెర్చ్‌లో ఎక్కువగా ఉంది.

గూగుల్ సెర్చ్‌లో టాప్-10 ఇవే..
1. ఇండియన్ ప్రీమియర్ లీగ్ (ఐపీఎల్)
2. కోవిన్
3. ఐసీసీ టీ20 వరల్డ్ కప్
4. యూరో కప్
5. టోక్యో ఒలంపిక్స్
6. కోవిడ్ వాక్సిన్
7. ఫ్రీ ఫైర్ రిడీమ్ కోడ్
8. కోపా అమెరికా
9. నీరజ్ చోప్రా
10. ఆర్యన్ ఖాన్

ఈ సంవత్సరం రెండు దశల్లో జరిగిన ఐపీఎల్ భారతీయులు ఎక్కువగా వెతికిన విషయాల్లో టాప్‌గా నిలిచింది. రెండో స్థానంలో కోవిన్ నిలవగా, మూడో స్థానంలో టీ20 వరల్డ్ కప్ నిలిచింది. అక్టోబర్, నవంబర్ నెలల్లో ఈ వరల్డ్ కప్ జరిగింది. యూరోప్‌కు సంబంధించిన ఫుట్‌బాల్ టోర్నమెంట్ యూరో కప్ నాలుగో స్థానంలో నిలవగా.. టోక్యో ఒలంపిక్స్ ఐదో స్థానాన్ని సంపాదించింది.

అందరికీ ఎంతో అవసరమైన కోవిడ్ వ్యాక్సిన్ భారతీయులు ఎక్కువగా గూగుల్ చేసిన ఆరో అంశంగా నిలిచింది. ఇక ఆన్‌లైన్ రాయల్ బ్యాటిల్ గేమ్ అయిన ఫ్రీ ఫైర్‌కు సంబంధించిన రిడీమ్ కోడ్ల సెర్చ్ ఈ స్థానంలో ఏడో స్థానంలో నిలిచింది. దక్షిణ అమెరికా ఫుట్ బాల్ టోర్నమెంట్ కోపా అమెరికా ఎనిమిదో స్థానాన్ని సంపాదించుకుంది. టోక్యో ఒలంపిక్స్‌లో స్వర్ణపతకం సాధించిన నీరజ్ చోప్రా తొమ్మిదో స్థానంలోనూ, డ్రగ్స్ కేసు కారణంగా వార్తల్లో నిలిచిన షారుక్ ఖాన్ కుమారుడు ఆర్యన్ ఖాన్ ఈ జాబితాలో పదో స్థానంలోనూ ఉన్నారు.

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి