Palamaner Latest News:తిరుమల వెళ్తుండగా తీరని విషాదం; పలమనేరు వద్ద ఘోర ప్రమాదం! ఐదుగురు బెంగళూరు వాసులు మృతి!

Palamaner Latest News:బుధవారం ఉదయం పలమనేరు సమీపంలోని జాతీయ రహదారిపై ఒక కారు అతివేగంగా ప్రయాణిస్తుంది. అయితే అదే సమయంలో ముందు వెళ్తున్న లారీని ఈ కారు వెనుక నుంచి బలంగా ఢీ కొట్టింది.

తిరుమల వెళ్తుండగా తీరని విషాదం; పలమనేరు వద్ద ఘోర ప్రమాదం! ఐదుగురు బెంగళూరు వాసులు మృతి!

Source : ABP Desam

Show Quick Read

Key points generated by AI, verified by newsroom

• పలమనేరు వద్ద కారు లారీని ఢీకొని ఐదుగురు దుర్మరణం.
• తిరుమల దర్శనానికి వెళ్తుండగా బెంగళూరు వాసులకు ఘోర ప్రమాదం.
• అతివేగం, అజాగ్రత్తే ప్రమాదానికి కారణమని పోలీసులు ప్రాథమిక విచారణ.
• ఒకేసారి ఐదుగురు మృతితో బెంగళూరులో విషాద ఛాయలు అలముకున్నాయి.

Palamaner Latest News: భక్తుల కొంగు బంగారం తిరుమల శ్రీవారిని దర్శించుకోవాలన్న ఆ కుటుంబ ఆశలు అర్ధాంతరంగా ముగిసిపోయాయి. పుణ్యక్షేత్రానికి వెళ్తున్న ప్రయాణం మృత్యులోకానికి తీసుకెళ్లింది. చిత్తూరు జిల్లాలో బుధవారం ఉదయం జరిగిన ఒక భయంకరమైన రోడ్డు ప్రమాదం ఐదుగురు ప్రాణాలను బలి తీసుకుంది. పలమనేరు సమీపంలోని జాతీయ రహదారిపై జరిగిన ఘటన స్థానికంగా తీవ్ర కలకలం రేపింది. ఈ ప్రమాదానికి సంబంధించి పూర్తి వివరాలు ఇలా ఉన్నాయి. 

బుధవారం ఉదయం పలమనేరు సమీపంలోని జాతీయ రహదారిపై ఒక కారు అతివేగంగా ప్రయాణిస్తుంది. అయితే అదే సమయంలో ముందు వెళ్తున్న లారీని ఈ కారు వెనుక నుంచి బలంగా ఢీ కొట్టింది. ప్రమాదం ఎంత తీవ్రంగా జరిగిందంటే, కారు ముందు భాగం పూర్తిగా నుజ్జునుజ్జు అయ్యింది. ఈ ఘోర ప్రమాదంలో కారులో ప్రయాణిస్తున్న ఐదుగురు వ్యక్తులు అక్కడికక్కడే ప్రాణాలు కోల్పోయారు. మృతులలో ఇద్దరు పురుషులు, ముగ్గురు మహిళలు ఉన్నట్టు పోలీసులు ధ్రువీకరించారు. 

మృతులు బెంగళూరు వాసులు 

ప్రమాద సమాచారం అందిన వెంటనే పలమనేరు పోలీసులు ఘటనా స్థలానికి చేరుకుని సహాయక చర్యలు చేపట్టారు. మృతుల వద్ద ఉన్న  వివరాల ఆధారంగా వారు కర్ణాటక వాసులుగా గుర్తించారు. వీరంతా బెంగళూరు నగరంలోని రాజాజీ నగర్ నివాసితులుగా పోలీసులు నిర్ధారించారు. వీరంతా కలిసి తిరుమల శ్రీవారి దర్శనానికి బెంగళూరు నుంచి బయల్దేరగా గమ్యస్థానానికి చేరుకోక ముందే ఈ విషాదం చోటుచేసుకుంది. 

ఈ ప్రమాదంలో మరణించిన వారి వివరాలను పోలీసులు అధికారికంగా ప్రకటించారు. మృతుల్లో వృద్ధులతోపాటు యువతులు కూడా ఉన్నారు. మోహన్‌దాస్‌, నాగరాజారావు, కుసుమ, జయంతి, పూజ మృతి చెందారు. ఒకేసారి కుటుంబంలోని, బంధువర్గంలోని  ఐదుగురు వ్యక్తులు మరణించడంతో రాజాజీ నగర్‌లో విషాద ఛాయలు అలముకున్నాయి. 

పలమనేరు పోలీసులు ఈ ఘటనపై కేసు నమోదు చేసి దర్యాప్తు వేగవంతం చేశారు.  ప్రాథమిక దర్యాప్తును వేగవంతం చేశారు. ప్రాథమిక విచారణ ప్రకారం, కారు డ్రైవర్‌ అతి వేగంగా వాహనం నడపడం వల్లే ఈ ప్రమాదం జరిగినట్టు తెలుస్తోంది. వేగం ఎక్కువగా ఉండటం వల్ల డ్రైవర్ నియంత్రణ కోల్పోయి, ముందు వెళ్తున్న లారీని గమనించలేక ఢీ కొట్టినట్టు పోలీసులు భావిస్తున్నారు.