Kidambi Srikanth: వరల్డ్ చాంపియన్ షిప్స్‌లో పతకం ఖాయం.. సెమీస్‌కు చేరిన తెలుగు తేజం!
తెలుగు తేజం కిడాంబి శ్రీకాంత్ బీడబ్ల్యూఎఫ్ వరల్డ్ చాంపియన్ షిప్‌లో సెమీస్‌కు దూసుకెళ్లాడు.
బీడబ్ల్యూఎఫ్ వరల్డ్ చాంపియన్ షిప్‌లో భారత్‌కు పతకం ఖాయం అయింది. తెలుగు తేజం కిడాంబి శ్రీకాంత్.. మార్క్ కాల్జోను ఓడించి సెమీస్‌కు దూసుకెళ్లాడు. కేవలం 26 నిమిషాల్లోనే ముగిసిన ఈ గేమ్‌లో 21-8, 21-7తో శ్రీకాంత్ విజయం సాధించాడు. ఈ విజయంతో భారత్‌కు ఒక పతకం ఖాయం అయింది.
మెన్స్ సింగిల్స్‌లో భారత్‌కు ఇది మూడో పతకం. మొదటి గేమ్ సగానికి 11-5తో ఆధిపత్యంలో ఉన్న శ్రీకాంత్.. తర్వాత 21-8తో గేమ్‌ను ముగించాడు. అదే ఊపులో రెండో సెట్‌ను కూడా 21-7తో గెలుచుకుని సెమీస్‌కు దూసుకెళ్లాడు.
డిఫెండింగ్ చాంపియన్ పీవీ సింధు క్వార్టర్ ఫైనల్స్‌లో తై ట్జు యింగ్ చేతిలో ఓటమి పాలై ఇంటి బాట పట్టింది. తై ట్జు యింగ్ 21-17, 21-13తో సింధుపై విజయం సాధించింది. ఈ మ్యాచ్ 42 నిమిషాల పాటు సాగింది. వీరిద్దరూ ఇప్పటివరకు 20 మ్యాచ్‌ల్లో తలపడగా.. యింగ్ 15 సార్లు విజయం సాధించింది. సింధుకు కేవలం ఐదు విజయాలు మాత్రమే దక్కాయి.
1983లో ప్రకాష్ పదుకోన్, 2019లో బి.సాయి ప్రణీత్ తర్వాత వరల్డ్ చాంపియన్ షిప్‌లో సెమీస్‌కు చేరిన మూడో భారతీయుడు శ్రీకాంత్ మాత్రమే. అయితే ఇదే టోర్నీలో ఆడుతున్న లక్ష్యసేన్ కూడా క్వార్టర్స్‌లో విజయానికి చేరువలో ఉన్నాడు. తను కూడా విజయం సాధిస్తే.. భారత్‌కు రెండు పతకాలు ఖాయం అవుతాయి.
🤩 Semifinal for Srikanth 🤩@srikidambi makes his way into the Semifinal of #WorldChampionships2021 with a straight set victory against 🇳🇱's Mark Caljouw 21-8, 21-7 in the QF
— SAI Media (@Media_SAI) December 17, 2021
With this Srikanth assures 🇮🇳's 11th medal at the C'ships
Way to go Champ 🥳
📸 Badminton Photo pic.twitter.com/HFYyLnw7Ti
Also Read: Year Ender 2021: శాసించే స్థితి నుంచి 'కెప్టెన్సీ' పంచుకొనే స్థాయికి.. కోహ్లీకి అచ్చిరాని 2021
Also Read: David Warner: మనసులు గెలిచిన వార్నర్.. ఏం చేశాడంటే?
Also Read: Ganguly on Virat Kohli: 'బోత్‌ ఆర్‌ నాట్‌ సేమ్‌..!' గంగూలీ వద్ద కోహ్లీ తప్పని నిరూపించే సాక్ష్యాలు?
Also Read: Kohli vs Ganguly: వేర్వేరు మాటలెందుకో? ఆ సంగతి గంగూలీనే అడగాలన్న సన్నీ
ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి
టాప్ హెడ్ లైన్స్
ట్రెండింగ్ వార్తలు
