Vaibhav Sooryavanshi: IPL 2026లో వైభవ్ సూర్యవంశి ఎదుర్కునే 10 సవాళ్లు.. ఎన్ని రికార్డులను బద్దలు కొట్టగలడు?

Vaibhav Sooryavanshi Face 10 Challenges In IPL 2026: వైభవ్ సూర్యవంశికి కేవలం 15 ఏళ్లు మాత్రమే. కానీ దిగ్గజాలు సాధించలేదని రికార్డులు అవలీలగా తన పేరిట లిఖించుకుంటున్న వైభవ్ ముందు 10 సవాళ్లు ఇవే.

IPL 2026లో వైభవ్ సూర్యవంశి ఎదుర్కునే 10 సవాళ్లు

Source : X.com

Vaibhav Sooryavanshi Face Challenges In IPL 2026: ఇండియన్ ప్రీమియర్ లీగ్ 2026 (IPL) ఉత్కంఠభరితంగా సాగుతోంది. సీజన్లో మూడో మ్యాచులో రాజస్థాన్ రాయల్స్ తరఫున ఆడుతున్న టీనేజ్ సంచలనం వైభవ్ సూర్యవంశీ ముందు 10 కొత్త సవాళ్లు ఉన్నాయి. వాటిలో వైభవ్ ఎన్నింటిని అధిగమిస్తాడనేది ఇప్పుడు ఆసక్తికరంగా మారింది. 15 ఏళ్ల వయసున్న సూర్యవంశీ ప్రస్తుత ఫామ్ అద్భుతంగా ఉంది. చెన్నై సూపర్ కింగ్స్‌(CSK)తో జరిగిన మ్యాచ్‌తో రాజస్థాన్ రాయల్స్ జెర్సీలో వైభవ్ తన ఐపీఎల్ 2026 ప్రయాణాన్ని ఘనంగా ఆరంభించాడు. మరి ఈ సీజన్‌లో వైభవ్ ముందున్న ఆ 10 సవాళ్లు ఏమిటి ఇక్కడ తెలుసుకోండి.

ఐపీఎల్ 2026లో వైభవ్ సూర్యవంశీ ముందున్న 10 సవాళ్లు ఇవే..

1. వైభవ్ సూర్యవంశీ ముందున్న అతిపెద్ద ఛాలెంజ్ రాజస్థాన్ రాయల్స్ 18 ఏళ్ల టైటిల్ కరువును తీర్చడం. జట్టుకు ట్రోఫీ అందించడమే తన లక్ష్యమని ఐపీఎల్ 2026కి ముందే వైభవ్ తెలిపాడు. అయితే తన ఆటతో పాటు మిగిలిన ఆటగాళ్ల ప్రదర్శనతోనే ఇది సాధ్యపడుతుంది. 

2. ఐపీఎల్‌లో ఇప్పటివరకు అత్యధిక వ్యక్తిగత స్కోరు సాధించిన రికార్డు యూనివర్సల్ బాస్ క్రిస్ గేల్ పేరిట ఉంది. ఐపీఎల్ 2026లో ఈ రికార్డును బద్దలు కొట్టడం వైభవ్ ముందున్న రెండో ఛాలెంజ్. బీసీసీఐ నమన్ అవార్డుల సమయంలోనే ఈ బ్యాటర్ తన మనసులోని ఈ కోరికను బయటపెట్టాడు.

3. ఒక ఇన్నింగ్స్‌లో అత్యధిక సిక్సర్లు బాదిన రికార్డును తన పేరిట లిఖించుకోవడం వైభవ్ ముందున్న మూడో సవాలు.

4. ఒక ఓవర్‌లో 6 సిక్సర్లు కొట్టడం వైభవ్ ముందున్న నాలుగో ఛాలెంజ్. ఇప్పటివరకు ఐపీఎల్‌లో ఎవరూ ఒకే ఓవర్‌లో 6 సిక్సర్లు కొట్టలేదు. వైభవ్ కూడా తన కెరీర్‌లో ఈ ఘనత సాధించలేదు.

5. 2025 ఐపీఎల్ ద్వారా అరంగేట్రం చేసిన వైభవ్ సూర్యవంశీ, 7 మ్యాచ్‌ల్లో ఒక సెంచరీతో 252 పరుగులు చేశాడు. అయితే ఐపీఎల్ 2026లో ఆరెంజ్ క్యాప్ సాధించాలనేది అతని ఐదో టార్గెట్. 

   Flair on display 🔥
   
   Vaibhav Sooryavanshi in the house 😎
   
   Updates ▶️ https://t.co/UzbuFk5G26#TATAIPL | #KhelBindaas | #RRvCSK pic.twitter.com/dr0hYVaVij

   — IndianPremierLeague (@IPL) March 30, 2026

 

1. తన అరంగేట్రం సీజన్‌లోనే అత్యంత వేగంగా సెంచరీ చేసిన భారత బ్యాటర్ (35 బంతుల్లో) వైభవ్ రికార్డు సృష్టించాడు. కానీ 30 బంతుల్లోనే సెంచరీ చేసిన క్రిస్ గేల్ రికార్డును బద్దలు కొట్టాలని ఆశ పడుతున్నాడు. 

2. అతి చిన్న వయసులో అత్యధిక ఐపీఎల్ పరుగులు చేసిన ఆటగాడిగా నిలవడం వైభవ్‌ సూర్యవంశీ ముందున్న ఏడో సవాలు. ప్రస్తుతం ఈ రికార్డు పృథ్వీ షా (598 పరుగులు) పేరిట ఉంది. మరో 347 పరుగులు చేస్తే ఈ రికార్డు బద్దలవుతుంది.

3. ఒకే ఐపీఎల్ సీజన్‌లో అత్యధిక సెంచరీలు బాదడం వైభవ్ సూర్యవంశీ ముందున్న ఎనిమిదో సవాలు. ప్రస్తుతం విరాట్ కోహ్లీ, జోస్ బట్లర్ ఒకే సీజన్లో చెరో 4 సెంచరీలతో ఈ రికార్డును పంచుకుంటున్నారు.

4. ఒక సీజన్‌లో అత్యధికంగా 59 సిక్సర్లు కొట్టిన రికార్డు క్రిస్ గేల్ పేరిట ఉంది. గేల్ ఈ రికార్డు సాధించినప్పుడు వైభవ్ వయసు కేవలం 1 ఏడాది. ఇప్పుడు 15 ఏళ్ల వయసులో ఆ రికార్డును అధిగమించాలని వైభవ్ ఉవ్విళ్లూరుతున్నాడు. 

5. ఒకే సీజన్‌లో అత్యధికంగా 'ప్లేయర్ ఆఫ్ ది మ్యాచ్' అవార్డులు గెలవాలని జట్లుకు సాధ్యమైనన్ని విజయాలు అందించడం వైభవ్ ముందున్న పదో సవాలు. ఒకవేళ రాజస్థాన్ రాయల్స్‌ను ఛాంపియన్‌గా నిలబెట్టాలంటే, వైభవ్ లాంటి బ్యాటర్ సీజన్లో అద్భుతాలు చేయక తప్పదు.

మరిన్ని చదవండి

ఐపీఎల్ 2026 ప్రసారంపై బంగ్లాదేశ్ యూటర్న్‌; రెండు రోజుల్లోనే నిర్ణయం ఎందుకు మారిందంటే?

వైభ‌వ్ 15 బాల్స్ ఫిఫ్టీ.. చెన్నైపై రాజ‌స్థాన్ ఈజీ విక్ట‌రీ.. అన్ని రంగాల్లో రాణించిన రాయ‌ల్స్