Vaibhav Sooryavanshi: చిచ్చరపిడుగు సూర్యవంశీకి మరో అరుదైన ఘనత! అతని మైండ్‌ సెట్‌పై ఐఐఎం ఇండోర్ పరిశోధన!

Vaibhav Sooryavanshi:కేవలం 15 ఏళ్ల వయసులో ఐపీఎల్ రికార్డులను తిరగరాసిన వైభవ్ సూర్యవంశీపై ఐఐఎం ఇండోర్ పరిశోధన ప్రారంభించింది. అతని మైండ్‌సెట్, క్రమశిక్షణ ఇప్పుడు మేనేజ్మెంట్ విద్యార్థులకు పాఠంకానుంది.

మైదానంలో పరుగుల వర్షం.. తరగతి గదిలో పరిశోధన అంశం: వైభవ్ సూర్యవంశీ అరుదైన ఘనత

Source : PTI

Show Quick Read

Key points generated by AI, verified by newsroom

• ఐఐఎం ఇండోర్, 15 ఏళ్ల క్రికెటర్ వైభవ్ సూర్యవంశీపై పరిశోధన ప్రారంభించింది.
• అతని మానసిక దృఢత్వం, ఒత్తిడిని తట్టుకునే విధానం ప్రధానాంశం.
• అసాధారణ ఐపీఎల్ ప్రదర్శన, చిన్న వయసులోనే విజయం సాధించాడు.
• ఈ కేస్ స్టడీ భవిష్యత్ మేనేజ్‌మెంట్ విద్యార్థులకు నాయకత్వ పాఠాలు.

Vaibhav Sooryavanshi: సాధారణంగా ఐఐఎం వంటి ప్రతిష్టాత్మక విద్యాసంస్థల్లో పెద్ద పెద్ద కార్పొరేట్ దిగ్గజాల విజయగాథలు లేదా విఫలమైన స్టార్టప్‌ల కేస్ స్టడీలపై పరిశోధనలు జరుగుతుంటాయి. కానీ ఇప్పుడు ఒక 15 ఏళ్ల కుర్రాడి ప్రయాణం, అతని మానసిక దృఢత్వం దేశంలోని అగ్రశ్రేణి మేనేజ్మెంట్‌ నిపుణుల దృష్టిని ఆకర్షించింది. అతనే బిహార్‌ నుంచి వచ్చిన క్రికెట్ సంచలనం వైభవన్ సూర్యవంశీ. ఐపీఎల్ వేదికగా ప్రపంచవ్యాప్తంగా గుర్తింపు పొందిన ఈ యువ ఆటగాడిపై ఐఐఎం ఇండోర్‌ ప్రత్యేక పరిశోధన చేపట్టింది. 

ఐఐఎం ఇండోర్ నిర్వహిస్తున్న ఈ పరిశోధనకు వైభవ్ సూర్యవంశీ: మైండ్‌సెట్‌ అండ్‌ మేనేజ్‌మెంట్ అని పేరు పెట్టారు. మైదానంలో వైభవ్ ప్రదర్శించే బ్యాటింగ్ నైపుణ్యం మాత్రమే కాదు. అతని మానసిక పరిపక్వత, ఒత్తిడిని తట్టుకునే విధానం, అతని నిర్ణయాధికారంపై పరిశోధనలు దృష్టి పెట్టనున్నారు. 

గత ఐపీఎల్‌ సీజన్‌లో వైభవ్ సూర్యవంశీ ప్రదర్శన క్రీడా ప్రపంచాన్ని విస్మయానికి గురి చేసింది. ఆ లెక్కలు చూస్తే ఎవరైనా ఆశ్చర్యపోవాల్సిందే. కేవలం 17 మ్యాచ్‌లలోనే 700 పరుగుల కంటే ఎక్కువ చేసి అందరి దృష్టిని ఆకర్షించాడు. ఒకే సీజన్‌లో రికార్డు స్థాయిలో 72 సిక్సర్లు కొట్టి కొత్త చరిత్ర సృష్టించాడు. 200 కంటే ఎక్కువ స్ట్రైక్ రేట్‌తో బ్యాటింగ్ చేస్తూ, పవర్ ప్లేలో బౌలర్లకు చుక్కలు చూపించాడు. ఈ అసాధారణ ప్రదర్శనతో అతి చిన్న వయసులోనే ఆరెంజ్ క్యాప్ హోల్డర్‌గా నిలిచాడు. 

సక్సెస్ మంత్రం ఏంటీ?

బిహార్‌లోని సమస్తిపూర్‌ నుంచి వచ్చిన ఈ బాలుడు ఇంత తక్కువ కాలంలోనే అంత ఎత్తుకు ఎలా ఎదిగాడు అనే అంశంపై ఐఐఎం పరిశోధనలు చేయనుంది. తన ఇంటి ముందు చిన్న మైదానంలోనే ప్రాక్టీస్ చేసిన వైభవ్ దేశవాళీ క్రికెట్‌ నుంచి రాజస్థాన్ రాయల్స్‌ కంట పడే వరకు పడ్డ శ్రమ సామాన్యమైంది కాదు. ఒక విజయవంతమైన స్టార్టప్ ఎలాగైతే దశలవారీగా ఎదుగుతుందో, వైభవ్ కెరీర్ కూడా అలాగే సాగిందని పరిశోధకులు విశ్లేషిస్తున్నారు. అతని రోజువారీ కార్యక్రమాలు, క్రమశిక్షణ, లక్ష్యం పట్ల ఉన్న అంకితభావం ఏ రంగంలోనైనా విజయానికి ప్రాతిపదిక అని ఐఐఎం భావిస్తోంది. 

పరిశోధన ఎలా సాగుతుంది?

ఈ పరిశోధనలో భాగంగా వైభవ్ కుటుంబ సభ్యులు, అతని చిన్ననాటి కోచ్, రాజస్థాన్ రాయల్స్ సపోర్ట్ స్టాఫ్‌, స్పోర్ట్స్ సైకాలజిస్టులను ఇంటర్వ్యూలు చేస్తారు. అతని మైండ్‌సెట్‌ను విశ్లేషించి, ఒక పూర్తి స్థాయి కేస్‌ స్టడీని రూపొందిస్తారు. ఇది భవిష్యత్‌లో మేనేజ్‌మెంట్‌ విద్యార్థులకు నాయకత్వ లక్షణాలు, ఒత్తిడి నిర్వహణ పాఠాలుగా ఉపయోగపడుతుంది. 

ముగ్దుడైన విరాట్ 

వైభవ్ ప్రతిభకు ఛేజ్ మాస్టర్ విరాట్ కోహ్లీ, అతనికి ప్రత్యేకంగా అభినందనలు తెలిపారు. అహ్మదాబాద్‌లోని నరేంద్ర మోదీ స్టేడియంలో ఫైనల్ మ్యాచ్ ముగిసిన తర్వాత గ్యాలరీ నుంచి కిందకు వచ్చిన వైభవ్, కోహ్లీని చూసి చేతులు జోడించి నమస్కరించాడు. వెంటనే విరాట్ అతడిని దగ్గరకు తీసుకొని ఆలింగనం చేసుకున్నాడు. అంతర్జాతీయ క్రికెట్‌లో రాణించేందుకు అవసరమైన చిట్కాలను అందించాడు. ఈ గౌరవభావం, నేర్చుకోవాలనే తపన కూడా వైభవ్‌ వ్యక్తిత్వంలోని గొప్పతనాన్ని చాటుతున్నాయి. 

కేవలం ఆటగానేకాదు, ఒక మేనేజ్‌మెంట్‌ స్టడీగా మారడం అంటే వైభవన్ సూర్యవంశీ సాధించిన విజయం ఎంతటిదో అర్థం చేసుకోవచ్చు. బిహార్‌లోని మారుమూల గ్రామం నుంచి ఇండోర్‌లోని ఐఐఎం తరగతి గదుల వరకు సాగిన ఈ ప్రయాణం, ప్రతిభకు ఏదీ అడ్డుకాదని నిరూపిస్తోంది. 

మరిన్ని చదవండి

ఐపీఎల్ 2026 పర్ఫార్మెన్స్ తో న‌యా టీమిండియా ఇలా..! సంచలన లైనప్ తో టీ20 కిర్రాక్ స్క్వాడ్

ఆ ఇద్దరి వల్లే సీఎస్కే కొంప మునిగిందా?: ధోనీ లేని లోటు స్పష్టంగా తెలిసింది.తప్పులను ఎండగట్టిన మాజీ ప్లేయర్