Steve Bucknor About Sachin LBW: సచిన్ విషయంలో తప్పు చేశాను.. 22 ఏళ్ల తరువాత అంపైర్ స్టీవ్ బక్నర్ కీలక ప్రకటన
Steve Bucknor Wrong Decision | బ్రిస్బేన్ టెస్ట్లో సచిన్ టెండూల్కర్పై వివాదాస్పద LBW నిర్ణయం తీసుకున్న 22 ఏళ్ల తర్వాత, అంపైర్ స్టీవ్ బక్నర్ తన తప్పిదాన్ని అంగీకరించారు. అది సరైన నిర్ణయం కాదన్నారు.
క్రికెట్ చరిత్రలో అత్యంత వివాదాస్పద నిర్ణయాలలో ఒకటి మరోసారి హాట్ టాపిక్ అవుతోంది. అందుకు కారణం సచిన్ విషయంలో తాను తప్పు చేశానని అంపైర్ స్టీవ్ బక్నర్ స్వయంగా అంగీకరించారు. 2003-04 ఆస్ట్రేలియా పర్యటనలో బ్రిస్బేన్ టెస్టులో క్రికెట్ దేవుడు సచిన్ టెండూల్కర్ను స్టీక్ బక్నర్ ఎల్బీడబ్ల్యూ (LBW) అవుట్గా ప్రకటించిన ఘటన అభిమానులకు నేటికీ గుర్తుంది. అయితే 22 ఏళ్ల తర్వాత ఆ మ్యాచ్ అంపైర్ స్టీవ్ బక్నర్ తొలిసారిగా సచిన్ ఎల్బీడబ్ల్యూ నిర్ణయం తప్పని బహిరంగంగా అంగీకరించారు.
79 ఏళ్ల బక్నర్ చేసిన వ్యాఖ్యలు వైరల్ అవుతున్నాయి. ఆ రోజు బంతి స్టంప్స్ను తాకడం లేదని, తాను సచిన్ను ఔట్ ఇచ్చి ఉండాల్సింది కాదన్నారు. ఆయన చేసిన ఈ ప్రకటనతో రెండు దశాబ్దాలుగా పలుమార్లు కొనసాగిన చర్చకు తెరపడింది. జీవితంలో కొన్ని తప్పులు జరుగుతాయని, సచిన్ విషయంలో తాను చేసిన తప్పును అంగీకరిస్తున్నానని బక్నర్ స్పష్టం చేశారు.
ఆ రోజు ఏం జరిగింది?
2003-04లో బ్రిస్బేన్లో జరుగుతున్న టెస్ట్ మ్యాచ్లో ఈ ఘటన చోటుచేసుకుంది. ఆస్ట్రేలియా ఫాస్ట్ బౌలర్ జాసన్ గిలెస్పీ వేసిన ఒక బంతిని సచిన్ వదిలేయడానికి ప్రయత్నించాడు. ఆ క్రమంలో బంతి సచిన్ ప్యాడ్లకు తగిలింది. ఆస్ట్రేలియా ఆటగాళ్లు గట్టిగా అప్పీల్ చేయడంతో అంపైర్ స్టీవ్ బక్నర్ ఆ అప్పీల్ను అంగీకరిస్తూ వేలెత్తి సచిన్ను ఔట్ అని ప్రకటించారు. ఆ సమయంలో సచిన్ కేవలం 3 పరుగుల వద్ద బ్యాటింగ్ చేస్తున్నాడు.
తరువాత టీవీ రిప్లేలో బంతి స్టంప్స్ పైనుంచి వెళ్తున్నట్లు స్పష్టంగా కనిపించింది. కామెంటరీ బాక్స్లో ఉన్న దిగ్గజ వ్యాఖ్యాత టోనీ గ్రేగ్ కూడా దీనిని చెత్త నిర్ణయంగా పేర్కొన్నారు. ఇది చాలా దారుణమైన నిర్ణయం. నిర్ణయం తీసుకునే ముందు బంతి లైన్, బౌన్స్ను అంపైర్ బక్నర్ గమనించి ఉండాల్సింది అని ఆయన వ్యాఖ్యానించారు.
సంచలనం సృష్టించిన నిర్ణయం
ఆ రోజుల్లో డిఆర్ఎస్ (DRS) వ్యవస్థ అందుబాటులో లేదు. అందువల్ల అంపైర్ నిర్ణయమే ఫైనల్ అని భావించేవారు. ఈ ఒక్క నిర్ణయం క్రికెట్ ప్రపంచంలో పెద్ద వివాదాన్ని సృష్టించింది. సచిన్కు వ్యతిరేకగా బక్నర్ గతంలో కూడా తప్పుడు నిర్ణయాలు తీసుకున్నారని చాలా మంది భారత అభిమానులు నమ్మేవారు. బ్రిస్బేన్ టెస్ట్ లాంటి ఎన్నో ఘటనల్ని టీమిండియా ఫ్యాన్స్ ఎన్నటికీ మరిచిపోరు. సోషల్ మీడియా వచ్చిన తర్వాత ప్రతి పెద్ద మ్యాచ్ సమయంలోనూ సచిన్ కు వ్యతిరేకంగా బక్నర్ ఇచ్చిన నిర్ణయాలపై తరచుగా చర్చ జరిగేది. మరో మ్యాచులో సచిన్ భుజానికి తాకిన బంతిని క్యాచ్ పట్టి ఆసీస్ క్రికెటర్లు అప్పీల్ చేయగా, దాన్ని సైతం బక్నర్ ఔట్గా ప్రకటించడం అప్పట్లో మరో వివాదాస్పద నిర్ణయం. బక్నర్ తప్పిదాలతో సచిన్ ఎన్నో సెంచరీలు కోల్పోయారని భారత అభిమానులు గుర్తుచేసుకుంటారు.
సచిన్ సరదా సమాధానం
కొంతకాలం కిందట అంపైర్ స్టీవ్ బక్నర్ గురించి సచిన్కు ప్రశ్న ఎదురైంది. సచిన్ తనదైన శైలిలో సరదాగా సమాధానమిచ్చాడు. తాను బ్యాటింగ్ చేస్తున్నప్పుడు అంపైర్కు బాక్సింగ్ గ్లౌజులు తొడిగించాలని, దాంతో ఆయన త్వరగా వేలు ఎత్తలేరని సచిన్ ఫన్నీగా స్పందించాడు. అంపైర్ తప్పిదం చేశాడని తెలిసి సచిన్ ఆశ్చర్యపోతూ క్రీజును వదిలిన సందర్భాలు ఎన్నో ఉన్నాయి.
Before You Go
Ajinkya Rahane Reveals MS Dhoni's Secret | ధోనీ రూమ్ సీక్రెట్ రూల్ బయటపెట్టిన రహానే
టాప్ హెడ్ లైన్స్
ట్రెండింగ్ వార్తలు
