Jasprit Bumrah : జస్ప్రీత్ బుమ్రా నాల్గో టెస్ట్ ఆడటం లేదా? లార్డ్స్ టెస్ట్ తర్వాత శుభమన్ గిల్ ఏం చెప్పాడు?
Jasprit Bumrah : లార్డ్స్ టెస్ట్ లో భారత్ ఓడిపోయింది. తదుపరి మ్యాచ్ మాంచెస్టర్ లో ఆడనుంది. ఈ టెస్టు మ్యాచ్లో బుమ్రా ఆడతాడా లేదా అనే విషయంపపై శుభ్మన్ గిల్ క్లారిటీ ఇచ్చాడు.
Jasprit Bumrah In Manchester Test: భారత్ను లార్డ్స్ టెస్ట్లో 22 పరుగుల తేడాతో ఇంగ్లాండ్ ఓడించింది. ఇంగ్లాండ్ విజయంలో హీరోగా నిలిచిన కెప్టెన్ బెన్ స్టోక్స్ ప్లేయర్ ఆఫ్ ద మ్యాచ్గా ఎంపికయ్యాడు. మూడో టెస్ట్ ముగియడంతో ఈ ఐదు మ్యాచ్ల సిరీస్లో భారత్ 2-1తో వెనుకబడి ఉంది. లార్డ్స్ టెస్ట్ ముగిసిన తర్వాత, ఇప్పుడు నాల్గో టెస్ట్ గురించి చర్చలు ఊపందుకున్నాయి. సిరీస్లో నాల్గో టెస్ట్ మాంచెస్టర్లో జరగనుంది. ఈ మ్యాచ్కు సంబంధించి అతిపెద్ద ప్రశ్న ఏమిటంటే, జస్ప్రీత్ బుమ్రా మాంచెస్టర్ టెస్ట్లో ఆడతాడా లేదా? అనేది అందరూ చర్చించుకుంటున్నారు.
శుభ్మన్ గిల్ ఘాటుగా బదులిచ్చాడు
లార్డ్స్ టెస్ట్లో భారత్ ఓడిపోయిన తర్వాత, భారత కెప్టెన్ శుభ్మన్ గిల్ ప్రజెంటేషన్కు వచ్చినప్పుడు, లార్డ్స్ టెస్ట్కు సంబంధించిన ప్రశ్నల తర్వాత, చివరి ప్రశ్న జస్ప్రీత్ బుమ్రా గురించి అడిగారు. బుమ్రా తదుపరి టెస్ట్ మ్యాచ్ ఆడతాడా అని గిల్ను ప్రశ్నించగా, దీనికి భారత కెప్టెన్ నవ్వుతూ స్పష్టమైన పదాల్లో బదులిచ్చాడు, 'దీని గురించి మీకు త్వరలో తెలుస్తుంది'. నాల్గో టెస్ట్కు ముందు వ్యూహాలు బయటపెట్టకూడదని గిల్ సమాధానం స్పష్టం చేసింది.
బుమ్రా మాంచెస్టర్ టెస్ట్లో ఆడతాడా లేదా?
భారత్, ఇంగ్లాండ్ మధ్య సచిన్-ఆండర్సన్ సిరీస్లో నాల్గో టెస్ట్ మ్యాచ్ జులై 23న ప్రారంభమై జులై 27 వరకు కొనసాగుతుంది. ఈ నేపథ్యంలో మూడో, నాల్గో టెస్ట్ల మధ్య ఎనిమిది రోజుల సుదీర్ఘ విరామం ఉంది. భారత్, ఇంగ్లాండ్ జట్లకు విశ్రాంతి తీసుకునేందుకు చాలా సమయం ఉంది. కాబట్టి జస్ప్రీత్ బుమ్రాకు కూడా విశ్రాంతి లభిస్తే, అతను తదుపరి టెస్ట్ మ్యాచ్లో ఆడవచ్చు.
బుమ్రా డేంజరస్ బౌలింగ్
జస్ప్రీత్ బుమ్రా లార్డ్స్ టెస్ట్లో కూడా బంతితో అద్భుతంగా రాణించాడు. భారత్ ఈ టెస్ట్ మ్యాచ్లో ఓడిపోయినప్పటికీ, టీమ్ ఇండియా బౌలింగ్ అద్భుతంగా ఉంది. బుమ్రా ఇంగ్లాండ్ తొలి ఇన్నింగ్స్లో ఐదు వికెట్లు తీశాడు. అదే సమయంలో, ఈ భారత ఫాస్ట్ బౌలర్ రెండో ఇన్నింగ్స్లో రెండు వికెట్లు తీశాడు.
Shubman Gill on becoming ODI Captain #ENGvIND #INDvsENGTest pic.twitter.com/UxjKBAiqwX
— Chinmay (@nanuchinmay) July 14, 2025
లార్డ్స్ టెస్టు రెండో ఇన్నింగ్స్లో బ్యాట్తో కూడా బుమ్రా రాణించాడు. 193 పరుగుల లక్ష్యాన్ని ఛేదించే క్రమంలో భారత్ కీలకమైన 8వికెట్లను 112 పరుగులకే కోల్పోయింది. ఆ టైంలో బ్యాటింగ్కు వచ్చిన బుమ్రా అప్పటికే క్రీజ్లో ఉన్న జడేజాకు పూర్తి సహకారం అందించాడు. వీళ్లిద్దరు కలిసి 16 ఓవర్ల పాటు బ్యాటింగ్ చేశారు. బుమ్రా 54 బంతులను ఎదుర్కొన్నాడు. వీళ్ల బ్యాటింగ్ తర్వాత మళ్లీ భారత్ రేస్లోకి వచ్చింది. విజయానికి చేరువుతున్న క్రమంలో భారీ షాట్కు ప్రయత్నించిన బుమ్రా అవుట్ అయ్యాడు . త్వరగానే భారత్ రెండో ఇన్నింగ్స్ ముగుస్తుందని ఆలోచించిన వారికి మ్యాచ్ గెలుస్తుందనే ఆశలు రేకెత్తించడంలో బుమ్రా పాత్ర కూడా ఉంది. ఆ తర్వాత వచ్చిన మహమ్మద్ సిరాజ్ కూడా జడెజాకు మంచి సహకారం అందించారు. బ్యాడ్ లక్తో డిఫెన్స్ ఆడిన బంతి మళ్లీ వికెట్లకు తాకడంతో సిరాజ్ అవుటయ్యాడు. దీంతో భారత్ రెండో ఇన్నింగ్స్కు 22 పరుగుల దూరంలో తెరపడింది.
టాప్ హెడ్ లైన్స్
ట్రెండింగ్ వార్తలు
