IND vs AUS 3rd Test: అడ్డంగా నిలబడ్డ పుజారా - 4 వికెట్లు డౌన్‌.. ఇంకా 9 పరుగుల లోటు!
IND vs AUS 3rd Test: ఇండోర్‌ టెస్టుపై టీమ్‌ఇండియా పట్టు జారుతోంది! ఆసీస్‌పై పై చేయి సాధించే అవకాశాలు కనిపించడం లేదు. చెతేశ్వర్‌ పుజారా (36; 76 బంతుల్లో 4x4) ఒంటరి పోరాటం చేస్తున్నాడు.
IND vs AUS 3rd Test:
ఇండోర్‌ టెస్టుపై టీమ్‌ఇండియా పట్టు జారుతోంది! ఆసీస్‌పై పై చేయి సాధించే అవకాశాలు కనిపించడం లేదు. రెండో రోజు తేనీటి విరామానికి రెండో ఇన్నింగ్సులో ఆతిథ్య జట్టు 4 వికెట్ల నష్టానికి 79 పరుగులు చేసింది. ఇంకా 9 పరుగుల లోటుతో ఉంది. చెతేశ్వర్‌ పుజారా (36; 76 బంతుల్లో 4x4) ఒంటరి పోరాటం చేస్తున్నాడు. శ్రేయస్‌ అయ్యర్‌ (0) క్రీజులో ఉన్నాడు. నేథన్ లైయన్‌ (3/27) తన స్పిన్‌తో మాయ చేస్తున్నాడు. ఈ మ్యాచులో గెలవాలంటే హిట్‌మ్యాన్‌ సేన అద్భుతమే చేయాలి!
గర్జిస్తున్న లైయన్‌
ఆసీస్‌ ఆలౌటైయ్యాక రెండో ఇన్నింగ్స్‌ ఆరంభించిన టీమ్‌ఇండియాకు శుభారంభం దక్కలేదు. జట్టు స్కోరు 15 వద్దే ఓపెనర్ శుభ్‌మన్‌ గిల్ (5; 15 బంతుల్లో) ఔటయ్యాడు. 4.6వ బంతికి నేథన్ లైయన్‌ అతడిని క్లీన్‌బౌల్డ్‌ చేశాడు. సాలిడ్‌గా కనిపించిన రోహిత్‌ శర్మ (12; 33 బంతుల్లో)నూ అతడే వికెట్ల ముందు దొరకబుచ్చుకున్నాడు. ఈ క్రమంలో చెతేశ్వర్‌ పుజారా, విరాట్ కోహ్లీ (13; 26 బంతుల్లో) ఇన్నింగ్స్‌ను గాడిన పెట్టేందుకు ప్రయత్నించారు. కాగా జట్టు స్కోరు 54 వద్ద కింగ్‌ను కునెమన్‌ ఎల్బీగా పెవిలియన్‌ పంపించాడు. చాలాసేపు డిఫెన్స్‌ ఆడిన రవీంద్ర జడేజా (7; 36 బంతుల్లో)ను లైయన్‌ వికెట్ల ముందు దొరకబుచ్చుకోవడంతో శ్రేయస్‌ అయ్యర్‌ క్రీజులోకి వచ్చాడు.
An absorbing first session on Day 2 of the 3rd Test.
— BCCI (@BCCI) March 2, 2023
India 13/0 & 109, trail Australia (197) by 75 runs at Lunch.
Scorecard - https://t.co/t0IGbs2qyj #INDvAUS @mastercardindia pic.twitter.com/aRxFsrvMcc
పొద్దున యాష్‌, ఉమేశ్‌ పోరాటం
రెండో రోజు, గురువారం ఉదయం తొలిసెషన్లో టీమ్‌ఇండియా బౌలర్లు దుమ్మురేపారు. స్పిన్‌తో రవిచంద్రన్‌ అశ్విన్‌, రివర్స్‌ స్వింగ్‌తో ఉమేశ్‌ యాదవ్‌ కేవలం అరగంటలో 6 వికెట్లు పడగొట్టారు. 186/4తో గురువారం ఆట ఆరంభించిన ఆసీస్‌ను 76.3 ఓవర్లకు 197 స్కోరుకు ఆలౌట్‌ చేశారు. 88 పరుగుల ఆధిక్యానికి పరిమితం చేశారు. 19 పరుగుల వ్యక్తిగత స్కోరుతో ఆట మొదలు పెట్టిన పీటర్‌ హ్యాండ్స్‌ కాంబ్‌ (19), కామెరాన్‌ గ్రీన్‌ (21) ఎక్కువ బంతులే ఆడినా స్కోర్ చేయలేకపోయారు. జట్టు స్కోరు 186 వద్ద హాండ్స్‌కాంబ్‌ను అశ్విన్‌ ఔట్‌ చేశాడు. టాసప్‌ అయిన బంతిని కాంబ్‌ ముందుకొచ్చి ఆడాడు. బ్యాటుకు తగిలిన బంతిని షార్ట్‌లెగ్‌లోని శ్రేయస్‌ అయ్యర్‌ చక్కగా ఒడిసిపట్టాడు. కీలక ఆటగాడు ఔటవ్వడంతో వికెట్ల పతనం మొదలైంది. మరో రెండు పరుగులకే కామెరాన్‌ గ్రీన్‌ను ఉమేశ్‌ వికెట్ల ముందు దొరకబుచ్చుకున్నాడు. ఆ తర్వాత అలెక్స్‌ కేరీ (3), మిచెల్‌ స్టార్క్‌ (1), నేథన్ లైయన్‌ (4), టార్‌ మర్ఫీ (0) ఔటయ్యేందుకు ఎంతో సమయం పట్టలేదు.
Tea on Day 2 of the 3rd Test#TeamIndia 79/4, trail Australia by 9 runs. @cheteshwar1 going strong on 36*.
— BCCI (@BCCI) March 2, 2023
Scorecard - https://t.co/t0IGbs2qyj #INDvAUS @mastercardindia pic.twitter.com/1ULkKWid5F
టాప్ హెడ్ లైన్స్
ట్రెండింగ్ వార్తలు
