Team India White Washed VS Ireland T20 Series: ప‌సికూన చేతిలో భార‌త్ కు ఘోర ప‌రాభ‌వం.. ఒక్క రన్ తేడాతో సిరీస్ కోల్పోయిన వరల్డ్ ఛాంపియన్స్!

ఐర్లాండ్‌తో జరిగిన సెండ్ టీ20 మ్యాచ్ లో ఇండియా కేవలం ఒక్క రన్ తేడాతో ఓడిపోయి 0-2 తో సిరీస్‌ను కంప్లీట్‌గా చేజార్చుకుంది. చాలా సంవ‌త్స‌రాల త‌ర్వాత టీమిండియా సిరీస్ కోల్పోవ‌డం ఇదే తొలిసారి.

తిలక్ వర్మ

Source : IANS

Ireland Beat India By One Run In Belfast: ప్ర‌పంచ చాంపియ‌న్ భార‌త్ కు ఘోర ప‌రాభ‌వం.. ప‌సికూన లాంటి ఐర్లాండ్ చేతిలో టీమిండియా క్లీన్ స్వీప్ కు గురైంది. వ‌రుస‌గా రెండు మ్యాచ్ ల్లో ఓడిపోయి, సిరీస్ ను చేజార్చుకుంది. వ‌రుస‌గా రెండో మ్యాచ్ లోనూ ఛేజింగ్ కు ప్ర‌య‌త్నించి, భంగ‌ప‌డి చేతులెత్తేసింది.  ఇక బెల్ఫాస్ట్ వేదికగా ఆదివారం జరిగిన సెకండ్ అండ్ లాస్ట్ టీ20 మ్యాచ్ లో ఇండియా టీమ్‌కు కోలుకోలేని షాక్ తగిలిింది. తప్పక గెలవాల్సిన మ్యాచ్ లో ఐర్లాండ్ చేతిలో ఒక్క రన్ తేడాతో ఇండియా ఓడిపోయింది. దీంతో హిస్టారికల్ సిరీస్ ను ఐరిష్ జ‌ట్టు క్లీన్ స్వీప్ చేసింది. టీ20 వరల్డ్ కప్ విన్నర్స్ అయిన ఇండియాకు పసికూన చేతిలో ఈ రేంజ్ పరాజయం ఎదురవ్వడం ఫ్యాన్స్ ను తీవ్ర నిరాశకు గురిచేసింది. ఈ మ్యాచ్ లో టాస్ గెలిచిన ఇండియన్ కెప్టెన్ శ్రేయస్ అయ్య‌ర్ ఫస్ట్ బౌలింగ్ ఎంచుకోగా, ఐర్లాండ్ టీమ్ నిర్ణీత 20 ఓవర్లలో 8 వికెట్ల నష్టానికి 154 రన్స్ చేసింది. వ‌న్ డౌన్ బ్యాట‌ర్ హేరీ ట్రెక్ట‌ర్ స్ట‌న్నింగ్ ఫిఫ్టీ (47 బంతుల్లో 53, 5 ఫోర్లు, 1 సిక్స‌ర్) తో టాప్ స్కోర‌ర్ గా నిలిచాడు. బౌల‌ర్ల‌లో అరంగేట్ర ఆట‌గాడు ప్రిన్స్ యాద‌వ్ కు మూడు వికెట్లు ద‌క్కాయి.  ఆ తర్వాత 155 రన్స్ టార్గెట్ ఛేజింగ్‌లో టీమిండియా 20 ఓవర్లు ఆడి 9 వికెట్లు కోల్పోయి 153 రన్స్ మాత్రమే చేయగలిగింది. తెలుగు స్టార్ తిల‌క్ వ‌ర్మ సూప‌ర్భ్ ఫిఫ్టీ (46 బంతుల్లో 55, 3 ఫోర్లు, 1 సిక్స‌ర్) తో టాప్ స్కోర‌ర్ గా నిలిచాడు. జై మూంద్రా, మాట్ హోలార్డ్ త‌లో మూడు వికెట్ల‌తో మ‌రోసారి భార‌త బ్యాటింగ్ ను వ‌ణికించారు.

Ireland win the 2️⃣nd T20I by 1 run and clinch the series.

Up next for #TeamIndia is the T20I series against England.

Scorecard ▶️ https://t.co/L8GAMNqUC4#IREvIND pic.twitter.com/lvGbGWPcVv

— BCCI (@BCCI) June 28, 2026

లాస్ట్ ఓవర్ డ్రామా.. ఒక్క రన్ తో చేజారిన విక్టరీ
155 రన్స్ ఈజీ టార్గెట్ తో బరిలోకి దిగిన ఇండియాకు బ్యాటింగ్ ఆర్డర్ లో కన్సిస్టెన్సీ లేకపోవడం మళ్లీ శాపంగా మారింది. ఐరిష్ బౌలర్ల కట్టుదిట్టమైన లైన్ అండ్ లెంగ్త్ లీగల్ గా ఇండియన్ బ్యాటర్లను ఒత్తిడిలోకి నెట్టేసింది. ఓపెన‌ర్లు సంజూ శాంస‌న్, అభిషేక్ శ‌ర్మ డ‌కౌట్ల‌తో నిరాశ ప‌ర్చారు. ఒక ఎండ్ లో వికెట్లు పడుతున్నా తెలుగు స్టార్ తిల‌క్ వ‌ర్మ ఒంట‌రి పోరాటం చేశారు. ఐరిష్ బౌల‌ర్ల‌ను ఎదుర్కొని ఫిఫ్టీ సాధించాడు. అయ‌తే అత‌నికి మిగ‌తా బ్యాట‌ర్ల నుంచి స‌హ‌కారం ల‌భించ‌లేదు. మిడిల్ ఆర్డర్లో పార్ట్‌నర్‌షిప్స్ బిల్డ్ చేయడంలో బ్యాట‌ర్లు దారుణంగా ఫెయిల్ అయ్యారు. లాస్ట్ ఓవర్ లో గెలిచే ఛాన్స్ ఉన్నప్పటికీ, ప్రెజర్ హ్యాండిల్ చేయలేక బ్యాటర్లు వికెట్లు పారేసుకున్నారు. టోటల్ గా 9 వికెట్ల నష్టానికి 153 రన్స్ వద్దే ఇండియా ఇన్నింగ్స్ ముగిసింది. ఒక్క రన్ దూరంలో విజయం ఆగిపోవడంతో  ఇండియా క్యాంప్ కంప్లీట్ సైలెన్స్ లోకి వెళ్ళిపోయింది.

ప్రిన్స్ యాదవ్ అదిరిపోయే డెబ్యూ.. ఐర్లాండ్ తక్కువ స్కోరుకే కంట్రోల్
ఫస్ట్ బ్యాటింగ్ చేసిన ఐర్లాండ్ టీమ్‌ను తక్కువ స్కోరుకే కట్టడి చేయడంలో ఇండియా బౌలర్లు సక్సెస్ అయ్యారు. ఈ మ్యాచ్ ద్వారా అంతర్జాతీయ టీ20ల్లోకి డెబ్యూ చేసిన యంగ్ బౌలర్ ప్రిన్స్ యాదవ్ అద్భుతమైన స్పెల్ వేశాడు. తను 4 ఓవర్లలో కేవలం 22 రన్స్ మాత్రమే ఇచ్చి 3 వికెట్లు పడగొట్టి ఐర్లాండ్ ను దెబ్బకొట్టాడు. అతనికి తోడుగా సీనియర్ పేసర్ అర్ష్‌దీప్ సింగ్ 35 రన్స్ ఇచ్చి 2 వికెట్లు తీయగా, ఆల్‌రౌండర్ శివం దూబే 25 రన్స్ ఇచ్చి 2 వికెట్లు పడగొట్టాడు. బౌలర్ల సాలిడ్ పర్ఫార్మెన్స్ వల్ల ఐర్లాండ్ పెద్ద స్కోరు చేయలేకపోయింది. కాగా ఈ మ్యాచ్ లో సూర్యాంశ్ షెడ్గే కూడా ఇండియా తరఫున టీ20 డెబ్యూ ఇవ్వగా, 15 ఏళ్ల వండర్ కిడ్ వైభవ్ సూర్యవంశీ మాత్రం ఈసారి కూడా బెంచ్ కే పరిమితమయ్యాడు.

గంభీర్, అయ్యర్ సేనకు భారీ షాక్.. ఇంగ్లాండ్ టూర్ కు ముందు టెన్షన్
ఈ చారిత్రాత్మక విజయంతో ఐర్లాండ్ 2-0 తో సిరీస్‌ను క్లీన్ స్వీప్ చేసి కొత్త హిస్టారికల్ రికార్డ్ క్రియేట్ చేసింది. వరల్ڈ ఛాంపియన్స్ ను తమ సొంత గడ్డపై క్లీన్ స్వీప్ చేయడం నెక్స్ట్ లెవెల్ అచీవ్‌మెంట్ అన‌డంలో సందేహం లేదు. ఇండియా టీమ్ బ్యాటింగ్ లో అస్సలు ప్లానింగ్ లేదని, అనవసరమైన షాట్లకు పోయి వికెట్లు గిఫ్ట్ గా ఇచ్చారు.. హెడ్ కోచ్ గౌతమ్ గంభీర్, కెప్టెన్ శ్రేయస్ అయ్యర్ ల కాంబినేషన్ కు ఇది ఒక పెద్ద మైండ్ బ్లాకింగ్ షాక్. బుధవారం నుంచి ఇంగ్లాండ్‌తో ప్రారంభం కాబోయే ఫైవ్-మ్యాచ్ టీ20 సిరీస్ కు ముందే టీమిండియా తమ లోపాలను సరిదిద్దుకోవాల్సి ఉంది.

మరిన్ని చదవండి

టీమిండియా ఔట్.. ఆసీస్ చేతిలో ఓట‌మితో సెమీస్ బెర్తు దూరం.. కంగారుల‌తోపాటు నాకౌట్ చేరిన ప్రొటీస్.. 

దీప్తి శ‌ర్మ వ‌రల్డ్ రికార్డు.. అంత‌ర్జాతీయ క్రికెట్లో లీడింగ్ వికెట్ టేక‌ర్ గా ఘ‌న‌త‌..