Mukesh Kumar: ఘనంగా టీమిండియా పేసర్ పెళ్లి , వరుసగా మోగుతున్న పెళ్లి బాజాలు
India Pacer Mukesh Kumar: టీమిండియా ఫాస్ట్ బౌలర్ ముకేశ్ కుమార్ ఓ ఇంటివాడయ్యాడు. ఆస్ట్రేలియాతో జరుగుతున్న టీ 20 మూడో మ్యాచ్లో యువ పేసర్ ముకేష్ కుమార్ బదులు ఆవేశ్ ఖాన్ జట్టులోకి వచ్చాడు.
టీమిండియాలో ఆటగాళ్లు ఒక్కొక్కరుగా పెళ్లీ పీటలు ఎక్కుతున్నారు. ఇటీవలే కేఎల్ రాహుల్, రుతురాజ్ గైక్వాడ్, జస్ప్రీత్ బుమ్రా, నవదీప్ సైనీ పెళ్లి చేసుకోగా.... వెంకటేష్ అయ్యర్ నిశ్చితార్థం జరిగింది. తాజాగా టీమిండియా ఫాస్ట్ బౌలర్ ముకేశ్ కుమార్ ఓ ఇంటివాడయ్యాడు. ఆస్ట్రేలియాతో జరుగుతున్న టీ 20 మూడో మ్యాచ్లో యువ పేసర్ ముకేష్ కుమార్ కనపడలేదు. అతడి స్థానంలో ఆవేశ్ ఖాన్ జట్టులోకి వచ్చాడు. అయితే ముకేశ్కు గాయం అయ్యిందని అంతా అనుకున్నారు. కానీ అవేమీ కాదని తేలిపోయింది. ముకేశ్ కుమార్ పెళ్లి కొడుకయ్యాడు. ఆస్ట్రేలియాతో మూడో టీ20లో ఆడని అతడు గోరఖ్పుర్లో తన వివాహ వేడుక కోసం బీసీసీఐ అనుమతి తీసుకుని వెళ్లాడు. భార్య దివ్యా సింగ్తో కలిసి ముకేశ్ నృత్యం చేస్తున్న వీడియో సామాజిక మాధ్యమాల్లో తిరుగుతోంది.
డిసెంబర్ 1న రాయ్పుర్లో జరిగే నాలుగో టీ20 కల్లా ఈ పేసర్ జట్టులో చేరనున్నాడు. పెళ్లి కారణంగా అతడు మూడో మ్యాచ్కు దూరమయ్యాడు. ఈ విషయాన్ని టీమిండియా సారథి సూర్యకుమార్ యాదవ్తో పాటు బీసీసీఐ కూడా సోషల్ మీడియాలో పోస్ట్ చేసింది. టాస్ సందర్భంగా సూర్య మాట్లాడుతూ తమ తుది జట్టులో ఒక మార్పు జరిగిందని, ముకేష్ స్థానంలో అవేశ్ ఆడుతున్నాడని తెలిపాడు. ముకేశ్ పెళ్లి నేడు జరగనుందని.. అతడికి శుభాకాంక్షలు తెలియజేస్తున్నామని అన్నాడు.
రాయ్పూర్లో జరుగబోయే నాలుగో మ్యాచ్కు ముందే ముకేష్ జట్టుతో కలుస్తాడని బీసీసీఐ కూడా ఎక్స్లో పోస్ట్ చేసింది. ఈ ఏడాది జులైలో వెస్టిండీస్ పర్యటనతో ముకేశ్ కుమారు జట్టులోకి వచ్చాడు. అదే పర్యటనలో వన్డేలు, టీ20లలో కూడా అరంగేట్రం చేశాడు. ఇప్పటివరకు ఒక టెస్టు, మూడు వన్డేలు, నాలుగు టీ20లు ఆడాడు. విండీస్ సిరీస్తో పాటు ఆసీస్తో జరుగుతున్న టీ20 సిరీస్లో కూడా ఆడుతున్నాడు.
ఇటీవలే తన ప్రేయసి స్వాతి ఆస్థాన(Swati Asthana )ను నవదీప్ సైనీ వివాహం చేసుకున్నాడు. కొన్నేళ్లుగా ప్రేమ లోకంలో విహరించిన వీరిద్దరూ అతి కొద్దిమంది సన్నిహితుల సమక్షంలో పెళ్లి పీటలు ఎక్కారు. ఈ విషయాన్ని సోషల్ మీడియా వేదికగా నవదీప్ సైని వెల్లడించాడు. తన వివాహం గురించి ఇన్స్టాగ్రామ్లో పోస్ట్ పెట్టిన నవదీప్ సైని.. జీవితంలో కొత్త అధ్యాయం ప్రారంభించిన తమకు మీ ప్రేమ, ఆశీర్వాదం కావాలంటూ అభిమానులను కోరాడు. నీతో ప్రతిరోజు ప్రేమతో నిండిందేనని. ఈరోజుతో మనం ఆ ప్రేమను శాశ్వతం చేస్తున్నామని ఇన్ స్టా పోస్ట్లో సైనీ స్వాతిపై తన ప్రేమను వ్యక్తం చేశాడు.
ఇంట్లో పెద్దవాళ్లు పెళ్లికి అంగీకారం తెలపడంతో నవదీప్ సైనీ-స్వాతి ఆస్థాన వివాహం అంగరంగ వైభవంగా జరిగింది. వీరి పెళ్లి ఉదయ్పూర్లోని దేబారి ఆనందం రిస్టార్స్లో ఘనంగా జరిగింది. పంజాబీ ఆచారాల ప్రకారం.. ఇద్దరూ వివాహ బంధంతో ఒక్కటయ్యారు. నవదీప్ సైని పెళ్లాడిన స్వాతి అస్థానా ఇన్స్టాగ్రామ్ ఇన్ఫ్లూయెన్సర్. ఇన్స్టాగ్రామ్ ఇన్ఫ్లూయెన్సర్ అయిన స్వాతి ఫ్యాషన్, ట్రావెల్, లైఫ్ స్టైల్ అంశాలపై వీడియోలు చేస్తుంటారు. తన యూట్యూబ్ ఛానెల్ ద్వారా రోజువారీ కార్యకలాపాలు, ట్రావెలింగ్ మీద వీడియోలు షేర్ చేస్తూ ఉంటారు. స్వాతి అస్తానా ఇన్స్టాగ్రామ్ పేజ్కు 80 వేలమంది వరకూ ఫాలోవర్లు ఉన్నారు. నవదీప్ సైనీ-స్వాతి దంపతులకు భారత క్రికెటర్లు మహ్మద్ సిరాజ్, అర్ష్దీప్ సింగ్, ఉమ్రాన్ మాలిక్, ఆర్పీ సింగ్, రాహుల్ తెవాటియా సోషల్ మీడియాలో సైనీకి శుభాకాంక్షలు తెలిపారు.
ఎలక్షన్ ఫాంటసీ గేమ్ ను ఆడండి. 10వేల రూపాయల విలువైన గాడ్జెట్లు పొందండి. 🏆 *T&C Apply
Before You Go
India vs Sri Lanka 1st Test Day 2 Highlights | గాలే టెస్టులో దంచికొట్టిన పడిక్కల్
టాప్ హెడ్ లైన్స్
ట్రెండింగ్ వార్తలు
