Rudraksha : ఈ ముఖి రుద్రాక్ష ధరిస్తే ఐశ్వర్యం-అదృష్టం.. ఈ ముఖి రుద్రాక్ష వేసుకుంటే మృత్యుదోషం పోతుందట...

రుద్ర అంటే శివుడు, అక్ష అంటే కన్నీరు. రుద్రాక్షలు అనేవి శివుని కంటి నుంచి జాలువారిన బిందువులు. రుద్రాక్షలు వాటి ఉపయోగాల గురించి శివపురాణం, దేవీ పురాణం, పద్మ పురాణంలో ప్రధానంగా చర్చించారు. మరి ఎవరు ఏముఖి రుద్రాక్ష ధరించాలో తెలుసా..

ఏ రుద్రాక్ష ధరిస్తే ఎలాంటి ఫలితం

• ఏకముఖి రుద్రాక్ష చాలా విలువైనది. ఎలాంటి మంత్ర తంత్ర ప్రయోగాలను అయినా తిప్పి కొట్టగలదు. దీన్ని ధరించడం వల్ల సిరి సంపదలు, శిరో సంబంధ రోగాలు తగ్గుతాయి.
• ద్విముఖి రుద్రాక్షను బ్రహ్మ రుద్రాక్ష అని అంటారు కొందరంటే... అర్ధనారీశ్వర తత్వానికి ప్రతీక అని మరికొందరు చెబుతారు. ఈ రుద్రాక్ష ధరించడం వల్ల సంతాన ప్రాప్తి, ఏకాగ్రత, వ్యాపార అభివృద్ధి కలుగుతుందని చెబుతారు. మానసిక సమస్యను దూరం చేస్తుంది.
• త్రిముఖి రుద్రాక్ష అదృష్టం,ఐశ్వర్యం కలిసొచ్చేలా చేస్తుందని విశ్వాసం.  త్రిముఖి ధరించే కామెర్ల వ్యాధి తగ్గుతుందని,  సర్ప దోష నివారణ అవుతుందని చెబుతారు.
• చతుర్ముఖి రుద్రాక్ష ధరించేవారు ఏ రంగంలో అయినా రాణిస్తారట. అంతేకాదు..చదువు, ఉద్యోగంలో పనిపై ఏకాగ్రత పెరుగుతుందట.
• పంచముఖి  రుద్రాక్ష వల్ల అకాలమృత్యునివారణ, గుండె సంబంధిత వ్యాధులు నివారణ అవుతాయట.

Also Read: రుద్రాక్ష చెట్టు ఇంట్లోనే పెంచుకోవచ్చు…ఎలాగో తెలుసా?

• షణ్ముఖి రుద్రాక్ష కుమార స్వామి స్వరూపం. దీన్ని ధరిస్తే శక్తి, విజయం, శరీర ధారుఢ్యం, ఆరోగ్యం లభిస్తుందట.
• సప్త ముఖి రుద్రాక్ష వల్ల సంపద, కీర్తి, ఉత్తేజం కలుగుతాయట.
• అష్ట ముఖి రుద్రాక్ష ధరించిన వాపిరివ ఆకస్మిక ధన ప్రాప్తి కలుగుతుందట..
• నవముఖి రుద్రాక్ష భైరవ స్వరూపమైనది. రాజకీయాల్లో ఉన్నక స్థానాన్ని ఆశించేవారికి , అపమృత్యు నివారణ దోషాలు తగ్గించేందుకు నవముఖి రుద్రాక్ష పనికొస్తుందట.
• దశముఖి రుద్రాక్ష దశావతారాలెత్తిన విష్ణు స్వరూపంగా భావిస్తారు. ఈ రుద్రాక్ష  గొంతు సంబంధ రోగాలను, నవగ్రహాల ద్వారా కలుగే కష్టాలు, సమస్యలు నివారణ అవుతాయట.
• ఏకాదశ ముఖి ఇది శివాత్మకమయిన రుద్రాక్ష. వైవాహిక జీవితంలో ఆనందం ఉండడంతో పాటూ, గర్భ సంబంధ రోగాలు నయమవుతాయట. 

ఏ రుద్రాక్ష వేసుకున్నా సత్ఫలితాలనే ఇస్తుందని చెబుతారు పండితులు. అయితే మీ పరిస్థితిని బట్టి ఏ ముఖి రుద్రాక్ష ధరించాలో తెలుసుకోవాలంటారు. అసలు రుద్రాక్షపై నమ్మకమే లేనివారికి ఎలాంటి పట్టింపు లేదు. 

Also Read: సోమవారం, శనివారం గణపతిని ఇలా పూజిస్తే శనిబాధలతో పాటూ కష్టాలన్నీ తొలగిపోతాయట…
Also Read: కృష్ణుడు 36 ఏళ్లలో చనిపోవాలనే గాంధారీ శాపం నెరవేరిందా? కురుక్షేత్రంలో ఏం జరిగింది?
ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి