మంగళవారం ఏ పని చేసినా కలసిరాదా? నష్టపోతామా? నిజంగా ఈ రోజు అంత బ్యాడా?

Tuesday beliefs : వారంలో ప్రతి రోజూ ప్రత్యేకమే. ఒక్కో రోజుపై ఒక్కో గ్రహం ప్రభావం ఉంటుంది. మరి మంగళవారంపై ఏ గ్రహం ప్రభావం? ఈ రోజు ఏం చేయాలి? ఏం చేయకూడదు? 

Things to do and not to do on Tuesday

Source : https://in.pinterest.com/pin/266345765458435518/

Show Quick Read

Key points generated by AI, verified by newsroom

• మంగళవారం కుజ ప్రభావంతో కొన్ని పనులు చేయకూడదంటారు.
• ఆంజనేయుడి, సుబ్రహ్మణ్య స్వామి పూజ మంగళవారం శ్రేయస్కరమంటారు.
• మంగళవారం అశుభమని శాస్త్రపరంగా ఆధారాలు లేవు, కేవలం నమ్మకం.

Spirituality: మంగళవారం కుజుడికి సంకేతం. కుజుడు భూమి పుత్రుడు. అందుకే భూమిపై నివసించే వారిపై కుజ ప్రభావం ఎక్కువగా ఉంటుంది.  మంగళవారం కుజునికి సంకేతం. కుజుడు ధరత్రీ పుత్రుడు, భూమిపై నివసించేవారికి కుజ ప్రభావం ఎక్కువగా ఉంటుంది. కుజుడు ప్రమాదాలకు, తగాదాలకు, నష్టాలకు కారకుడు. అందుకే సాధారణంగా కుజుగ్రహ ప్రభావం ఉండే మంగళవారం కొత్తగా ఏ శుభకార్యాలు తలపెట్టరు. 

మంగళవారం ఈ పనులు చేయకూడదు
 
గోళ్లు కట్ చేసుకోవడం, క్షవరం చేయించుకోవడం చేయకూడదు

మంగళవారం తలకు స్నానం చేయకూడదు

మంగళవారం కొత్త దుస్తులు ధరించరు.. పుట్టినరోజు, పెళ్లిరోజు, పండుగలు ఏమైనా వస్తే పర్వాలేదు
 
అత్యవసరం అయితే కానీ మంగళవారం ప్రయాణం చేయాలనుకోరు
 
ఈ రోజు ఉపవాసం ఉండేవారు ఉప్పు వేసిన పదార్థాలు తినకూడదు

మంగళవారం అప్పు ఇస్తే ఆ డబ్బు తిరిగిరావడం చాలా కష్టం అని చాలామంది నమ్మకం
 
అప్పు తీసుకుంటే దానివల్ల ఉపయోగం లేకపోగా..అనవసరంగా ఖర్చు అయిపోయి, ఆ అప్పు తీరకపోయే ప్రమాదం ఉందట

మంగళవారం చేయాల్సిన పనులు 

మంగళవారం భగవంతుడికి సంబంధించి ఏదైనా చేయొచ్చు, విద్య - వైద్యానికి సంబంధించిన సహాయం చేయొచ్చు

ఈ రోజు ఆంజనేయుడి ధ్యానం వల్ల ధైర్యం చేకూరి అన్ని పనులు పూర్తవుతాయి,సింధూరంతో పూజిస్తే మంచి జరుగుతుంది
 
మంగళవారం సుబ్రహ్మణ్యస్వామి ఆరాధన వల్ల కుజగ్రహ ప్రభావం వల్ల కలిగే ప్రమాదాలు నివారించవచ్చు,  సుబ్రహ్మణ్యస్వామికి 11  ప్రదక్షిణలు చేయడం వలన దోష ప్రభావం తగ్గుతుంది
 
ఈ రోజు కాళికా దేవిని ధ్యానిస్తే శత్రువులపై విజయం సాధిస్తారు
 
మంగళవారం ఎరుపు రంగు దుస్తులు ధరించాలి..ఎర్రటి పూలతో మీ ఇష్టదైవాన్ని ప్రార్థిస్తే అనుకున్నది జరుగుతుందని భక్తుల విశ్వాసం

మంగళవారం అప్పు తీసుకోకూడదు కానీ తీర్చవచ్చు..ఈ రోజు బ్యాంక్ అకౌంట్లో మనీ వేస్తే అది వృద్ధి చెందుతుంది

సైన్స్ పరంగా చూస్తే...

మంగళవారం మంచిది కాదని సైన్స్ పరంగా ఎలాంటి ఆధారాలు లేవు. మంగళవారం జరిగిన మంచి మర్చిపోతాం...ఏదైనా జరిగితే మాత్రం అదొక్కటే గుర్తుపెట్టుకుని..ఈ రోజు మంగళవారం అందుకే ఇలా జరిగిందని నమ్ముతారు. ప్రపంచంలో వివిధ సంస్కృతుల్లో వేర్వేరు రోజులు అశుభం. గ్రీకులు మంగళవారం, 13వ తేదీ...పాశ్చాత్యులు శుక్రవారం, 13వ తేదీ..ఇలా అక్కడి వారి నమ్మకాలు మాత్రమే.. వాస్తవికతతో సంబంధం లేదు. 

మీ ప్రయత్నం , ప్రణాళిక మీ విజయాన్ని నిర్ణయిస్తాయి.. రోజు పేరు కాదు. ధైర్యంగా అడుగువేయండి..ఆత్మవిశ్వాసంతో ఉండండి. మీ ప్రయత్నానికి తగిన ఫలితం తప్పకుండా లభిస్తుంది. అంతేకానీ...మంగళవారం కలసిరాదు అనుకోవడం ఓ అపోహ మాత్రమే..ఇందుకు ఆధారాలు లేవు.  

గమనిక: ఆధ్యాత్మికవేత్తలు సూచించిన వివరాలు, ఆధ్యాత్మిక గ్రంధాల్లో పొందుపరిచిన సమాచారం ఆధారంగా అందించిన కథనం ఇది. వీటిని ఎంతవరకూ పరిగణలోకి తీసుకోవాలన్నది పూర్తిగా మీ వ్యక్తిగతం.  దీనిని అనుసరించేముందు మీరు విశ్వశించే పండితుల సలహాలు స్వీకరించగలరు

మరిన్ని చదవండి

మీ గతజన్మ రహస్యం - ప్రస్తుత లక్షణాలు! మీ రాశి ప్రకారం చూసుకోండి

జూలై 2026లో కార్పొరేట్ ప్రపంచంలో ఉద్యోగ కోతల ముప్పు లేదా గొప్ప పదోన్నతి? మీ కెరీర్ ఎటువైపు?