Irumudi Story : ఎమోషన్... డివోషన్... క్రైమ్ ఇన్వెస్టిగేషన్ - ఇరుముడి స్టోరీ అదేనా?
Irumudi Trailer Review : మాస్ మహారాజ రవితేజ ఇరుముడి ట్రైలర్ ట్రెండ్ అవుతోంది. మూడు లేయర్స్ చిక్కుముడి ఈ సినిమా స్టోరీ అని తెలిపారు డైరెక్టర్ శివ నిర్వాణ.
Ravi Teja's Irumudi Trailer Trending Story Plot Revealed : మాస్ మహారాజ రవితేజ, శివ నిర్వాణ కాంబోలో రాబోతోన్న ఫ్యామిలీ క్రైమ్ ఎమోషనల్ ఎంటర్టైనర్ ఇరుముడి (Irumudi). ఇప్పటివరకూ రిలీజ్ చేసిన గ్లింప్స్, సాంగ్స్ ఒక ఎత్తైతే గురువారం రిలీజ్ చేసిన ట్రైలర్ మరో ఎత్తు.
మొదట్లో ఈ మూవీని అయ్యప్ప స్వామి కథ అంటూ ప్రచారం సాగినా... గ్లింప్స్తోనే అది నిజం కాదని తేలిపోయింది. తండ్రీకూతుళ్ల ఎమోషన్ను చూపిస్తూనే సరికొత్త క్రైమ్ కథాంశంతో కథను అల్లుకుంటూ వెళ్లారు డైరెక్టర్ శివ నిర్వాణ. ట్రైలర్ లాంచ్ ఈవెంట్లో ఈ మూవీ స్టోరీ గురించి రివీల్ చేశారు.
'మూడు ముడుల చిక్కుముడి'
ట్రైలర్లో ఉన్న దానికి పదిరెట్లు సినిమా ఉంటుందని చెప్పారు శివ నిర్వాణ. 'ఇది భక్తి సినిమా అని ప్రచారం చేశారు. ఫస్ట్ లుక్తోనే తెలుగు రాష్ట్రాల్లో ఓ డివోషనల్ వైబ్రేషన్ వచ్చింది. ఇది నాపై మరింత బాధ్యత పెంచింది. ట్రైలర్తో క్లారిటీ ఇద్దామని వెయిట్ చేశా. ఈ కథలో మూడు లేయర్స్ ఉంటాయి. ఇద్దరి మధ్యలో పడిన ముడి.
ఓ ఫాదర్ డాటర్కు మధ్య ఒక ముడి. అయ్యప్ప స్వామికి, ఆయన భక్తునికి మధ్యలో ఇరుముడి. ఈ సినిమాలో ఉన్న క్రైమ్ చిక్కుముడి. ఈ మూడు లేయర్స్ కలిపి నేను ఇరుముడి అనే టైటిల్ ఫిక్స్ చేశాం. ఇది రీమేక్ కాదు. ఓ ఫ్యామిలీ డ్రామాలో ఇంత ఇంటెన్సిటీ గతంలో మీరు చూసి ఉండరు. థియేటర్లలో మీరు అది ఎక్స్పీరియన్స్ చేస్తారు. క్రైమ్ లేయర్లో మీరు భయంతో అలర్ట్గా సినిమాను చూసేలా చేస్తుంది.' అని తెలిపారు.
Also Read : Anupama Parameswaran : రెండేళ్లు నరకం చూశా - అది టాక్సిక్ రిలేషన్ షిప్... అనుపమ పరమేశ్వరన్ బ్రేకప్ స్టోరీ
ట్రైలర్ ఎలా ఉందంటే?
భార్య, కూతురు ప్రాణంగా బతికే ఓ మధ్య తరగతి తండ్రి చుట్టూ 'ఇరుముడి' స్టోరీ సాగుతుందని ట్రైలర్ను బట్టి తెలుస్తోంది. కూతురి కోసం మద్యం మానేయాలని అయ్యప్ప దీక్ష తీసుకుంటాడు తండ్రి. ఆ 41 రోజులు అతని జీవితంలో జరిగే సంఘర్షణలు ఫ్యామిలీ, కూతురి కోసం తండ్రి చేసే పోరాటం ఇరుముడి. ఊరిలో జరిగే అమ్మాయిల మిస్టీరియస్ మరణాలు, విద్యా వ్యవస్థలో లోపాలను కూడా టచ్ చేస్తూ ఓ సరికొత్త ఇంటెన్స్ ఫ్యామిలీ ఎమోషనల్ డ్రామాను చూపించినట్లు ట్రైలర్ను బట్టి తెలుస్తోంది.
మరి ఆ ఊరిలో అమ్మాయిల మిస్టీరియస్ మరణాల వెనకు ఉన్నది ఎవరు? హీరో దీక్ష తీసుకునే టైంలో ఏం జరిగింది? ఊరిలో అమ్మాయిలను కాపాడేందుకు హీరో ఏం చేశాడు? అనేది తెలియాలంటే సినిమా రిలీజ్ వరకూ ఆగాల్సిందే.
ఈ మూవీలో రవితేజ సరసన ప్రియా భవానీ శంకర్ హీరోయిన్గా నటించారు. రవితేజ కూతురి పాత్రలో చిన్నారి నక్షత్ర నటించారు. అలాగే, అజయ్ ఘోష్, సాయి కుమార్ కీలకపాత్రలు పోషించారు. జీవీ ప్రకాశ్ కుమార్ మ్యూజిక్ అందించగా... మైత్రీ మూవీ మేకర్స్ బ్యానర్పై నవీన్ యర్నేని, వై రవిశంకర్ నిర్మించారు. ఆగస్ట్ 21న తెలుగుతో పాటు తమిళంలోనూ రిలీజ్ కానుంది.
Before You Go
Gundenininda Gudigantalu Serial August 11 | మనోజ్కు శీలా డార్లింగ్ వార్నింగ్
టాప్ హెడ్ లైన్స్
ట్రెండింగ్ వార్తలు
