Holi 2026: శవ ఉరేగింపు నుంచి బావ వదిన కోట్లాటల వరకూ ఆశ్చర్యపరిచే హోలీ సంప్రదాయాలు!
Holi 2026: భారత్ లో కన్ని ప్రాంతాల్లో హోలీ వేడుకలు అసాధరణంగా జరుగుతాయ్. నిప్పులపై నడవడం, కొరడాలతో కొట్టడం , ఊరేగింపు నిర్వహించడం ఇంకా చాలా ఉన్నాయ్..
Holi Special 2026: ఈ ఏడాది మార్చి 02న హోలీ పండుగ. రంగులు చల్లుకుని ఆనందాన్ని వ్యక్తం చేస్తారు. అయితే కొన్ని ప్రాంతాల్లో హోలీ పండుగ చాలా విభిన్నంగా ఉంటుంది.
పంజాబ్
పంజాబ్ కు ఆనుకుని ఉన్న శ్రీ గంగానగర్, హనుమాన్ ఘర్ లలో కోడమార్ హోలీ సంప్రదాయం ఉంది. హోలీ జరుపుకునే ఈ ప్రత్యేకమైన పద్ధతిలో, బావమరిది - వదిన మధ్య కొరడాతో కొట్టడం సంప్రదాయం. హోలీ రోజు బావమరిది తన వదినకు రంగు వేయడానికి ప్రయత్నిస్తాడు, వదిన తన బావమరిది వీపుపై కొరడాతో కొడుతుంది. ఇక్కడ హోలీని సాధారణంగా రంగులతో ఆడే సాధారణ హోలీగా కాకుండా, "హోలా మొహల్లా" (Hola Mohalla) అని పిలుస్తారు.
రాజస్థాన్
రాజస్థాన్లో భిల్వారాలో హోలీ పండుగను బతికి ఉన్న వ్యక్తిని చనిపోయినట్లు చూపించి, అంత్యక్రియల ఊరేగింపు నిర్వహిస్తారు. ఒక యువకుడిని శవపేటికపై పడుకోబెట్టి అంత్యక్రియల నిర్వహిస్తారు. ఊరేగింపు సమయంలో సంగీతం, రంగులు చల్లుకోవడంతో నగరం నుంచి తీసుకెళతారు. అంత్యక్రియల సమయంలో ఏమేం పాటిస్తారో అవన్నీ అనుసరిస్తారు..అయితే అఖరి క్షణంలో శవపేటికపై ఉన్న యువకుడు పారిపోతాడు. దీన్ని కొత్త ప్రారంభానికి సూచనగా పరిగణిస్తారు. బన్స్వారా , దుంగార్పూర్ గిరిజన ప్రాంతాలలో, ప్రజలు ఒకరిపై ఒకరు రాళ్ళు విసురుకుంటూ హోలీని జరుపుకుంటారు. ఈ పత్తర్ మార్ హోలీ సమయంలో ఎవరైనా గాయపడితే, దానిని శుభసూచకంగా భావిస్తారని చెబుతారు.
మధ్యప్రదేశ్
మధ్యప్రదేశ్లో ఝబువా, ఉన్హెల్, చుట్టుపక్కల గ్రామాల్లో, హోలిక దహన్ తర్వాత మండుతున్న నిప్పులపై నడిచే సంప్రదాయాన్ని పాటిస్తారు. రాజస్థాన్లోని దుంగార్పూర్లో, మండుతున్న నిప్పులపై నడవడం ద్వారా కూడా ఈ ప్రత్యేకమైన సంప్రదాయాన్ని పాటిస్తారు. ఇది విపత్తును నివారిస్తుందని నమ్ముతారు.
ఆంధ్రప్రదేశ్
ఆంధ్రప్రదేశ్లోని కర్నూలు జిల్లాలో సంతేకుడలూర్ గ్రామంలో హోలీ రోజున పురుషులు చీరలు , నగలు ధరిస్తారు. రతి-కామదేవుని పూజలో భాగంగా ఈ ఆచారాన్ని నిర్వహిస్తారు, ఇక్కడ పురుషులు దేవతను శాంతింపజేయడానికి స్త్రీల వేషధారణ చేస్తారు.
హిమాచల్ ప్రదేశ్
హిమాచల్ ప్రదేశ్ మండిలో హోలీ రోజు సోదరీమణులు , కుమార్తెల ఇళ్లకు స్వీట్లతో పాటు ప్రత్యేక రోటీలను పంపుతారు. ఈ రోటీలలో కుంకుమ పువ్వు, పిస్తాపప్పులు , వాల్నట్లు కూడా ఉపయోగిస్తారు. పండించిన పంటలో కొంత భాగాన్ని కుమార్తెలకు పంపడం వల్ల వారి తల్లిదండ్రులు, అత్తమామల ఇళ్లలో ఆనందం లభిస్తుందని ఈ సంప్రదాయం వెనుక ఉన్న నమ్మకం.
ప్రయాగ్రాజ్
హోలిక దహన్కు ఒక రోజు ముందు, నగర వీధుల గుండా సుత్తి ఊరేగింపు జరుగుతుంది. ఈ సుత్తిని వరుడిగా పూజిస్తారు, ఆపై దానితో గుమ్మడికాయను ముక్కలు చేస్తారు. ఈ ఆచారాన్ని కడ్డు భంజన్ అంటారు. ఈ ఆచారాన్ని చెడు, ప్రతికూలతకు చిహ్నంగా చూస్తారు.
గమనిక: ఇక్కడ అందించిన సమాచారం కేవలం నమ్మకాలపై ఆధారపడి ఉంటుంది. పండితులు చెప్పిన వివరాలు, ఆధ్యాత్మిక గ్రంధాల నుంచి సేకరించి అందించిన వివరాలు ఇవి. వీటిని ఎంతవరకూ పరిగణలోకి తీసుకోవాలన్నది పూర్తిగా మీ వ్యక్తిగతం. ఏదైనా సమాచారం లేదా నమ్మకాన్ని అమలు చేయడానికి ముందు సంబంధిత నిపుణుడిని సంప్రదించండి.
ఉగాది 2026 పరాభవ నామసంవత్సరంలో మీ రాశి ఆదాయం - వ్యయం తెలుసుకోండి!
2026 ఉగాది ఎప్పుడు? రాబోతున్న తెలుగు సంవత్సరం పేరేంటో తెలుసా!
ఉగాది 2026 - పరాభవ నామ సంవత్సర కందాయ ఫలాలు! మీ నక్షత్రానికి సున్నా ఉంటే ఏం జరుగుతుంది!
టాప్ హెడ్ లైన్స్
ట్రెండింగ్ వార్తలు
