Parabhava Nama Samvatsara Ugadi 2026: 2026 ఉగాది ఎప్పుడు? రాబోతున్న తెలుగు సంవత్సరం పేరేంటో తెలుసా!
Ugadi 2026: తెలుగు సంవత్సరాది, చైత్ర శుద్ధ పాడ్యమి నూతన ఉగాది పండుగ 2026లో మార్చి 19 వచ్చింది. కొత్తగా రాబోయే తెలుగు నూతన సంవత్సరం పేరేంటి? విశిష్టత ఏంటి?
Parabhava Nama Samvatsara Ugadi 2026 Date : 2026 మార్చి 19 గురువారం ఉగాది
2025లో విశ్వావసు నామ సంవత్సరంలో ఉన్నాం
2026 మార్చి 19 నుంచి పరాభవ నామ సంవత్సరంలోకి అడుగుపెట్టబోతున్నాం ( Parabhava Nama Samvatsara Panchangam)
పరాభవ నామ సంవత్సరం గతంలో 1966 -1967 లో వచ్చింది..
చైత్రమాసి జగద్బ్రహ్మ సపర్ణ పథమే అహని
వత్సరాదౌ వసంతాదౌ రసరాద్యే తథైవచ
బ్రహ్మకల్పం ఆరంభమైన రోజు ప్రభవ సంవత్సరం...మొదటి రుతువు వసంతం, మొదటి తిథి పాడ్యమి, మొదటి వారం ఆదివారం. ఆ రోజు సృష్టి ప్రారంభమైంది. అందుకే సూర్యోదయానికి తిథి ఉన్న రోజు ఉగాది జరుపుకుంటాం
ఉగస్య ఆదిః ఉగాదిః (Ugadi 2026)
ఉగ అంటే నక్షత్ర గమనం
నక్షత్ర గమనానికి ఆరంభం ఉగాది అని అర్థం
బ్రహ్మదేవుడికి పగలు అంటే 432,00,00,000 సంవత్సరాలు..రాత్రి కూడా అంతే.. ఓవరాల్ గా సృష్టికర్తకు ఒక రోజు అంటే 864,00,00,000 సంవత్సరాలు. ఇలా 360 రోజులు పూర్తయితే బ్రహ్మకు ఏడాది గడిచినట్టు. ఇలా బ్రహ్మకు వందేళ్లు ఆయుష్షు. ఇప్పటివరకూ ఆరుగులు బ్రహ్మలు సృష్టికార్యం పూర్తిచేశారు. ప్రస్తుతం ఏడో బ్రహ్మ ద్వితీయపరార్థంలో ఉన్నాడు. అంటే ఆయన వయసు 51 సంవత్సరాలు. ప్రస్తుతం మనం వైవస్వత మన్వంతరం కలియుగంలో ఉన్నాం.
శ్రీ మహావిష్ణువు మత్స్యావతారంలో సోమకుడు అనే రాక్షసుడిని సంహరించి వేదాలను రక్షించి బ్రహ్మకు అప్పగించిన రోజు ఉగాది.
శ్రీ రామచంద్రుడు, విక్రమాదిత్యుడు, శాలివాహనుడు పట్టాభిషిక్తుడైన రోజు ఉగాది
వరాహమిహిరుడు జాతికి పంచాగాన్ని అంకితం చేసిన రోజు ఉగాది
తెలుగు సంవత్సరాల్లో 2026లో రాబోతున్న సంవత్సరం పేరు పరాభవ.. ఇది 40వది
మొత్తం తెలుగు సంవత్సరాల పేర్లు ఇవే...
1. ప్రభవ, 2. విభవ, 3. శుక్ల 4. ప్రమోదూత, 5. ప్రజోత్పత్తి, 6. ఆంగీరస, 7. శ్రీముఖ, 8. భవ, 9. యువ
10 ధాత, 11. ఈశ్వర, 12. బహుధాన్య, 13. ప్రమాథి, 14. విక్రయ, 15. వృక్ష, 16. చిత్రభాను, 17. స్వభాను
18. తారణ, 19. పార్థివ, 20. వ్యయ, 21. సర్వజిత్, 22. సర్వధారి, 23. విరోధి, 24. వికృతి, 25. ఖర, 26. నందన
27. విజయ, 28. జయ, 29. మన్మథ, 30. దుర్ముఖి, 31. హేవలంభి, 32. విలంబి, 33. వికారి, 34. శార్వరి
35. ప్లవ, 36. శుభకృత్, 37. శోభకృత్, 38. క్రోధి, 39. విశ్వావసు, 40. పరాభవ, 41. ప్లవంగ, 42. కీలక, 43. సౌమ్య
44. సాధారణ, 45. విరోధికృత్, 46. పరీధావి, 47. ప్రమాదీచ, 48. ఆనంద, 49. రాక్షస, 50. నల, 51. పింగళ
52. కాళయుక్త, 53. సిద్ధార్థి, 54. రౌద్రి, 55. దుర్మతి, 56. దుందుబి, 57. రుధిరోద్గారి, 58. రక్తాక్షి, 59. క్రోధన, 60. అక్షయ
తెలుగు సంవత్సరాలకు ఈ పేర్లు పెట్టడం వెనుక చాలా కథలు ప్రచారంలో ఉన్నాయి. శ్రీ కృష్ణుడికి 16,100 మంది భార్యల్లో సందీపని అనే రాకుమారి సంతానం అయిన 60 మంది పేర్లు ఇవి అని చెబుతారు. మరో పురాణ కథ ప్రకారం నారదుడి సంతానం పేర్లు ఇవి అని చెబుతారు. దక్షప్రజాపతి కుమార్తెల పేర్లు కూడా ఇవే అని మరో కథనం
చాంద్రమాసాన్ని అనుసరించి జరుపుకునే ఈ పండుగను కేవలం తెలుగు రాష్ట్రాల్లోనే కాదు..బెంగాల్, కేరళ, పంజాబ్, మహారాష్ట్ర, అస్సాంలోనూ ఘనంగా జరుపుకుంటారు
గడిచిన సంవత్సరం అందించిన విజయాలు నూతన సంవత్సరంలో కొనసాగాలి...గడిచిన ఏడాదిలో ఎదుర్కొన్న ఇబ్బందులకు నూతన ఏడాది ముగింపునివ్వాలని కోరుకుంటూ.. ABP దేశం ప్రేక్షకులకు ముందుగా పరాభవ నామ సంవత్సర శుభాకాంక్షలు
గమనిక: ఇక్కడ అందించిన సమాచారం కేవలం నమ్మకాలపై ఆధారపడి ఉంటుంది. పండితులు చెప్పిన వివరాలు, ఆధ్యాత్మిక గ్రంధాల నుంచి సేకరించి అందించిన వివరాలు ఇవి. వీటిని ఎంతవరకూ పరిగణలోకి తీసుకోవాలన్నది పూర్తిగా మీ వ్యక్తిగతం. ఏదైనా సమాచారం లేదా నమ్మకాన్ని అమలు చేయడానికి ముందు సంబంధిత నిపుణుడిని సంప్రదించండి.
టాప్ హెడ్ లైన్స్
ట్రెండింగ్ వార్తలు
