Chandrababu Naidu: చంద్రబాబు 4.0 - హైటెక్ ముద్ర నుంచి హార్ట్‌ఫుల్ లీడర్ వరకు.. ఈ మార్పు వ్యూహమా?
CBN 4.0: చంద్రబాబు అంటే ఒకప్పుడు అద్దాల మేడలు, సైబరాబాద్ గోపురాలు, వరల్డ్ బ్యాంక్ ప్రతినిధులతో చర్చలు మాత్రమే గుర్తుకు వచ్చేవి. ఇప్పుడు మారిపోయారు. సామాన్యుల ఇళ్లకు వెళ్లి అందరితో కలిసిపోతున్నారు.
Chandrababu Naidu Human Touch Politics : ఆంధ్రప్రదేశ్ రాజకీయాల్లో టెక్నికల్ మేనేజర్ నుంచి పీపుల్స్ లీడర్ వరకు చంద్రబాబు నాయుడు మార్పు చూపిస్తున్నారు. తన 40 ఏళ్ల రాజకీయ ప్రస్థానంలో ఎప్పుడూ డేటా , జీడీపీ , విజన్ అంటూ మాట్లాడే చంద్రబాబు, ఇప్పుడు చేపల కూర , ఆటో డ్రైవర్ కష్టాలు అంటూ సామాన్యుడి గడప తొక్కుతున్నారు. గతంలో చంద్రబాబును విమర్శించే వారు ఆయనను కార్పొరేట్ సీఈఓ గా అభివర్ణించేవారు. ఇప్పుడు ముఖ్యమంత్రి అయ్యాక, తాను కేవలం ఫైళ్లపై సంతకాలు చేసే వ్యక్తిని మాత్రమే కాదని, ప్రజల కష్టాల్లో పాలుపంచుకునే పెద్దన్న నని నిరూపించుకోవాలని ఆయన తాపత్రయపడుతున్నారు. మత్స్యకారుడి ఇంట్లో నేలపై కూర్చుని భోజనం చేయడం అనేది కేవలం ఫోటోలకు పరిమితం కాదు, అది క్షేత్రస్థాయిలో ప్రజలతో మమేకమవ్వాలనే ఒక బలమైన సంకల్పానికి నిదర్శనం.
విమర్శలను సైతం లెక్కచేయని సామాన్యుడి పంథా
ప్రతిపక్షాలు దీనిని పీఆర్ స్టంట్ అని కొట్టిపారేయవచ్చు. కానీ చంద్రబాబు లాంటి సీనియర్ నేతకు ఇటువంటి ఇమేజ్ బిల్డింగ్ అవసరాలు కొత్తేమీ కాదు. అయినప్పటికీ, ఆయన పదేపదే సామాన్యుల ఇళ్లకు వెళ్లడం వెనుక ఒక స్పష్టమైన సందేశం ఉంది. గత ప్రభుత్వ హయాంలో పాలకులు ప్రజలకు దూరమయ్యారనే విమర్శ ఉండేది. ఆ గ్యాప్‌ను భర్తీ చేస్తూ, నేను మీ మధ్యే ఉన్నాను.. మీలాగే ఉంటాను అనే భరోసాను ఆయన సామాన్యుల్లో నింపుతున్నారు. చెప్పులు కుట్టే వ్యక్తి నుంచి ఆటో డ్రైవర్ వరకు అందరినీ పలకరించడం ద్వారా సామాజిక సమతుల్యతను దెబ్బతీయకుండా అందరివాడిగా మారే ప్రయత్నం చేస్తున్నారు.
During my visit to Kavali in Nellore today, Thanamgari Babu garu invited me to his home for lunch. I bought some freshly caught fish from the market, and T Venkamma garu graciously cooked a delicious meal for us. We shared lunch with the family while discussing the aspirations of… pic.twitter.com/jzFG8G8lGc
— N Chandrababu Naidu (@ncbn) May 19, 2026
కంప్యూటర్ ప్లస్ కామన్ మ్యాన్!
చంద్రబాబు తన పాత హైటెక్ ముద్రను వదులుకోలేదు, దానికి హ్యూమన్ టచ్ ను జోడించారు. ఒకవైపు బడా సంస్థలతో పెట్టుబడుల గురించి చర్చిస్తూనే.. మరోవైపు పల్లెటూరి రచ్చబండపై కూర్చుని ప్రజల సమస్యలు వింటున్నారు. ఈ హైబ్రిడ్ మోడల్ రాజకీయాల్లో చాలా అరుదు. ఒకప్పుడు కేవలం సంపన్న వర్గాలకే పరిమితమైన నేతగా ముద్రపడ్డ ఆయన, ఇప్పుడు అట్టడుగు వర్గాల ఇంటికి వెళ్లడం ద్వారా తన రాజకీయ పునాదిని మరింత పటిష్టం చేసుకుంటున్నారు. చంద్రబాబులో వచ్చిన ఈ మార్పు కేవలం ప్రజల కోసమే కాదు, తన పార్టీ నేతలకు కూడా ఒక పాఠం. ముఖ్యమంత్రి అంతటి వాడే సామాన్యుడి ఇంటికి వెళ్తుంటే, ఎమ్మెల్యేలు, మంత్రులు ఏసీ గదుల్లో కూర్చుంటే కుదరదనే హెచ్చరిక ఇందులో అంతర్లీనంగా ఉంది. పనితీరు ఆధారిత ర్యాంకులు ఇస్తూనే, మరోవైపు మానవత్వంతో ప్రజల్లోకి వెళ్లాలని ఆయన తన కేడర్‌కు దిశానిర్దేశం చేస్తున్నారు. ఇది పార్టీలో ఒక కొత్త పని సంస్కృతిని తీసుకువస్తోంది.
మత్స్యకారుల ఇంటికి సీఎం చంద్రబాబు#cmchandrababu #fishermen #apcostalarea #ABPTeluguNews #ABPDesam #TeluguNews pic.twitter.com/K5o4a88Mgo
— ABP Desam (@ABPDesam) May 20, 2026
ఇది వ్యూహాత్మక విజయమే!
చంద్రబాబు అనుసరిస్తున్న ఈ విధానం ఆయన ఇమేజ్‌ను గ్రామీణ ప్రాంతాల్లో రెట్టింపు చేస్తోంది. ఐటీ ఉద్యోగులకు మాత్రమే కాకుండా, రైతులకు, కూలీలకు కూడా చంద్రబాబు తనవాడే అనే భావన కలుగుతోంది. ఈ పంథాను ఎంచుకోవడం ద్వారా భావోద్వేగ పరంగా ప్రజలకు దగ్గరవుతున్నారు. ఇది దీర్ఘకాలంలో టీడీపీకి ఒక తిరుగులేని సామాజిక రక్షణ కవచాన్ని ఏర్పాటు చేస్తుంది. మొత్తానికి చంద్రబాబు 4.0 వెర్షన్ చాలా స్మార్ట్‌గా, అంతే హుందాగా సాగుతోంది. అట్టడుగు వర్గాల ఇళ్లలో ఆయన చేసే భోజనం, పంచుకునే ముచ్చట్లు కేవలం ఎన్నికల గెలుపు కోసం చేసేవి కావు. హైటెక్ విజన్ కి తోడు ఈ సామాన్యుడి సాన్నిహిత్యం తోడైతే.. చంద్రబాబు మరోసారి తన రాజకీయ చాణక్యాన్ని నిరూపించుకున్నట్లే!
టాప్ హెడ్ లైన్స్
ట్రెండింగ్ వార్తలు
