In Pics: సీఎం రేవంత్ రెడ్డి రాఖీ సెలబ్రేషన్స్, సీతక్కతో రాఖీపై ప్రత్యేకంగా పోస్ట్

Revanth Reddy Raksha Bandhan: మంత్రి సీతక్క రాఖీ కట్టడంపై రేవంత్ రెడ్డి ప్రత్యేకంగా స్పందించారు. తమ అనుబంధం వెన్నెలంత చల్లనిదాని అభివర్ణించారు. రాష్ట్ర ప్రజలకు రాఖీ శుభాకాంక్షలు తెలిపారు.

రేవంత్ రెడ్డి రాఖీ వేడుకలు

తెలంగాణ ముఖ్యమంత్రి రేవంత్ రెడ్డి రాఖీ వేడుకల్లో పాల్గొన్నారు.

ముఖ్యమంత్రికి కాంగ్రెస్ మహాళా నేతలు సహా బ్రహ్మకుమారీలు రాఖీ కట్టారు.

‘‘సోదరి సీతక్కతో నా అనుబంధం.. రాఖీ పౌర్ణమి నాటి వెన్నెలంత చల్లనిది. ఈ పండుగ వేళ రాఖీ కట్టిన సీతక్కతో పాటు రాష్ట్రంలోని ప్రతి ఆడబిడ్డ జీవితంలో పండు వెన్నెల లాంటి ఆనందాలు వెల్లివిరియాలని మనసారా కోరుకుంటున్నాను’’ అని రేవంత్ రెడ్డి అన్నారు.

మంత్రి సీతక్క, ఎంపీ కావ్య, ఎమ్మెల్యేలు పర్ణికా రెడ్డి, రాగమయి, కార్పొరేషన్ చైర్ పర్సన్లు బండ్రు శోభారాణి, నేరెళ్ల శారద, కాల్వ సుజాత వంటి కాంగ్రెస్ మహిళా నేతలు రేవంత్ రెడ్డికి రాఖీ కట్టారు.

వీరితోపాటు బ్రహ్మకుమారీలు కూడా పలువురు ముఖ్యమంత్రికి రాఖీ కట్టారు.

‘‘అనుబంధాలకు ప్రతీక రాఖీ పౌర్ణమి పర్వదినం సందర్భంగా ముఖ్యమంత్రి ఎ.రేవంత్ రెడ్డి గారికి సోదరీమణులైన మహిళా నాయకులు, ప్రజా ప్రతినిధులు రాఖీ కట్టారు.

మంత్రి ధనసరి అనసూయ సీతక్క గారు, ఎంపీ కావ్య గారు, ఎమ్మెల్యేలు పర్ణికా రెడ్డి గారు, రాగమయి గారు, కార్పొరేషన్ చైర్ పర్సన్లు బండ్రు శోభారాణి గారు, నేరెళ్ల శారద గారు, కాల్వ సుజాత గార్లతో పాటు బ్రహ్మకుమారీలు ముఖ్యమంత్రి గారికి రాఖీ కట్టారు.

వారందరికీ ముఖ్యమంత్రి గారు పేరుపేరునా అభినందనలు, శుభాకాంక్షలు తెలియజేశారు’’ అని ముఖ్యమంత్రి కార్యాలయం ఓ ప్రకటనలో తెలిపింది.

రాఖీ సందర్భంగా మంత్రి సీతక్క రేవంత్ రెడ్డి మనవడిని కాసేపు ఆడించారు.

బ్రహ్మకుమారీలతో ముఖ్యమంత్రి రేవంత్ రెడ్డి

తెలంగాణ రాష్ట్ర వ్యవహారాల ఇంఛార్జి దీపాదాస్ మున్షీ కూడా రేవంత్ రెడ్డికి రాఖీ కట్టారు.