Photos: నిమజ్జనం వేళ Hyd విహంగ వీక్షణం, మెట్రో ఒంపుసొంపులతో అందమైన సిటీని పైనుంచి చూడండి

హైదరాబాద్ విహంగ వీక్షణం

హైదరాబాద్‌లోని పలు ప్రాంతాలలో జరుగుతున్న గణేష్ శోభాయాత్ర, నిమజ్జనాన్ని మంత్రులు తలసాని శ్రీనివాస్ యాదవ్, మహమూద్ అలీ ఏరియల్ వ్యూ ద్వారా పరిశీలించారు.

ఆదివారం సాయంత్రం బేగంపేట విమానాశ్రయం నుండి మంత్రులు తలసాని శ్రీనివాస్ యాదవ్, మహమూద్ అలీ హెలికాప్టర్‌లో బయలుదేరి జీహెచ్ఎంసీ పరిధిలోని పలు ప్రాంతాలలో విహంగ వీక్షణం చేశారు.

మంత్రుల వెంట డీజీపీ మహేందర్ రెడ్డి, సీపీ అంజనీ కుమార్ ఉన్నారు.

ఈ సందర్భంగా మంత్రి తలసాని శ్రీనివాస్ యాదవ్ మాట్లాడుతూ లక్షలాది మంది పాల్గొనే హైదరాబాద్‌లో నిర్వహించే గణేష్ శోభాయాత్రకు దేశంలోనే ప్రత్యేక గుర్తింపు ఉందన్నారు.

శోభాయాత్ర, నిమజ్జనం సందర్భంగా ఎలాంటి ఇబ్బందులు ఏర్పడకుండా ముఖ్యమంత్రి కల్వకుంట్ల చంద్రశేఖర్ రావు ఆదేశాల మేరకు ప్రభుత్వ పరంగా అన్ని ఏర్పాట్లు చేసినట్లు చెప్పారు.

అన్ని పండుగలను ప్రజలు సంతోషంగా జరుపుకోవాలని కోరారు.

అంతకుముందు మంత్రులు మహమూద్ అలీ, తలసాని శ్రీనివాస్, డీజీపీ మహేందర్ రెడ్డి, హైదరాబాద్ కమిషనర్ అంజనీ కుమార్ బేగంపేట విమానాశ్రయానికి వెళ్లి హెలికాప్టర్ ఎక్కారు.