Gulab Jamun Recipe : పర్​ఫెక్ట్ రుచితో గుండ్రని గులాబ్ జామున్ చేసేయండిలా.. సింపుల్, టేస్టీ రెసిపీ

Gulab Jamun : స్వీట్స్ అంటే ఇష్టమా? అయితే మీకు గులాబ్ జామున్ కచ్చితంగా ఇష్టముంటుంది. దీనిని ఇంట్లోనే సింపుల్​గా ఎలా చేయాలో ఇప్పుడు చూసేద్దాం.

గులాబ్ జామున్ రెసిపీ (Image Source : Envato)

గులాబ్ జామున్​ని తినడానికి ఈజీగా ఉంటుంది. కానీ దానిని తయారు చేయడానికి కొందరు కష్టపడతారు. గుండ్రని గులాబ్​ జామున్​ని పగలకుండా ఎలా చేయాలో ఇప్పుడు చూసేద్దాం.

గులాబ్ జామున్ పౌడర్ తీసుకుని దానిలో పాలు వేసుకుని పిండిని మృదువుగా కలపాలి. పిండి ముద్దలు లేకుండా మొత్తం కలిసి స్మూత్​గా ఉండేలా కలుపుకోండి. కాస్త లూజ్​గా ఉంటే ఫ్రిడ్జ్​లో పెట్టుకోవాలి.

అనంతరం పిండిని తీసుకుని చిన్న చిన్న బాల్స్​గా చుట్టుకోవాలి. మీకు నచ్చిన పరిమాణంలో వీటిని చుట్టుకోవాలి. బాల్స్​లో ఎలాంటి పగుళ్లు లేకుండా ఉండేలా చూసుకోవాలి. అలా ఉంటే వేయించేప్పుడు జామున్ విడిపోతుంది.

ఇప్పుడు డీప్ ఫ్రైకి సరిపడా నూనె వేసి.. దానిలో ముందుగా తయారు చేసుకున్న జామున్స్ వేయాలి. అవి బ్రౌన్ కలర్​ వచ్చే మీడియం మంట మీద ఉంచి వేయించుకోవాలి. అన్నివైపులా మంచి రంగు వచ్చే వరకు ఫ్రై చేసుకుని తీసేయాలి.

మరొ స్టౌవ్​పై షుగర్ సిరప్​ను చేసుకోవాలి. షుగర్​ వేసి నీళ్లు వేసి దానిలో పంచదార కరిగిపోయే వరకు చూసుకోవాలి. దానిలో యాలకుల పొడి వేసి ఉడికించుకోవాలి. కాసేపటికి స్టౌవ్ ఆపేయాలి.

ముందుగా వేయించుకున్న గులాబ్​ జామున్​లను సిరప్​లో వేయాలి. జామున్​లో సిరప్​లో పూర్తిగా మునిగేలా చూసుకోవాలి. అరగంట నుంచి గంటపాటు అలా పక్కకి పెట్టేస్తే.. వాటిలోకి సిరప్ వెళ్లి మంచిగా ఉబ్బుతాయి.

అంతే టేస్టీ, గుండ్రని గులాబ్​ జాములు రెడీ. వీటిని మీరు ఫ్రిడ్జ్​లో పెట్టుకుని.. ఐస్​క్రీమ్ కాంబినేషన్​తో తినొచ్చు. లేదంటే నేరుగా కూడా తినవచ్చు.