Rava Vada Recipe : కరకరలాడే రవ్వ వడలు.. వర్షాకాలంలో టేస్టీగా, ఈజీగా చేసుకోగలిగే బెస్ట్ రెసిపీ

Monsoon Recipe : తక్కువ సమయంలోనే రుచికరమైన టేస్టీ వంటకం తినాలని ఉందా ? అయితే మీరు రవ్వతో చేసిన ఈ వడలను ట్రై చేయండి. రెసిపీ కూడా పదిహేను నిమిషాల్లో అయిపోద్ది.

వర్షాకాలంలో సింపుల్గా చేసుకోగలిగే వడలు (Image Source : Freepik)

తక్కువ సమయంలో రుచికరమైన వంటకం తయారు చేయాలనుకుంటే.. వర్షానికి తగ్గట్లు కరకరలాడే రవ్వ వడను ట్రై చేయవచ్చు.

దీనిని తయారు చేయడానికి ఒక గిన్నెలో రవ్వ, పెరుగు, ఉల్లిపాయ, కొత్తిమీర, పచ్చిమిరపకాయ, అల్లం అన్ని ముక్కలుగా కోసుకుని వేసుకోవాలి. జీలకర్ర, బేకింగ్ సోడా, ఉప్పు కూడా వేసి కలపాలి.

ఈ మిశ్రమాన్ని 10 నుంచి 15 నిమిషాల వరకు పక్కన ఉంచాలి. అప్పుడు రవ్వ మెత్తబడుతుంది. ఈలోపు స్టౌవ్ వెలిగించి దానిపై కడాయి ఉంచి వేయించుకోవడానికి సరిపడా నూనె వేయాలి.

వడలకు తగ్గట్లు పిండి ఉందేమో చెక్ చేసుకోవాలి. మరీ గట్టిగా ఉంటే కొంచెం నీరు జల్లుకోవచ్చు. ఇప్పుడు మిశ్రమాన్ని మరోసారి బాగా కలుపుకుని చిన్న చిన్న వడలుగా చేసుకొని వేడి నూనెలో వేయించుకోవాలి.

వడలు బంగారు రంగులోకి మారిన తర్వాత ప్లేట్​లోకి తీసి.. వేడి వేడి చట్నీ లేదా సాంబార్ తో కలిపి సర్వ్ చేసుకోవచ్చు.

ఈ రెసిపీని ఫాలో అయితే అతి తక్కువ సమయంలో మీరు రుచికరమైన వంటకం తయారు చేసుకోవచ్చు. స్కూళ్ల, ఆఫీస్​లకు తీసుకెళ్లేందుకు కూడా అనువైనవి.