Rava Ponganalu : తక్కువ సమయంలో చేసుకోగలిగే రవ్వ పొంగనాలు రెసిపీ.. క్రిస్టీగా, టేస్టీగా చేసేయండిలా

Rava Ponganalu Recipe : వర్షాకాలంలో రుచికరమైన పొంగనాలు తినాలనుకుంటే ఎలాంటి పిండి లేకుండా సింపుల్గా చేసుకోగలిగే టేస్టీ రెసిపీని ఇప్పుడు చూసేద్దాం.

రవ్వ పొంగనాలు రెసిపీ (Image Source : Freepik)

వర్షాకాలంలో ఉదయాన్నే ఏమైనా టేస్టీగా తినాలనుకుంటే మీరు రవ్వతో చేసుకోగలిగే టేస్టీ, క్రిస్పీ గుంట పొంగనాలు ట్రై చేయవచ్చు. తక్కువ సమయంలో తయారుచేసే రెసిపీని చూసేద్దాం.

రవ్వ పొంగనాలు తయారు చేయడానికి.. ముందుగా ఒక గిన్నెలో రవ్వ తీసుకోండి. దీనిలో పెరుగు, నీరు వేసి పేస్ట్ లా తయారు చేసుకోండి.

15 నుంచి 20 నిమిషాలు పక్కన పెట్టేయాలి. రవ్వ నానిన తర్వాత దానిలో పసుపు, ఇంగువ, కారం, ధనియాల పొడి, ఉప్పు వేసి అన్ని బాగా కలిసేలా కలపాలి.

పిండిని మరీ గట్టిగా కాకుండా కాస్త పల్చగా కలపండి. ఇలా చేస్తే పొంగనాలు బాగా ఉబ్బుతాయి. ఇప్పుడు పొంగనాల పాన్​లో నూనె లేదా నెయ్యి వేసి ఒక స్పూన్​తో పిండిని పాన్​లో వేయాలి.

పొంగనాలు రెండు వైపులా బాగా ఉడికించి బంగారు రంగులోకి మారేలా చూసుకోవాలి. ఇప్పుడు వాటిని ఒక ప్లేట్​లోకి తీసి కొబ్బరి చట్నీతో తినొచ్చు.

మీకు నచ్చితే కూరగాయలను కూడా పిండిలో కలుపుకోవచ్చు. సన్నగా తరిగిన కూరగాయ ముక్కలను పొంగనాలు వేసేందుకు తరిగి.. తక్కువ మంట మీద ఉడికించుకోవాలి.