Oats Payasam Recipe : ఆరోగ్యానికి మేలు చేసే ఓట్స్ పాయసం రెసిపీ.. స్వీట్ క్రేవింగ్స్​ని కూడా దూరం చేస్తుంది

Oats Payasam : ఆరోగ్యానికి మేలు చేసే ఫుడ్స్ తినాలనుకుంటే దానిలో ఓట్స్ కచ్చితంగా ఉంటుంది. అయితే మీరు స్వీట్​ క్రేవింగ్స్​తో ఇబ్బంది పడుతుంటే ఈ ఓట్స్​తో తియ్యని రెసిపీ చేసుకోవచ్చు.

ఓట్స్ పాయసం రెసిపీ (Image Source : Freepik)

స్వీట్ క్రేవింగ్స్ ఉన్నాయా? అలాగే మీరు డైట్​లో కూడా ఉన్నారా? అయితే మీరు ఈ ఓట్స్ పాయసం ట్రై చేయండి. ఇది పండుగల సమయంలో కూడా స్వీట్ క్రేవింగ్స్​ని దూరం చేసి హెల్తీగా ఉంచడంలో హెల్ప్ చేస్తుంది.

ఓట్స్ పాయసం తీపి వంటకం అయినప్పటికీ.. దానిలో ఫైబర్, పోషకాలు పుష్కలంగా ఉంటాయి. అలాగే దీనికోసం మీరు పంచదారకు బదులుగా బెల్లం లేదా స్టీవియాను ఉపయోగించవచ్చు.

పాయసం ఎలా చేయాలో ఇప్పుడు చూసేద్దాం. ముందుగా జీడిపప్పులను కొద్దిగా నెయ్యిలో బంగారు రంగు వచ్చే వరకు వేయించి పక్కన పెట్టుకోవాలి.

అదే పాన్​లో మల్టీగ్రెయిన్ ఓట్స్ వేయండి. వాటిని టోస్ట్ చేసి బంగారు రంగులోకి వచ్చే వరకు వేయించాలి. తరువాత పాలు పోసి కలపండి.

చిక్కబడే వరకు ఉడికించాలి. తరువాత యాలకుల పొడి, బెల్లం తురుము లేదా స్టీవియా వేసి బాగా కలిసేలా చూసుకోవాలి.

చివరిగా నెయ్యి వేసి కలపండి. అంతే పాయసం రెడీ. ఓట్స్ పాయసాన్ని ఒక సర్వింగ్ బౌల్ లోకి తీసుకుని జీడిపప్పుతో అలంకరించి.. వేడిగా లేదా చల్లగా సర్వ్ చేసుకోవచ్చు.