Anant Radhika Wedding: అనంత్ రాధికల పెళ్లికి కామ్ డౌన్ ఫేమ్ రెమా, ఒక్కో పాటకు ఎంత తీసుకుంటాడో తెలుసా?

Anant Radhika Wedding: ముంబైలో జరగనున్న అనంత్ అంబానీ మరియు రాధిక మర్చంట్‌ల వివాహ వేడుకలో పాల్గొనడానికి సింగర్ రెమా భారత్ లో అడుగు పెట్టాడు. పెళ్లి కోసం ముంబై వచ్చిన అంతర్జాతీయ సెలబ్రిటీలలో రెమా ఒకరు

అనంత్ రాధిక పెళ్లికి అంతర్జాతీయ సింగర్ (Photo Source: Twitter/

కొన్ని గంటల తర్వాత ఒకటి కాబోతున్నఅనంత్ అంబానీ మరియు రాధిక మర్చంట్ ల వివాహానికి అతిధులు తరలి వస్తున్నారు. సాధారణంగా అంబానీ ఇంట ప్రతి ఫంక్షన్‌లో భారతీయ మరియు విదేశీ గాయకులను, నృత్యకారులను ఆహ్వానించటం చేస్తూ ఉంటారు. ఇక ఇప్పుడు జరగనున్న వివాహ వేడుకకు అంతర్జాతీయ గాయకుడు రెమా హాజరయ్యాడు.

ప్రపంచ ప్రఖ్యాతి గాంచిన బేబీ కమ్ డౌన్ పాటకు స్వరకర్త, గాయకుడు రెమా కొద్దిసేపటి క్రితం భారతదేశానికి చేరుకున్నాడు. ముంబైలోని కలీనా ప్రైవేట్ విమానాశ్రయంలో ఈ నైజీరియన్ రాపర్ లాండ్ అయ్యాడు.

జాతీయ మీడియా కథనం ప్రకారం, రెమా అంబానీ పెళ్లిలో ఒక పాట కోసం 25 కోట్లు వసూలు చేస్తున్నట్టుగా తెలుస్తోంది. రేమా ఇండియాకి బయలు దేరే ముందే చార్టెడ్ ఫ్లయిట్ ఎక్కుతున్న ఫోటో కు ఇండియా మ్యాప్ జోడించి తన సోషల్ మీడియా అకౌంట్ లో పోస్ట్ చేశాడు.

రెమా ఎయిర్పోర్టు లో కనబడే సమయానికి బ్లాక్ బెల్-బాటమ్ ప్యాంట్‌పై నల్లని లెదర్ జాకెట్‌ను ధరించాడు. తలకు నలుపు రంగు మఫ్లర్, కళ్ళకు గాగుల్స్ పెట్టుకొని తన బృందంతో కలిసి ఫ్లయిట్ దిగాడు .