Warning Signs on Face : ముఖంపై ఈ లక్షణాలు కనిపిస్తే జాగ్రత్త.. కిడ్నీ సమస్యలు కావొచ్చు

Kidney Problems : ముఖంపై కనిపించే చిన్న మార్పులు మూత్రపిండాల సమస్యలకు సంకేతం కావచ్చు. ఇంతకీ ఆ లక్షణాలు ఏంటో.. తీసుకోవాల్సిన జాగ్రత్తలేమిటో చూసేద్దాం.

కిడ్నీ సమస్యలుంటే ముఖంపై కనిపించే మార్పులివే (Image Source : Freepik)

తగినంత నిద్ర ఉన్నా.. కళ్ల కింద నల్లటి వలయాలు అలాగే ఉంటే.. అది మూత్రపిండాల సమస్యలను సూచిస్తుంది. కిడ్నీల్లో అలసట, శరీరంలో టాక్సిన్స్ పేరుకుపోవడానికి సంకేతం కావచ్చు.

మూత్రపిండాలు శరీరంలోని అదనపు నీరు, లవణాలను తొలగిస్తాయి. ఇది నెమ్మదిగా జరిగినప్పుడు.. నీరు శరీరంలో పేరుకుపోవడం ప్రారంభమవుతుంది. దీనివల్ల మొదట ముఖంపై వాపు కనిపిస్తుంది.

చర్మం పసుపు రంగులోకి మారుతుంది. రక్తహీనత లేదా టాక్సిన్ల పేరుకుపోవడం వల్ల కావచ్చు. ఈ పరిస్థితులు దీర్ఘకాలిక మూత్రపిండాల వ్యాధితో సంబంధం కలిగి ఉంటాయి.

మూత్రపిండాలు సరిగ్గా పనిచేయకపోతే.. శరీరంలో వ్యర్థ పదార్థాలు పేరుకుపోవడం ప్రారంభమవుతాయి. దీనివల్ల చర్మంపై దురద, ఎర్రటి దద్దుర్లు వస్తాయి. ఇది మూత్రపిండాల దెబ్బతినడానికి కూడా ఒక లక్షణం కావచ్చు.

కిడ్నీలు శరీరంలో నీరు, ఎలక్ట్రోలైట్ల సమతుల్యతను కాపాడుతాయి. పెదవులు పదేపదే పొడిబారుతూ ఉంటే.. నోరు ఎల్లప్పుడూ దాహంగా అనిపిస్తే మూత్రపిండాల పనితీరు సరిగ్గా లేదని ఇది సూచిస్తుంది.

మూత్రపిండాలు శరీరంలోని టాక్సిన్స్​ను తొలగించలేనప్పుడు.. అవి రక్తంలోకి ప్రవేశిస్తాయి. శ్వాస, నోటిపై కూడా ప్రభావం చూపిస్తాయి. దీని వలన దుర్వాసన లేదా మెటాలిక్ రుచి వస్తుంది.