AI Chatbots on Mental Health : మానసిక ఆరోగ్యాన్ని దెబ్బతీస్తోన్న AI Chatbots.. AI సైకోసిస్​పై నిపుణుల హెచ్చరికలివే

AI Chatbots for Serious Mental Health Issues : కొన్ని రోజుల నుంచి AI సైకోసిస్ అనే పదం బాగా వినిపిస్తోంది. AI చాట్‌బాట్‌లతో సంభాషణలలో వాస్తవం, కల్పన మధ్య తేడాను గుర్తించలేని మానసిక స్థితి ఇది.

మానసిక ఆరోగ్యాన్ని దెబ్బతీస్తోన్న AI Chatbots

డెన్మార్క్​లోని ఆర్హస్ విశ్వవిద్యాలయానికి చెందిన మనస్తత్వవేత్త సోరెన్ ఆస్టర్‌గార్డ్ తన పరిశోధనలో AI చాట్‌బాట్‌లు తరచుగా సానుకూలంగా కనిపించే సమాధానాలు ఇస్తాయని చెప్పారు. అయితే కొన్నిసార్లు వాస్తవికతకు దూరంగా ఉంటాయని చెప్పారు. దీనివల్ల మానసికంగా సున్నితమైన వినియోగదారుల ఆలోచనలు మరింత గందరగోళానికి గురయ్యే అవకాశం ఉంది. స్టాన్‌ఫోర్డ్ విశ్వవిద్యాలయ పరిశోధకులు కూడా చాలా చాట్‌బాట్‌లు మానసిక అనారోగ్యాలకు సంబంధించి.. తప్పుడు ఇన్​ఫర్మేషన్ తెలియకుండానే ఇస్తుందని కనుగొన్నారు. దీనివల్ల పరిస్థితి మరింత దిగజారవచ్చు.

చాట్​బాట్​లు వినియోగదారుడి భాష, భావోద్వేగాలు, ఆలోచనలను ప్రతిధ్వనించి రిప్లై ఇస్తున్నాయని చెబుతున్నారు. ఇది ఒక రకమైన ఎకో చాంబర్ను సృష్టిస్తుంది. ఇక్కడ వినియోగదారుడి ప్రతికూల ఆలోచనలు మరింత లోతుగా మారతాయి. కొన్ని సందర్భాల్లో మానసికంగా బలహీనంగా ఉన్న వ్యక్తులు చాట్​బాట్లతో సంభాషిస్తూ తీవ్రమైన మానసిక రుగ్మతలకు, ఆత్మహత్య ఆలోచనలకు కూడా దారితీసినట్లు గుర్తించారు.