Teeth Turning Yellow : పళ్లు పసుపుగా మారుతున్నాయా? కారణాలు ఇవే.. కంట్రోల్ చేస్తే మంచిది

Yellow Teeth Causes : కొన్ని కారణాలు, అలవాట్ల వల్ల పళ్లు పసుపు రంగులోకి మారతాయి. వాటిని అదుపులో ఉంచితే పసుపు రంగు తగ్గుతుందని నిపుణులు చెప్తున్నారు.

పళ్లు పసుపుగా మారడానికి కారణాలు ఇవే

రోజూ ఎక్కువగా టీ, కాఫీ తాగితే వాటిలోని టానిన్స్ పళ్లపై మచ్చలు పడేలా చేస్తాయి. దీంతో పళ్లు క్రమంగా పసుపు రంగులోకి మారుతాయి.

పొగ తాగడం, గుట్కా వంటి టొబాకో ఉత్పత్తులు పళ్లపై గాఢమైన స్టెయిన్స్ ఏర్పడేలా చేస్తాయి. ఇవి పసుపుదనం త్వరగా పెరగడానికి కారణం అవుతాయి.

సరైన బ్రషింగ్ లేకపోవడం కూడా ఓ కారణమే. రోజుకు రెండు సార్లు బ్రష్ చేయకపోవడం వల్ల ప్లాక్, టార్టర్ పేరుకుపోయి పళ్లు పసుపుగా కనిపిస్తాయి.

వయస్సు పెరిగే కొద్దీ పళ్లపై ఉన్న ఎమల్షన్ (Enamel) పలచబడుతుంది. లోపల ఉన్న పసుపు రంగు డెంటిన్ బయటకు కనిపిస్తుంది.

అధికంగా స్వీట్స్, షుగర్ ఫుడ్స్ తీసుకోవడం వల్ల కూడా పళ్ల రంగు మారుతుంది. చక్కెర ఎక్కువగా తీసుకోవడం వల్ల బ్యాక్టీరియా పెరిగి పళ్లపై మచ్చలు ఏర్పడతాయి.

కొన్ని యాంటీబయోటిక్స్ లేదా మందులు తీసుకోవడం వల్ల పళ్ల రంగు మారే అవకాశం ఉంటుంది. ముఖ్యంగా చిన్నప్పటి నుంచి తీసుకుంటే పసుపుగా మారుతాయి.

కొన్ని ప్రాంతాల్లో నీటిలో ఫ్లోరైడ్ అధికంగా ఉంటే ‘ఫ్లోరోసిస్’ కారణంగా పళ్లు పసుపు లేదా మచ్చలతో కనిపిస్తాయి.