Year Ender 2025: ఖాన్‌లు, కపూర్‌లు కాదు... బాలీవుడ్‌లో ఈ ఏడాది అదరగొట్టిన హీరోలు వీళ్ళే

Bollywood Successful Heros 2025: బాలీవుడ్ అంటే ఖాన్ త్రయం (సల్మాన్, షారుఖ్, ఆమిర్) అంటారు కొందరు. కపూర్ హీరోలు రణబీర్, షాహిద్ సైతం విజయాలు సాధిస్తున్నారు. వాళ్ళు కాదు... 2025లో హిట్లు కొట్టింది వీళ్ళే

ఖాన్ లు కాదు, కపూర్ లు కాదు... 2025లో బాలీవుడ్ హీరోలు కొందరు తమ ప్రతిభతో అందరి దృష్టిని ఆకర్షించారు. తమ నటనతో తెరపై మాయాజాలం చేశారు. ఈ ఏడాది హిందీ సినిమాను రూల్ చేసిన స్టార్లు ఎవరో తెలుసుకోండి

ఫిబ్రవరి 14న విడుదలైన ‘ఛావా’ సినిమాలో ఛత్రపతి శంభాజీ మహారాజ్ పాత్ర పోషించిన విక్కీ కౌశల్ ప్రేక్షకులను బాగా ఆకట్టుకున్నారు. యుద్ధ, పోరాట సన్నివేశాలలో అతని నటన కథకు మరింత బలం చేకూర్చింది. ఈ సినిమా ద్వారా విక్కీ ప్రతి పాత్రలోనూ అద్భుతంగా నటించగలడని పేరొచ్చింది.

ఫిబ్రవరి 28న విడుదలైన 'సూపర్బాయ్స్ ఆఫ్ మాలేగావ్'లో అమాయక నటనతో ప్రేక్షకులను మెప్పించాడు ఆదర్శ గౌరవ్. నాసిర్ అనే చిన్న పట్టణానికి చెందిన యువకుడి పాత్రను అతను పోషించాడు.అమాయకత్వం, నిజాయితీ, జీవితంలో ముందుకు సాగాలనే కోరికను ఆదర్శ్ తెరపై చాలా అందంగా చూపించాడు. మాలేగావ్ నీడలో నిర్మించబడిన ఈ చిత్రంలో నాసిర్ పెళ్లి వీడియోలు తీయడం నుండి ఎడిటింగ్ నేర్చుకోవడం వరకు అతని ప్రయాణాన్ని చక్కగా చూపించారు. ఇందులో ఆదర్శ్ సహజమైన నటన కనబరిచారు.