Tirupati-Delhi Flight: తిరుపతి - ఢిల్లీ మధ్య విమాన సర్వీసు ప్రారంభించిన కేంద్ర మంత్రి జ్యోతిరాదిత్య సింధియా

తిరుపతి - ఢిల్లీ విమాన సర్వీసు ప్రారంభం

దేశ రాజ‌ధాని ఢిల్లీ, ఆంధ్ర‌ప్ర‌దేశ్‌లోని చిత్తూరు జిల్లా ఆధ్యాత్మిక క్షేత్రం తిరుప‌తి న‌గ‌రాల మ‌ధ్య నూత‌న విమాన స‌ర్వీసు ప్రారంభ‌మైంది.

తిరుపతి - ఢిల్లీ మధ్య స్పైస్ జెట్ విమానాన్ని కేంద్ర విమానయాన శాఖ మంత్రి జ్యోతిరాదిత్య సింధియా ఆదివారం ప్రారంభించారు.

స్పైస్ జెట్ సంస్థ విమాన సర్వీసు అందిస్తోంది. మొట్టమొదటి విమానాన్ని ఆదివారం ఉద‌యం 9.50 గంట‌ల‌కు ఢిల్లీ నుంచి కేంద్ర మంత్రి జ్యోతిరాదిత్య సింధియా జెండా ఊపి లాంఛన ప్రాయంగా ప్రారంభించారు. ఢిల్లీలో బ‌య‌లుదేరిన స్పైస్ జెట్ విమానం తిరుప‌తికి చేరుకున్న‌ది.

విమాన సర్వీసు ప్రారంభించిన అనంతరం సింధియా మాట్లాడుతూ.. స్పైస్ జెట్ సంస్థ నూతన విమాన సర్వీసు దేశ రాజధాని ఢిల్లీని, ఏపీలోని ఆధ్యాత్మిక రాజధాని తిరుపతితో కలుపుతున్నదని చెప్పారు. ఢిల్లీ, దేశ రాజధాని సమీప ప్రాంతాల నుంచి భక్తులు తిరుమలకు చేరుకునేందుకు ఈ సర్వీసు ఉపయోగపడుతుందన్నారు. ఏటా కోట్లాది భక్తులు ఢిల్లీ నుంచి తిరుమలకు వెళ్తుంటారని తెలిపారు.