Nara Lokesh: జ్యురిచ్ పర్యటనలో న్యూ లుక్‌లో మంత్రి లోకేశ్ - కలర్ టీ షర్ట్‌లో కొత్తగా మెరిశారు

Nara Lokesh New Look: ఏపీ మంత్రి నారా లోకేశ్ దావోస్ పర్యటనలో భాగంగా జ్యురిచ్‌లో పారిశ్రామికవేత్తలతో భేటీ అయ్యారు. ఈ క్రమంలో ఆయన న్యూ లుక్‌లో టీ షర్ట్‌లో అదరగొట్టారు.

న్యూ లుక్‌లో ఏపీ మంత్రి నారా లోకేశ్

ఏపీకి పెట్టుబడులే లక్ష్యంగా సీఎం చంద్రబాబు బృందం దావోస్ పర్యటనకు వెళ్లింది. ఆయన వెంట కేంద్ర మంత్రి రామ్మోహన్, మంత్రి లోకేశ్, మంత్రి టీజీ భరత్ ఉన్నారు. జ్యురిచ్‌లో తెలుగు పారిశ్రామికవేత్తలతో ఈ బృందం భేటీ అయ్యింది.

ఈ సందర్భంగా లోకేశ్ న్యూ లుక్‌లో అదరగొట్టారు. టీ షర్టులో పారిశ్రామికవేత్తలతో భేటీ అయ్యారు.

పెట్టుబడులకు ఏపీ పూర్తిగా అనుకూలమని భారీగా పెట్టుబడులు పెట్టాలని మంత్రి లోకేశ్ ఈ సందర్భంగా పిలుపునిచ్చారు. తమ ప్రభుత్వం ఇన్వెస్టర్ ఫ్రెండ్లీ విధానాన్ని అమలు చేస్తుందని చెప్పారు.

దేశంలో ఎక్కడా లేని విధంగా ప్రోత్సాహకాలు ఇస్తున్నామని లోకేశ్ పారిశ్రామికవేత్తలకు తెలిపారు. అనుమతులన్నీ 15 రోజుల్లోనే ఇచ్చేలా ఎకనమిక్ డెవలప్‌మెంట్ బోర్డు ఏర్పాటు చేసినట్లు చెప్పారు.

రాష్ట్రంలో పరిశ్రమల ఏర్పాటుకు పూర్తి అనుకూలమైన వాతావరణం నెలకొని ఉంది. 1053 కి.మీ.ల సుదూర తీరప్రాంతం, విశాలమైన రోడ్లు, ఎయిర్ కనెక్టివిటీ, విశాఖపట్నం, కాకినాడ, కృష్ణపట్నం నౌకాశ్రయాలు ఉన్నాయని లోకేశ్ చెప్పారు.

జ్యురిచ్‌లో తెలుగు పారిశ్రామిక వేత్తలతో సీఎం చంద్రబాబు బృందం ప్రత్యేకంగా భేటీ అయ్యింది. ఈ సందర్భంగా లోకేశ్ టీషర్టులో ప్రత్యేక ఆకర్షణగా నిలిచారు.

ఇక్కడి తెలుగు పారిశ్రామికవేత్తలను చూస్తుంటే జ్యురిచ్‌లో ఉన్నామా..? లేక జువ్వలపాలెంలో ఉన్నామా.? అర్థం కావడం లేదని నవ్వుతూ చమత్కరించారు మంత్రి లోకేశ్.

సీఎం చంద్రబాబును అరెస్ట్ చేసిన సమయం తన జీవితంలో అత్యంత కష్టమైన సమయమని మంత్రి లోకేశ్ అన్నారు. ఆ టైంలోనూ ఆయన ప్రజల గురించే ఆలోచించారని చెప్పారు.

తెలుగు జాతి సత్తా ప్రపంచానికి తెలియజేసిన వ్యక్తి చంద్రబాబు అని లోకేశ్ కొనియాడారు. ఆయన విజన్ 2020ను చాలా మంది ఎగతాళి చేశారని ఈనాడు అది నిజమైందని చెప్పారు.

సీఎం చంద్రబాబు పారిశ్రామికవేత్తగా, రాజకీయ నేతగా అహర్నిశలూ శ్రమించారని లోకేశ్ అన్నారు. 3 సంస్థలు పెట్టి విఫలమైనా ఏమాత్ర అధైర్యపడకుండా హెరిటేజ్ సంస్థను స్థాపించారని పేర్కొన్నారు.

విదేశాల్లో తెలుగు వారంతా 'మోస్ట్ రిలయబుల్ ఇండియన్స్' అని లోకేశ్ పేర్కొన్నారు. 'ఓమ్ క్యాప్' అనే సంస్థ ద్వారా మిడిల్ ఈస్ట్‌కు వెళ్లే తెలుగువారి అభ్యున్నతికి కృషి చేస్తున్నట్లు చెప్పారు.

ఏపీ పునఃనిర్మాణం కోసం అంతా కలిసి పని చేయాలని తెలుగు పారిశ్రామికవేత్తలకు మంత్రి లోకేశ్ పిలుపునిచ్చారు. మీ సహకారం, తోడ్పాటు రాష్ట్రానికి అవసరమని అన్నారు. రానున్న ఐదేళ్లలో ఏపీ అంటే ఏమిటో ప్రపంచానికి చూపించాలనుకుంటున్నట్లు పేర్కొన్నారు.