Alluri Seetharamaraju district: ఊరికి స్కూల్ వచ్చిందని గిరిజనులు ఉత్సాహం- థింసా నృత్యాలతో సంబరాలు- అధికారులకు సన్మాం చేసిన ఆదివాసీలు!

Alluri Seetharamaraju district: మొన్న విద్యుత్ వెలుగులు చూసిన పల్లెలు ఎంత ఆనందపడ్డాయో ఇవాళ మరో పల్లెకు అంతకు మించిన సంతోషం దక్కింది. వాళ్లకు కొత్తగా స్కూల్ రావడంతో వారంతా సంబరాలు చేసుకుంటున్నారు.

ఊరికి అధికారికంగా ప్రభుత్వం నిర్వహించే బడి రావడంతో విద్యార్థులు, వారి తల్లిదండ్రులు పండగ చేసుకుంటూ ఆనందంగా గడిపారు.

గ్రామంలో కొత్తగా పాఠశాల ప్రారంభం కావడంతో గ్రామస్తులంతా థింసా నృత్యాలతో హోరెత్తించారు. చిన్నారులు చిందులేశారు.

అల్లూరి సీతారామరాజు జిల్లా కొయ్యూరు మండలం మూలపేట పంచాయతీ జాజులుబంధ గ్రామంలో ప్రజల ఆనందం చూస్తే ముచ్చటేస్తోంది.

ఈ గూడెంలో 30కుటుంబాల కొందు గిరిజన ఆదివాసీ కుటుంబాలున్నాయి.

ఇక్కడ పాఠశాల భవనం లేకపోవడంతో 2023-24లో గ్రామస్తులే స్వయంగా షెడ్డు నిర్మించారు.

మాతృభూమి అనే స్వచ్ఛంద సంస్థ రూ.1.35లక్షలతో విద్యా సామగ్రిని సమకూర్చింది. ఆ సంస్థ నిర్వాహకులు పుస్తకాలు పంపిణీ చేశారు.

అయితే అన్నీ ఉన్నా తమకు ఉపాధ్యాయుడు మాత్రం లేరంటూ కొన్నాళ్లగా గ్రామస్తులు ఆందోళన చేస్తూ వచ్చారు.

image 7

ఈ పల్లె ప్రజల బాధను జాతీయ మానవ హక్కుల కమిషన్‌ కూడా గుర్తించి స్పందించింది.

తక్షణమే జాజులబంధ గ్రామానికి స్కూల్‌ ఏర్పాటు చేయాలంటూ ఏపీ రాష్ట్ర ప్రిన్సిపల్‌ సెక్రెటరీని ఆదేశించింది.

ఈ ఆదేశాలు అందుకున్న అధికారులు యుద్ధ ప్రాతిపదికన స్కూల్ ఏర్పాటు చేశారు. ఇప్పుడు ఆ స్కూల్‌ను ప్రారంభించారు.

ఈ స్కూల్ ప్రాంభ కార్యక్రమంలో డీఈవో పి. బ్రహ్మాజీ రావు, ఆల్టర్‌నేట్‌ స్కూల్‌ కో ఆర్డినేటర్‌ జె. కూర్మారావు, ఎంఈవో ఎల్‌.రాంబాబు, గ్రామ సర్పంచ్‌ ఆర్‌.వెంకటలక్ష్మి, మండల కో ఆర్డినేటర్‌ కోటిలింగం పడాలి, పంచాయతీ సెక్రటరీ ఎస్‌. రవీంద్రతో పాటు సీపీఎం జిల్లా కార్యవర్గ సభ్యుడు కె.గోవిందరావు పాల్గొన్నారు.